Le 19:6 - Sơ̆p Hlabơar Nơ̆r 'Bok Kei-Dei

⁶ Gah lu iĕm jing teh đak 'bok soi păng adrĕch adrung kon pơlei 'lơ̆ng rơgoh Inh, noh boih nơ̆r ih gô pơma hăm kon pơlei Isơrael.

Le 19:6 Iomraidhean Croise

I Pot 3:8

Inh đĭch đam Ih oei tŏk-bŏk kon pơlei pơla mă Ih rơih bơih, minh khŭl bơngai lơ kơdrâ̆m ưh kơ kĕ jô̆.

I Pot 8:53

Ơ Kră Yang Tih Hloh, Ih klah lê̆ lu sư phara đơ̆ng lăm khŭl kon bơngai lăm teh đak âu, ih wă ăn kơ lu sư jing tơmam Ih, trŏ 'blep thoi Ih đei khan kơ 'bok Môis đĭch đam Ih sơ̆, đơ̆ng năr Ih pơklaih lu 'bok yă nhôn đơ̆ng lăm dêh char Êyiptơ.”

I Ho 17:22

Ih rơih boih kon pơlei Ih Isơrael jing kon pơlei pơla Ih kơdih ling-lang khŏm khŏm păng Ih boih ơ Kră Yang, 'Bok Kei-Dei lu sư.

Horiso 114:2

Juđa jing hnam 'lơ̆ng rơgoh Sư. Păng Isơrael jing khŭl Sư pơgơ̆r.

Le 15:26

Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Le 22:31

Lu iĕm gô jing bơngai 'lơ̆ng rơgoh 'măn kơ Inh, yua kơ thoi noh 'nĕ kơ sa 'nhĕm mă đơ̆ng sem bri kăp tơ bri brah; athei klơ̆m ăn kơ kŏ sa.

Le 28:36

Ih athei pơm minh tŏ plăk maih rơgoh, ih athei chrek nhen thoi đe chrek pơm tơmam tơdra kơtĭt: Pơyơ̆r kơ Kră Yang.

Êsai 43:4

Yua kơ iĕm bơih gĭt dêh 'bơ̆t anăp Inh; trŏ kơ Inh 'mêm kơeng, na Inh ăn đei bơngai wă tơplih iŏk iĕm păng ăn đĭ-đăng kon pơlei tơplih kơ tơdrong arih iĕm.

Êsai 61:6

Gah lu iĕm đe gô krao iĕm 'bok soi Kră Yang, đe gô krao iĕm đĭch đam Kră Yang 'Bok Kei-Dei lu bơ̆n; lu iĕm gô sa tơmam đơ̆ng lu dêh char păng tơdrong hiôk rơnŭk đơ̆ng lu sư.

Êsai 62:12

Đe gô krao lu sư Kon Pơlei Rơgoh. Kon pơlei mă Kră Yang huai iŏk; gah ih đe gô krao kơ ih pơlei tih đe chơchă, pơlei mă ưh pă hŭt lê̆ juơ dơ̆ng.

Êsai 66:21

Kră Yang khan: “Inh gô rơih iŏk mơ'nah đơ̆ng lăm lu sư pơm 'bok soi păng bơngai Lêwi.”

Je 13:11

Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Lêwi 20:24

Inh khan kơ lu iĕm, lu iĕm gô iŏk teh đêl lu sư oei, Inh ăn kơ lu iĕm đei teh noh, wă pơm tơmam iĕm kơdih, noh jơ̆ teh đak toh, đak sut kơdrot, Inh boih Kră Yang 'Bok Kei-Dei lu iĕm, plah iŏk lu iĕm đơ̆ng kon pơlei nai.

Lêwi 20:26

Ăn kơ lu iĕm arih hăm Inh 'lơ̆ng rơgoh; yua kơ Inh boih Kră Yang 'lơ̆ng rơgoh, Inh klah lu iĕm bơih đơ̆ng kon pơlei âu, wă kơ lu iĕm jing khŭl kon pơlei gah Inh.

Lêwi 21:23

Mă-lei sư ưh kơ gơh năm jê̆ che pĕng, kư̆m ưh kơ gơh năm jê̆ chơnang soi, yua kơ akâu đei jĭ jăn wă kơ sư huay kơ pơm kơ anih 'lơ̆ng rơgoh Inh jing kơnê̆ 'mê̆-'mach; yua kơ Inh boih Kră Yang, pơm kơ lu sư noh jing rơgoh.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Hagai 2:5

‘Nơ̆r pơgơ̆p mă Inh đei pơkă hăm lu iĕm, kơplah iĕm lĕch hloi đơ̆ng dêh char Êyiptơ hăm Yang Bơhngol Inh oei hơdai iĕm. 'Nĕ kơ hli ôh.’

Jo 16:3

na khan: Lê̆ pă yua kơ đĭ-đăng khŭl kon pơlei 'lơ̆ng rơgoh ngăl păng Kră Yang oei lăm lu sư. Yua kơ kiơ lu iĕm oei wă pơang kơdih tơ kơpal lu bơngai Kră Yang đei akŭm?

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

I Kor 3:17

Yua kơ thoi noh boih na dah bu pơrăm hnam 'Bok Kei-Dei, 'Bok Kei-Dei gô pơrăm akâu sư mơ̆n, yua kơ hnam 'Bok Kei-Dei noh tơmam Sư kơdih tơpă, wă khan iĕm âu boih hnam 'Bok Kei-Dei.

Both 14:21

Lu iĕm 'nĕ kơ sa minh pôm kon sem brem lôch kơmăp, gơh ăn kơ lu bơngai tơmoi mă oei lăm pơlei ih, ăn kơ sư sa, kư̆m gơh tĕch ăn kơ bơngai tơmoi. Yua kơ ih jơ̆ adrĕch rơgoh 'lơ̆ng ăn kơ Kră Yang 'Bok Kei-Dei lu iĕm. 'Nĕ kơ pai hơbĭ 'nhĕm bơbe kon hăm đak toh mĕ sư.

Both 26:19

Sư kư̆m khan ăn kơ iĕm tơdrong ư-ang păng tơdrong pơyom hloh kơ đĭ-đăng adrĕch adrung mă Sư đei pơjing păng iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm, kư̆m thoi Sư đei khan boih.

Both 28:9

Tơdah iĕm wei răk dôm nơ̆r tơtă Kră Yang 'Bok Kei-Dei iĕm păng yak năm kiơ̆ trong Sư, na Kră Yang gô ăn kơ iĕm jing minh adrĕch adrung 'lơ̆ng rơgoh ăn kơ Sư kư̆m thoi Sư pơkă boih kơ iĕm.

Both 7:6

Yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Sư rơih iŏk iĕm đơ̆ng lu adrĕch kơpal teh đak âu. Wă kơ iĕm jing kon pơlei pơla Sư.

I Tes 5:27

Păng inh athei iĕm đŏk kơthơ âu kơ đĭ-đăng 'nhŏng oh bơngai lui hŏ. Iĕm athei đŏk ăn tơpă. Mă iĕm ưh kơ đŏk ăn mă iĕm khan đŏk ăn boih, kư̆m ưh kơ hlơp kơ Kră Yang ning-mônh.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Tơdrông Tơ'bôh 1:6

Sư pơjao bơ̆n kơ 'Bok Kei-Dei wă wei-lăng bơ̆n păng pơgơ̆r bơ̆n, na lu bơ̆n jing bơngai jang kơ 'Bă Sư 'Bok Kei-Dei thoi lu 'bok soi. Thoi noh na bĕ bơ̆n ư-ang Yêsu Krist yua kơ Sư gô pơgơ̆r ling-lang ưh kơ đei layơ tôch. A-men.

Tơdrông Tơ'bôh 20:6

Dôm lu bơngai mă iung arih 'măng mă mônh noh lu sư hiôk tơpă, 'Bok Kei-Dei jô̆ kơ lu sư khan lu sư bơngai 'lơ̆ng hăm Sư, huay kơ lôch truh tơ mă 'bar. Lu sư gô pơm thoi lu 'bok soi jang tơdrong 'Bok Kei-Dei tơdrong 'Bok Krist. Păng lu sư gô pơgơ̆r hơdai 'Bok Krist kơplah lăm minh-rơbâu sơnăm ei kơnh.

Tơdrông Tơ'bôh 5:10

Păng Ih ăn kơ kon bơngai jing pơlei pơla 'Bok Kei-Dei wei-lăng păng pơgơ̆r. Ih ăn kon bơngai pơm thoi 'bok soi wă kơ chă pơjing tơdrong jang 'Bok Kei-Dei, păng Ih ăn kơ kon bơngai gơh chă pơgơ̆r tơduă lu sư tơ ala teh.”