Le 2:11 - Sơ̆p Hlabơar Nơ̆r 'Bok Kei-Dei

¹¹ Lăm minh năr, Môis 'lŏ hlôh băt tôm tơdrong boih. Sư năm ngôi tơ lu 'nhŏng oh sư, sư 'bôh tơdrong jang lu 'nhŏng oh sư pơmat-tat; na 'bôh minh 'nu bơngai Êyiptơ tôn teh bơngai Hêbrơ lăm lu 'nhŏng oh sư kơdih,

Le 2:11 Iomraidhean Croise

Le 1:11

Lei na pơtao ăn bơngai Êyiptơ wei-lăng tơdrong jang chă athei lu sư, wă rôp pơgŏ ăn tơdrong jang gleh trăp kơ kon pơlei Isơrael; lu sư man pơm pơlei Phithom păng Ramse wă pơm hnam tah mong tơmam kơ Pharaôn.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Le 5:14

Lu bơngai Isơrael mă jang lăm khŭl wei-lăng tơrô̆ kon pơlei Isơrael, đe teh lu sư păng hil khan: Liơ năr brei păng năr 'nâu, lu iĕm ưh kơ jang keh mă đêl hơgăt kơ iĕm man gŏch dôm thoi lĕ adrol ki?

Le 5:4

Mă-lei pơtao dêh Êyiptơ khan kơ lu sư: Ơ Môis păng Arôn, liơ mă măr iĕm pơtơm kon pơlei achăng hŭt lê̆ tơdrong jang lu sư thoi noh? Iĕm jah năm jang tơdrong jang iĕm kơdih đĕch!

Le 5:5

Pharaôn khan: Kon pơlei lăm dêh char dang ei kơdrâ̆m lơ dêh, na măr iĕm pơgăn pơm kơ lu sư pơdơh kơ jang hă!

Le 5:9

Lu iĕm tơpŭ ăn tơdrong jang trăp kơ lu sư wă kơ lu sư jang hrat na ưh pă 'blŏk nơ̆r pơma hơlĕnh dơ̆ng.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,