Le 18:7 - Sơ̆p Hlabơar Nơ̆r 'Bok Kei-Dei

⁷ Môis năm sơng tơnei sư, drap tơ teh kơkuh păng chŭm sư, apinh jet gia dih băl hăm oei 'lơ̆ng akâu. Na mơ̆t lăm bơsŭn.

Le 18:7 Iomraidhean Croise

Bl 14:17

Đơ̆ng rŏng kơ Abram blah Kêtrôlaôme păng khŭl pơtao gah sư jei boih, na pơtao Sôđôm năm đih sơng sư tơ lăm thŭng Sawê, wă khan thŭng pơtao.

Bl 18:2

Abraham ngơk lăng đei 'bôh pêng 'nu dơ̆ng jê̆ sư. Lăp sư 'bôh, sư kơdâu đơ̆ng 'măng bơsŭn sư tơkan tơ pêng 'nu noh, sư drap bon tơ teh.

Bl 19:1

Lăp hiưp kơ'năr kơsơ̆, 'bar 'nu linh jang 'lơ̆ng noh truh tơ pơlei Sôđôm, kơplah noh Lot sư oei ngôi 'bơ̆t 'măng jang pơlei. Lăp Lot 'bôh 'bar 'nu linh jang 'lơ̆ng, sư iung tơkan sơng na drap tơ teh kơkuh.

Bl 29:13

'Nao kơtơ̆ng roi khan Jakôp, kon tơdăm oh sư, na La'ban kơdâu truh kuăr păng chŭm na chông pơtơm ba mơ̆t tơ hnam sư. Jakôp roi ăn kơ mih sư La'ban băt dôm tơdrong truh kơ sư.

Bl 31:28

Na 'nâu ih tă tơ pơm kơtul dêh thoi noh, pă ăn inh chă chŭm hơ-on lu sâu drŏ-nglo drŏ-kăn mih.

Bl 43:26

Wă Jôsep brŏk truh tơ hnam lu sư pơyơ̆r ăn kơ Jôsep tơmam mă đơ̆ng lu sư chĕp ba đơ̆ng hnam, na lu sư drap bon tơ teh kơkuh 'bơ̆t anăp Jôsep.

Bl 45:15

Jôsep kư̆m chŭm lu 'nhŏng sư na nhơ̆m. Đơ̆ng noh lu sư pơma dơnuh hăm Jôsep.

Bl 46:29

Jôsep sư năm tơ Gôsen wă sơng, Isơrael, 'bă sư, sư tơ'bơ̆p 'bă sư na kuăr 'bă sư nhơ̆m mah đunh đang.

II Sam 11:7

Uri năm truh tơ Đawit, Đawit jet gia gah Jôap yŏng linh hăm oei liĕm akâu, bĕ lu linh hăm oei hiôk hơđơ̆ng păng tơdrong tơblah thoi yơ.

I Pot 2:19

Yă Batsêba năm tơ'bơ̆p pơtao Sôlômôn wă roi ăn kơ sư tơdrong Adonija wă noh, na pơtao Sôlômôn iung năm sơng păng kŭp kơ̆l kơkuh kơ mĕ sư, đơ̆ng noh sư hơ-oei tơ tang-dŏ pơtao sư păng athei đe iŏk ăn kơ mĕ sư tang-dŏ wă kơ hơ-oei, na mĕ sư hơ-oei gah 'ma kơ sư.

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Le 18:6

Jêthrô athei đe năm khan kơ Môis băt: Inh Jêthrô tơnei ih năm ngôi apong tơ ih hơdai hăm akăn ih păng 'bar 'nu kon drŏ-nglo ih.

Le 33:7

Kơplah noh Môis chĕp ba bơsŭn năm pơdơ̆ng tơ 'nguaih ataih 'biơ̆ đơ̆ng anih kon pơlei oei, sư anăn bơsŭn 'noh “Bơsŭn Krao Apinh.” Dah bơngai bu 'maih wă krao apinh chă Kră Yang sư năm tơ bơsŭn noh tơ 'nguaih kơ anih kon pơlei oei.

Le 4:27

Kră Yang khan kơ Arôn thoi âu: Năm bĕ tơ char glă sơng Môis. Arôn năm hloi, tơ'bơ̆p Môis tơ kông Kră Yang 'Bok Kei-Dei păng sư chŭm Môis.

Jo 22:36

Wă Balak kơtơ̆ng khan Balaam truh boih, na sư năm tơ'bơ̆p tơ pơlei, pơlei noh jê̆ đak Krong Arnôn, wă khan ter jih kơ teh đak Môap.

Luka 7:45

Lăp ba tơ'bơ̆p hei, ih ưh kơ đei chŭm 'mêm kơ Inh thoi bơ̆n juăt kơ pơm ôh, mă-lei sư âu oei chŭm jơ̆ng Inh khŏm khŏm.

Jang 20:37

Đĭ-đăng lu sư nhơ̆m hmoi, chŭm tơkuăr Pôl hloi.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

Lu 11:34

Wă Jeptha brŏk tơ hnam sư tơ pơlei Mispa na đei kon adruh sư lĕch năm sơng sư, chĕp hơgơ̆r iĕ tap suang hloi. Năm sơng sư kon adruh 'noh kon pơm sư; 'nguaih kơ kon adruh sư noh sư ưh kơ đei kon drŏ-nglo dah kon drŏ-kăn nai dơ̆ng.

I Sam 17:18

Dăm kon e chĕp mơjĭt tŏ 'bĕng đak toh âu ăn kơ lu bơngai pơgơ̆r wei-lăng rơbâu 'nu linh, năm lăng lu đe 'nhŏng e hăm oei liĕm akâu dah ưh păng e kư̆m brŏk chĕp ăn kơ 'bă minh tơdra yă kiơ gah lu sư.

I Sam 17:22

Đawit ming lê̆ tơmam sa sư pơjao kơ minh 'nu bơngai wei tơmam, kơdâu truh tơ anih wă tơblah. Truh jet gia pêng 'nu lu đe 'nhŏng sư hăm oei liĕm kâu dah ưh.