Le 19:16 - Sơ̆p Hlabơar Nơ̆r 'Bok Kei-Dei

¹⁶ Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 19:16 Iomraidhean Croise

II Sam 22:10

Kră Yang hek lu plĕnh, jur tơ ala. Jơ̆ng juă kơpal hơmơ̆l găm hơ'bơ̆l.

II Ho 5:14

dĭng mah lu 'bok soi ưh kơ kĕ dơ̆ng wă bơ̆jang yua kơ hơmơ̆l jur tơdrong ư-ang rang mơnhal đơ̆ng Kră Yang mơ̆t 'bĕnh-'bang jơ̆p-jang kơ hnam akŭm 'Bok Kei-Dei.

Jop 38:25

Bu pơih trong ăn kơ đak 'mi ro, Pơih trong ăn kơ kơmlat grơ̆m glaih,

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Horiso 77:18

Grơ̆m Ih re kiơ̆ lăm kial hơbŭt; Kơmlat pơchrang hơdah kơ teh đak; Teh pơpơ̆ păng tơdrŏ.

Horiso 81:8

Ơ kon pơlei Inh, mơ̆ng bĕ nơ̆r Inh mưh inh tơbăt kơ iĕm. Ơ Isơrael, rŏ kơ iĕm oei mơ̆ng Inh!

Horiso 97:4

Kơmlat đơ̆ng Sư pơchrang hơdah tơ lăm teh đak, Plei teh 'bôh na hli pơpơ̆,

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Le 19:15

Na sư khan kơ kon pơlei: Lăm năr mă pêng lu iĕm athei kơchăng, 'nĕ năm jê̆ bơngai drŏ-kăn ôh.

Le 19:17

Môis chông kon pơlei lĕch đơ̆ng bơsŭn năm tơ'bơ̆p Kră Yang 'Bok Kei-Dei; na kon pơlei gô tơ jơ̆ng kông.

Le 19:9

Kră Yang khan kơ Môis: Inh gô năm tơ ih lăm hơmơ̆l hơ'bơ̆l; wă kơplah Inh pơma dơnuh hăm ih, na kon pơlei Isơrael kơtơ̆ng wă kơ lu sư lui gơnang kơ ih ling-lang, Môis roi kơ Kră Yang nơ̆r kon pơlei Isơrael đei pơma.

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Le 20:21

Na kon pơlei dơ̆ng đơ̆ng ataih, Môis năm jê̆ hơmơ̆l hơ'bơ̆l mă Kră Yang 'Bok Kei-Dei oei lăm noh.

Le 40:34

Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Le 9:23

Na Môis yơ̆r hloi 'long jra sư tơ plĕnh, Kră Yang ăn đei grơ̆m glaih 'mi prĕl jruh, glaih taih jơ̆p kơpal teh. Na Kră Yang ăn plĕnh 'mi prĕl jruh jơ̆p kơ dêh Êyiptơ.

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Both 5:5

Kơplah noh, inh dơ̆ng tŏk-bŏk Kră Yang hăm lu iĕm, wă bơtho nơ̆r đơ̆ng Sư ăn kơ lu iĕm; yua kơ lu iĕm hli kơ ŭnh, lu iĕm ưh kơ tŏk tơ kơpal kông. Kră Yang khan:

Hêbrơ 12:21

Tôm tơdrong ei krưp dêh, na Môis mah khan: “Inh hli tơrơ dêh.”

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 4:1

Đơ̆ng noh inh ngơk lăng tơ plĕnh, inh 'bôh plĕnh tơpơih thoi 'măng. Păng inh kơtơ̆ng dơ̆ng 'bơ̆r 'Bok mă pơma re jơwa dang đe hlôm keng noh hei, Sư pơma dơ̆ng kơ inh dang ei khan: “Apinh ih tŏk tơ âu, Inh wă tơ'bôh kơ ih dôm tơdrong mă gô đei păng gô 'bôh ning-mônh.”

Tơdrông Tơ'bôh 4:5

Păng 'bôh kơchêr kơchar kơmlat lĕch đơ̆ng tang-dŏ 'Bok Pơtao mă oei tŏk-bŏk. Păng inh kơtơ̆ng grơ̆m glaih tơdrăng. 'Bơ̆t anăp tang-dŏ 'Bok Pơtao ei, đei tơpơh tŏ ŭnh kơđeng sư khơ̆ng ling-lang. Kơđeng ei wă pơtih gia kơ Yang Bơhngol 'Lơ̆ng Sư. Yang Bơhngol 'Lơ̆ng minh 'nu đĕch, mă-lei dang tơpơh 'nu.

Tơdrông Tơ'bôh 8:5

Klaih kơ noh sư kep iŏk ŭnh ngar đơ̆ng chơnang soi tah lăm kơlăm maih klơ̆m hloi tơ teh, na đei grơ̆m glaih tơdrăng kơmlat kơchêr kơchar păng đei teh adrŏ mơ'nưt mơ'nat.