Le 19:2 - Sơ̆p Hlabơar Nơ̆r 'Bok Kei-Dei

² Lĕch đơ̆ng Rêphiđim năm truh tơ char glă Sinai păng oei pơm bơsŭn pơdơh 'bơ̆t anăp kông.

Le 19:2 Iomraidhean Croise

Le 17:1

Đĭ-đăng bơngai Isơrael năm tơ âu, tơ to đơ̆ng char glă Sin, năm kiơ̆ thoi nơ̆r Kră Yang đei tơtă kơ lu sư, na lu sư oei pơdơh tơ Rêphiđim: Tơ noh ưh kơ đei đak nhă ôh kơ kon pơlei.

Le 17:8

Kơplah noh, kon pơlei Amalek năm wă tơblah hăm kon pơlei Isơrael tơ Rêphiđim.

Le 18:5

Na, Jêthrô, tơnei Môis năm chông ba 'bar 'nu kon drŏ-nglo păng akăn Môis, năm ngôi apong tơ anih char glă, anih Môis oei pơdơh jê̆ kông Kră Yang 'Bok Kei-Dei.

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Jo 1:1

Năr mônh khei 'bar, sơnăm mă 'bar, đơ̆ng rŏng kơ adrĕch bơngai Isơrael lĕch hlôi đơ̆ng char Êyiptơ, Kră Yang khan kơ Môis oei lăm Bơsŭn Anih Akŭm tơ Thŭng glă Sinai:

Jo 33:15

Kon pơlei adrĕch Isơrael lĕch đơ̆ng Rêphiđim năm pơm pơlei oei pơdơh tơ thŭng glă Sinai.

Jang 7:30

“Môis oei tơ ei puăn-jĭt sơnăm. Đơ̆ng rŏng kơ sư oei tơ ei puăn-jĭt sơnăm, truh tơ minh năr dơ̆ng sư năm tơ char glă jê̆ kông Sinai. Minh 'nu linh jang 'lơ̆ng đơ̆ng 'Bok Kei-Dei năm tơ 'long jê̆ Môis ei pơm kơ ŭnh sa 'long ei.

Jang 7:38

Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.

Galati 4:24

Tơdrong noh sơ̆ wă pơtih gia kơ bơ̆n thoi âu: 'Bar 'nu akăn sư noh wă khan 'bar tơdrong 'Bok Kei-Dei pơgơ̆p hăm bơ̆n. Minh tơdrong pơgơ̆p noh wă khan tơdrong 'Bok Kei-Dei ăn kơ Môis tơdrong juăt tơ kông Sinai lăm dêh Arabia sơ̆. Dôm lu bơngai mă kiơ̆ tơdrong juăt noh sơ̆, lu sư ưh kơ wă gơnang kơ Yêsu ôh. Thoi noh na lu bơngai mă kiơ̆ tơdrong juăt noh lu sư dang lĕ kơ oei đĭch mơ̆n. Tơdrong noh wă pơtih gia kơ yă Hơgar sư đĭch Abraham, na Abraham iŏk pơm akăn kơdih, truh tơ kon sư kư̆m oei dang đĭch mơ̆n. Yă Hơgar kư̆m wă pơtih gia kơ Pơlei Jêrusalem mơ̆n, yua kơ lu kon pơlei Jêrusalem kư̆m oei thoi lĕ kơ đĭch yua kơ lu sư gơnang kơ akâu kơdih wă kiơ̆ tơdrong juăt Môis khan gơh klaih đơ̆ng tơdrong yoch.