Le 19:4 - Sơ̆p Hlabơar Nơ̆r 'Bok Kei-Dei

⁴ Lu iĕm 'bôh boih dôm tơdrong Inh pơm kơ bơngai Êyiptơ, Inh pôk glơng lu iĕm thoi kơpal pơnăr sem klang, wă chông lu iĕm tơ Inh.

Le 19:4 Iomraidhean Croise

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Hôsia 11:1

Kơplah Isơrael oei 'lơ̆p, Inh 'mêm dêh kơ lu sư, păng Inh krao kon drŏ-nglo Inh lĕch đơ̆ng dêh char Êyiptơ.

Hagai 2:5

‘Nơ̆r pơgơ̆p mă Inh đei pơkă hăm lu iĕm, kơplah iĕm lĕch hloi đơ̆ng dêh char Êyiptơ hăm Yang Bơhngol Inh oei hơdai iĕm. 'Nĕ kơ hli ôh.’

Malachi 2:10

Đĭ-đăng lu bơ̆n ưh kơ trŏ minh pôm 'bă hă? Hăm trŏ lăp minh Kră Yang 'Bok Kei-Dei đĕch mă pơjing lu bơ̆n? Thoi ei boih liơ mă bơ̆n pơm ưh kơ tơpăt chă hơlĕnh băl tơduă lu bơ̆n, pơm glăi kơ tơdrong pơgơ̆p 'bok yă bơ̆n?

Both 1:30

Kră Yang 'Bok Kei-Dei lu iĕm năm adrol, sư gô tơblah dŏng lu iĕm, kư̆m thoi sư đei pơm boih 'bơ̆t anăp lu iĕm tơ dêh Êyiptơ.

Both 1:31

Păng lăm char glă, jơ̆ anih lu iĕm 'bôh lăm trong lu iĕm yak năm, mă truh tơ anih 'nâu, Kră Yang 'Bok Kei-Dei pôk glơng iĕm thoi minh 'nu bơngai drŏ-nglo pôk glơng kon drŏ-nglo sư kơdih.

Both 29:1

'Nâu lu nơ̆r pơgơ̆p tơ'blŏk đơ̆ng Kră Yang pơkă khan kơ Môis hăm lu bơngai Isơrael, lăm dêh Môap, 'nguaih kơ tơdrong pơgơ̆p hăm lu sư tơ kông Hôrêp.

Both 29:2

Môis krao đĭ bơngai Isơrael khan kơ lu sư: Lu iĕm hlôi 'bôh boih dôm tơdrong Kră Yang pơm lăm dêh Êyiptơ 'bơ̆t tơm măt iĕm kơ Pharaôn kơ đĭ bơngai jang kơ sư păng lăm dêh sư.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Jôsuê 23:3

Lu iĕm 'bôh boih tôm tơdrong Kră Yang 'Bok Kei-Dei lu iĕm hlôi pơm kơ adrĕch adrung âu yua kơ lu iĕm; kơdih akâu Kră Yang 'Bok Kei-Dei lu iĕm hlôi tơblah ăn kơ lu iĕm.

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.