Le 18:23 - Sơ̆p Hlabơar Nơ̆r 'Bok Kei-Dei

²³ Tơdah ih pơm thoi noh păng Kră Yang 'Bok Kei-Dei kư̆m ăn thoi noh mơ̆n, ih gô kĕ pơm keh đang đĭ dôm tơdrong jang păng đĭ-đăng kon pơlei kư̆m đei jơhngơ̆m hiôk hơđơ̆ng wih brŏk tơ hnam.

Le 18:23 Iomraidhean Croise

Bl 18:33

Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.

Bl 30:25

Đơ̆ng rŏng kơ Rachel tơpŭ boih kơ Jôsep, na Jakôp khan kơ mih sư La'ban thoi âu: Apinh ih ăn kơ inh pơdơh, wă kơ inh brŏk wih tơ tơring nhôn.

II Sam 18:3

Mă-lei khŭl linh khan: “Pơtao ih 'nĕ kơ năm yua kơ mă lu nhôn thuơ kơdâu, bơngai ayăt ưh kơ gan hiơ̆k kơ lu nhôn, păng mă khan minh puăt lu nhôn lôch lu sư kư̆m ưh kơ hơlen ôh; mă-lei minh 'nu ih gĭt dang mơjĭt-rơbâu 'nu lu nhôn. Lei pơtao jah oei tơ lăm pơlei, răp dŏng tơgŭm lu nhôn đĕch 'lơ̆ng hloh.”

II Sam 19:39

Na đĭ-đăng linh păng kon pơlei tŏk găn kơ đak Krong Jôrđăn, pơtao kư̆m tŏk, pơtao chŭm Barsilai păng tơklah băl. Barsilai wih tơ pơlei sư kơdih.

II Sam 21:17

Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

Le 16:29

Athei tơchĕng lăng, Kră Yang ăn boih kơ lu iĕm năr Sa'bat; na lei, truh năr tơdrâu Kră Yang ăn kơ lu iĕm 'bĕng sa mah kơ 'bar năr. Wă kơ rim 'nu bơngai athei oei kơtă anih kơdih, ưh kơ gơh bơngai bu lĕch tơ 'nguaih ôh lăm năr tơpơh.

Le 18:18

Tơpă, ih hăm kon pơlei oei hơdai ih gô rơdu rơmơ̆n ưh kơ weh ôh, tơdrong noh trăp dêh kơ ih, minh 'nu ih pŭ ưh kơ kĕ ôh.

Le 18:22

Wă kơ lu sư chă sek tơlang ăn kơ kon pơlei rim năr. Tơdah đei tơdrong truh tih, lu sư athei ba tơ ih; na mă dôm tơdrong iĕ, lu sư chă sek tơlang kơdih. Lei na tơdrong jang ih hơiơch 'biơ̆; lu sư gô wang pŭ tơdrong jang hơdai ih.

Le 18:24

Thoi noh Môis chu nơ̆r tơnei sư, pơm kiơ̆ dôm tơdrong tơnei sư bơtho boih.

Jang 15:2

Kơlih kơ lu sư bơtho thoi noh, na bre Pôl păng 'Barna'ba pơjah pơjăng tơpă păng lu sư. Na lu bơngai lui wă kơ bre Pôl păng 'Barna'ba păng 'bar pêng 'nu dơ̆ng đơ̆ng Pơlei Antiôs năm tơ Pơlei Jêrusalem wă tơ'bơ̆p lu jơ̆ng 'bang Yêsu păng lu kră wei-lăng bơngai lui, pơđâu păng sư gah tơdrong kăt akar noh.

Galati 2:2

Inh năm tơ Pơlei Jêrusalem yua kơ 'Bok Kei-Dei athei inh năm. Inh akŭm păng lu bơngai pơm tih pơgơ̆r bơngai lui, wă roi kơ lu sư tơdrong 'nao 'lơ̆ng inh bơtho kơ lu bơngai mă ưh kơ khŭl Juđê. Nhôn akŭm kơdrô̆ nhôn đĕch. Inh roi kơ lu sư nhên gah tơdrong inh bơtho wă kơ lu sư băt dôm tơdrong inh bơtho noh, jĭ minh tơdrong trŏ tơpă. Dah inh ưh kơ roi kơ lu sư, lei inh hli kơ lu sư jô̆ kơ inh bơtho tơdrong ưh kơ tơpă. Mă-lei lu sư ưh kơ đei jô̆ kơ tơdrong jang inh khan tơdrong jang ưh kơ tơpă, lu sư ưh kơ đei khan thoi noh ôh.

I Sam 8:22

Kră Yang drơ̆ng nơ̆r Samuel: Athei chu kiơ̆ dôm nơ̆r lu sư păng ăn kơ lu sư minh 'nu pơtao. Kơplah ei Samuel khan kơ lu bơngai Isơrael: Lu iĕm rim 'nu athei wih brŏk tơ pơlei iĕm kơdih.