Le 19:5 - Sơ̆p Hlabơar Nơ̆r 'Bok Kei-Dei

⁵ Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Le 19:5 Iomraidhean Croise

Bl 17:9

Âu dơ̆ng; Kră Yang 'Bok Kei-Dei pơma kơ Abraham thoi âu: “Gah ih hăm lu adrĕch adrung ih, đơ̆ng jơhnơr âu truh tơ jơhnơr nai, athei wei răk nơ̆r Inh pơgơ̆p pơkă.

I Pot 8:53

Ơ Kră Yang Tih Hloh, Ih klah lê̆ lu sư phara đơ̆ng lăm khŭl kon bơngai lăm teh đak âu, ih wă ăn kơ lu sư jing tơmam Ih, trŏ 'blep thoi Ih đei khan kơ 'bok Môis đĭch đam Ih sơ̆, đơ̆ng năr Ih pơklaih lu 'bok yă nhôn đơ̆ng lăm dêh char Êyiptơ.”

I Ho 17:22

Ih rơih boih kon pơlei Ih Isơrael jing kon pơlei pơla Ih kơdih ling-lang khŏm khŏm păng Ih boih ơ Kră Yang, 'Bok Kei-Dei lu sư.

Jop 41:11

Bu ăn kơ Inh kiơ boih adrol, na Inh gơh pơdrâu ăn kơ sư dơ̆ng? Đĭ-đăng tơmam tơ ala kơ plĕnh tă kơ tơmam Inh ngăl.

Jop 41:3

Sư hăm krao apinh lung ih ưh? Pơma dơnuh hăm ih hiôk ưh?

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Horiso 24:1

Teh păng dôm tơmam kơpal teh, Teh đak păng lu bơngai oei tơ lăm noh. Tă kơ tơmam Kră Yang ngăl.

Horiso 25:10

Lu trong Kră Yang 'mêm mơnat păng tơpăt ngăl Ăn kơ bu mă bơwei nơ̆r Sư pơkă păng tơdrong Sư pơgơ̆p.

Le 15:26

Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Le 23:22

Mă-lei tơdah iĕm mơ̆ng kiơ̆ nơ̆r sư păng pơm kiơ̆ dôm nơ̆r Inh bơtho khan, na Inh gô ayăt kơ lu bơngai ayăt kơ iĕm.

Le 24:7

klaih kơ noh sư iŏk minh Sơ̆p hla bơar tơdrong pơgơ̆p Kră Yang 'Bok Kei-Dei, đŏk ăn kơ kon pơlei pơla mơ̆ng, na kon pơlei pơla khan thoi âu, lu nhôn gô mơ̆ng păng pơm kiơ̆ nơ̆r Kră Yang bơtho tơ'bôh.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Le 8:22

Mă-lei năr noh, lăm tơring Gôsen, anih kon pơlei Inh oei, ưh kơ đei roi wŏng iam, wă kơ ih băt kơ Inh, Kră Yang oei lăm dêh 'nâu.

Le 9:29

Môis tơl khan kơ sư: Lăp mưh inh lĕch hlôi tơ 'nguaih kơ pơlei, inh gô yơ̆r ti tơ Kră Yang; grơ̆m glaih gô pơdơh, 'mi prĕl gô pă đei dơ̆ng, wă kơ ih băt kơ plĕnh teh đơ̆ng Kră Yang.

Hơri Hiôk 8:12

Pơgar hơmu inh 'măn lê̆ kơ inh bơih. Ơ Sôlômôn, minh-rơbâu hlak jên hu noh gô lê̆ kơ ih. Bĕ oei 'bar-hrĕng hlak noh apah lu bơngai jang pơgar noh.

Êsai 1:19

Tơdah lu iĕm wă păng chu yom Inh, Lei lu iĕm gô sa tơmam 'lơ̆ng hloh lăm teh âu.

Êsai 41:8

Mă-lei iĕm, ơ bơngai Isơrael, đĭch đam Inh, păng iĕm ơ adrĕch Jakôp bơngai mă Inh đei rơih iŏk bơih, adrĕch adrung Abraham buăl Inh.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 56:4

Kră Yang khan thoi âu: Lu bơngai krĕo wei năr pơdơh Sa'bat Inh. Rơih iŏk dôm tơdrong Inh lăp đon, chĕp kơjăp nơ̆r pơgơ̆p Inh,

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 13:11

Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Êsêkiên 16:8

Inh năm brih lăng 'bôh ih, sơnăm ih 'lŏ trŏ kơ sơnăm băt kơ hưch wă; Inh iŏk tơdrơi ao Inh tơsu kơ ih, klơ̆p tơdrong koh hoh ih. Inh pơkă păng pơgơ̆p hăm ih, ih jing gah Inh bơih, Kră Yang Tih Hloh khan thoi noh.

Lêwi 20:24

Inh khan kơ lu iĕm, lu iĕm gô iŏk teh đêl lu sư oei, Inh ăn kơ lu iĕm đei teh noh, wă pơm tơmam iĕm kơdih, noh jơ̆ teh đak toh, đak sut kơdrot, Inh boih Kră Yang 'Bok Kei-Dei lu iĕm, plah iŏk lu iĕm đơ̆ng kon pơlei nai.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Malachi 3:17

Kră Yang Tih Hloh khan: “Lu bơngai noh lu sư jing gah Inh, jing tơmam 'măn kơ Inh yua lăm năr Inh wă pơm. Inh gô mơnat ăn kơ lu sư thoi 'bă mơnat ăn kơ kon tơdăm sư bơ̆jang kơ sư kơdih.

I Kor 10:26

yua kơ lăm sơ̆p hla bơar 'Bok Kei-Dei đe chih khan thoi âu: “Plĕnh teh păng dôm tơmam lăm plĕnh teh, tơmam 'Bok Kei-Dei ngăl.”

I Kor 10:28

Mă-lei dah đei bơngai lui 'bơ̆t noh sư khan: “'Nhĕm 'noh 'nhĕm sư sơmah kơ yang.” Dah iĕm kơtơ̆ng thoi noh lei iĕm 'nĕ pă sa, yua kơ bôl bơ̆n tơchĕng yoch dah bơ̆n sa.

Both 10:14

Lu plĕnh păng lu tăl plĕnh kơjung hloh, teh păng dôm tơmam kơpal teh noh jơ̆ đơ̆ng Kră Yang 'Bok Kei-Dei.

Both 11:27

Tơdrong pŭn hiôk, tơdah lu iĕm mơ̆ng pơm kiơ̆ dôm nơ̆r tơtă đơ̆ng Kră Yang 'Bok Kei-Dei lu iĕm, mă inh roi ăn kơ iĕm năr 'nâu.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Both 14:21

Lu iĕm 'nĕ kơ sa minh pôm kon sem brem lôch kơmăp, gơh ăn kơ lu bơngai tơmoi mă oei lăm pơlei ih, ăn kơ sư sa, kư̆m gơh tĕch ăn kơ bơngai tơmoi. Yua kơ ih jơ̆ adrĕch rơgoh 'lơ̆ng ăn kơ Kră Yang 'Bok Kei-Dei lu iĕm. 'Nĕ kơ pai hơbĭ 'nhĕm bơbe kon hăm đak toh mĕ sư.

Both 26:18

Năr 'nâu Kră Yang kư̆m pơkă drơ̆ng iŏk iĕm pơm kon pơlei pơla Sư, jing tơmam gĭt Sư thoi Sư đei pơkă hăm iĕm păng iĕm athei wei răk đĭ dôm lu nơ̆r Sư tơtă.

Both 26:19

Sư kư̆m khan ăn kơ iĕm tơdrong ư-ang păng tơdrong pơyom hloh kơ đĭ-đăng adrĕch adrung mă Sư đei pơjing păng iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm, kư̆m thoi Sư đei khan boih.

Both 28:1

Tơdah iĕm mơ̆ng kiơ̆ nơ̆r Kră Yang 'Bok Kei-Dei iĕm mă kơjăp, pơ'lơ̆ng pơm kiơ̆ dôm nơ̆r Sư tơtă, mă inh bơtho khan kơ iĕm năr 'nâu, na Kră Yang 'Bok Kei-Dei iĕm gô pôk hơtŏk iĕm hloh kơ adrĕch nai mă oei tơ kơpal teh âu.

Both 28:9

Tơdah iĕm wei răk dôm nơ̆r tơtă Kră Yang 'Bok Kei-Dei iĕm păng yak năm kiơ̆ trong Sư, na Kră Yang gô ăn kơ iĕm jing minh adrĕch adrung 'lơ̆ng rơgoh ăn kơ Sư kư̆m thoi Sư pơkă boih kơ iĕm.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Both 5:2

Kră Yang 'Bok Kei-Dei lu bơ̆n đei pơgơ̆p boih hăm lu bơ̆n tơ kông Hôrêp.

Both 7:6

Yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Sư rơih iŏk iĕm đơ̆ng lu adrĕch kơpal teh đak âu. Wă kơ iĕm jing kon pơlei pơla Sư.

Both 9:29

Kon pơlei pơla âu jơ̆ kon pơlei Ih păng tơmam Ih, lu bơngai mă Ih hlôi yua tơdrong mơsêh pran kơtang tih chông tơlĕch lu sư đơ̆ng dêh Êyiptơ.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Hêbrơ 8:9

Tơdrong pơgơ̆p 'nao ei ưh pă thoi tơdrong pơgơ̆p mă Inh pơjing ăn kơ lu yă 'bok iĕm kơplah mă Inh chông ba lu sư jăk đơ̆ng dêh Êyiptơ sơ̆ ôh. Tơdrong pơgơ̆p noh sơ̆ lu sư kuă kơ kiơ̆. Thoi noh na Inh achăng lê̆ lu sư, Kră Yang khan.

Jôsuê 24:24

Kon pơlei tơl Jôsuê: Lu nhôn gô chu yom kơ Kră Yang 'Bok Kei-Dei lu nhôn păng pơm kiơ̆ nơ̆r Sư.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.