Le 19:22 - Sơ̆p Hlabơar Nơ̆r 'Bok Kei-Dei

²² Mă lu 'bok soi hai mưh wă năm jê̆ Kră Yang athei hơmet akâu sư mă 'lơ̆ng rơgoh, tơdah ưh kơnh Kră Yang kư̆m pơrăm lu sư.

Le 19:22 Iomraidhean Croise

I Ho 15:13

Yua kơ adrol ki, lu iĕm ưh kơ tung ba hom Kră Yang yua kơ lu bơ̆n ưh kơ đei krao apinh Sư thoi Sư đei pơkă, na Kră Yang 'Bok Kei-Dei hil mĭl pơrăm lê̆ lu bơ̆n.”

II Ho 30:15

Lăm năr mơjĭt-puăn khei 'bar, đe 'bet triu pơm giĕng Năm Brih; gah lu 'bok soi păng bơngai Lêwi 'bôh mơlâu, na hơmet akâu kơdih rơgoh păng chĕp lu kon sem pơm tơmam soi 'buh tơ Hnam Kră Yang.

II Ho 30:3

Lu sư ưh kơ gơh năm pơm giĕng Năm Brih kơplah noh, yua kơ lu 'bok soi hơmet akâu kơdih rơgoh ưh tam mă tôm mah păng lu kon pơlei kư̆m tam tôm akŭm băl tơ pơlei Jêrusalem.

Le 19:24

Kră Yang khan kơ Môis, ih jur bĕ na chông ba Arôn tŏk hăm ih, mă-lei dôm lu 'bok soi păng kon pơlei 'nĕ kơ năm hlôi kơ war găn na tŏk tơ Inh, kơnh Inh pơlôch pơrăm lu sư.

Le 19:5

Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Le 24:5

Sư wơh lu tơdăm Isơrael năm pơyơ̆r tơmam soi 'buh păng tơmam soi 'blŏk bơnê kơ Kră Yang hăm rơmo dăm.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Jo 11:18

Ih athei roi tơbăt ăn kơ kon pơlei thoi âu: Pơgê dơning athei rim 'nu hơmet akâu kơdih mă 'lơ̆ng rơgoh; lei na lu iĕm đei 'nhĕm sa, yua kơ lu iĕm nhơ̆m boih, đon Kră Yang kơtơ̆ng lu iĕm nhơ̆m khan: Bu gô ăn kơ lu nhôn 'nhĕm sa, yua kơ lu nhôn đĭ hiôk boih oei lăm dêh char Êyiptơ, na Kră Yang gô ăn kơ lu iĕm 'nhĕm sa, na lu iĕm gô đei 'nhĕm sa.

Jang 5:10

Yă Sepir pơ̆k lôch 'bơ̆t jơ̆ng Pêtrôs hloi. Lăp lu đe tơdăm truh mơ̆t tơ hnam ei, 'bôh yă Sepir lôch dơ̆ng, lu sư tung 'bŭ yă Sepir kư̆m jê̆ klo sư mơ̆n.

Jang 5:5

Anania sư kơtơ̆ng Pêtrôs khan thoi noh, sư pơ̆k lôch hloi. Lu bơngai kơtơ̆ng tơdrong noh lu sư hli tơpă.