Le 18:25 - Sơ̆p Hlabơar Nơ̆r 'Bok Kei-Dei

²⁵ Na, Môis rơih hloi lu bơngai drŏ-nglo gơh hơgei đơ̆ng lăm kon pơlei Isơrael, pôk ăn pơm yŏng wei-lăng kon pơlei kơ minh-rơbâu 'nu, kơ minh-hrĕng 'nu, kơ pơđăm-jĭt 'nu, kơ mơjĭt 'nu bơngai;

Le 18:25 Iomraidhean Croise

Bl 47:6

Thoi noh dêh Êyiptơ đei 'măn ăn kơ ih; chă păng ăn bĕ kơ 'bă ih hăm lu 'nhŏng oh ih oei tơ anih mă 'lơ̆ng hloh lăm char Êyiptơ âu: Ăn bĕ kơ lu sư oei tơ tơring Gôsen noh; ih băt lăm lu sư bơngai bu gơh juăt hơgei kơ wei rong kon sem dơrong, jao bĕ kơ lu sư wei rong kon sem dơrong inh.

II Sam 18:1

Đawit jô̆ pơnhen lu linh năm kiơ̆ sư, ăn yŏng pơgơ̆r wei lu linh sư. Minh khŭl minh-rơbâu, minh khŭl minh-hrĕng 'nu.

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Le 18:24

Thoi noh Môis chu nơ̆r tơnei sư, pơm kiơ̆ dôm tơdrong tơnei sư bơtho boih.

Jo 1:16

Lu đe âu đe rơih iŏk đơ̆ng lăm kon pơlei; lu sư âu boih lu kơdră pơgơ̆r adrĕch lu sư kơdih kiơ̆ kơ adrĕch 'bok lu sư păng jơ̆ yŏng pơgơ̆r linh bơngai Isơrael.

Jo 1:4

Bơngai kơdră pơgơ̆r lu adrĕch sư kơdih. Kư̆ lăm minh adrĕch athei đei minh 'nu bơ̆jang tơgŭm ih păng Arôn.

Jo 11:16

Kră Yang khan kơ Môis dơ̆ng thoi âu: Krao akŭm bĕ kơ inh tơpơh-jĭt 'nu lu kră pơgơ̆r bơngai Isơrael wă khan dôm lu kră wei-lăng kon pơlei mă ih băt; ba lu sư năm tơ Bơsŭn Anih Akŭm, dơ̆ng 'bơ̆t noh hơdai ih.

Jang 6:5

Thoi noh na lu đe ei kơtơ̆ng sư pơma thoi noh boih lu sư lăp đon tơpă. Na lu bơngai lui rơih iŏk lu bơngai âu: Êtien, sư bơngai lui kơjăp tơpă păng sư 'bĕnh kơ Yang Bơhngol 'Lơ̆ng; lu bơngai âu dơ̆ng, anăn lu sư Philip, Prôkơrô, Nikanor, Timôn, Parmina, Nikôla. Nikôla âu sư ưh kơ sĭ bơngai Juđê ôh, mă-lei sư kiơ̆ tơdrong juăt đe Juđê đơ̆ng sư lui kơ 'Bok Kei-Dei sơ̆. Sư đơ̆ng Pơlei Antiôs.

Both 1:15

Thoi noh inh iŏk lu bơngai wă pơm yŏng đơ̆ng adrĕch adrung lu iĕm, lu bơngai hơgei đe ang păng đêl juăt kơ đei tơdrong truh pôk sư pơm yŏng lu iĕm, wei-lăng minh-rơbâu 'nu wei minh-hrĕng 'nu wei-lăng pơđăm-jĭt 'nu, dah wei-lăng mơjĭt 'nu bơngai păng wei-lăng lăm adrĕch adrung lu iĕm.