Le 18:21 - Sơ̆p Hlabơar Nơ̆r 'Bok Kei-Dei

²¹ Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Le 18:21 Iomraidhean Croise

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

Bl 42:18

Truh năr mă pêng; Jôsep khan kơ lu sư thoi âu: Inh hli kơ Kră Yang 'Bok Kei-Dei; athei pơm thoi âu, na gơh arih.

Bl 47:6

Thoi noh dêh Êyiptơ đei 'măn ăn kơ ih; chă păng ăn bĕ kơ 'bă ih hăm lu 'nhŏng oh ih oei tơ anih mă 'lơ̆ng hloh lăm char Êyiptơ âu: Ăn bĕ kơ lu sư oei tơ tơring Gôsen noh; ih băt lăm lu sư bơngai bu gơh juăt hơgei kơ wei rong kon sem dơrong, jao bĕ kơ lu sư wei rong kon sem dơrong inh.

II Sam 18:1

Đawit jô̆ pơnhen lu linh năm kiơ̆ sư, ăn yŏng pơgơ̆r wei lu linh sư. Minh khŭl minh-rơbâu, minh khŭl minh-hrĕng 'nu.

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

I Pot 18:12

Inh ưh kơ băt mưh inh weh đơ̆ng ih, kơnh Yang Bơhngol Kră Yang gô pôk hiŏng tơweh ih tơ nai, Mưh inh năm roi kơ Ahap, athei năm tơ âu na ưh kơ 'bôh ih tơ anih 'nâu lei sư gô pơlôch inh, mă khan inh đam ih, hli yom kơ Kră Yang đơ̆ng inh oei 'lơ̆p ră.

I Pot 18:3

Ahap krao Ôbadia bơngai wei-lăng hnam pơtao Ôbadia hli yom kơ Kră Yang dêh.

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Ne 5:9

Inh khan dơ̆ng: “Tơdrong mă lu iĕm pơm noh ưh kơ 'lơ̆ng ôh hăm trŏ lu iĕm arih sa kiơ̆ trong băt hli yom kơ Kră Yang 'Bok Kei-Dei hli kơ lu bơngai ayăt che bơle hiĕk ăr kơ bơ̆n.

Ne 7:2

na inh pơjao ăn Hanani, oh inh păng Hanania pơm kuan wei-lăng hnam pơtao pơgơ̆r pơlei Jêrusalem yua kơ bre sư bơngai tơnăp păng hli yom kơ Kră Yang 'Bok Kei-Dei hloh kơ lu bơngai nai.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Jop 29:16

Inh pơm 'bă kơ lu bơngai pơmat-tat, Inh lăng hơlen sek dŏng lu bơngai inh tam lah băt.

Jop 31:13

Tơdah inh đei pơdê tơdrong 'măn ăn kơ đĭch đam drŏ-nglo drŏ-kăn inh, Kơplah lu sư pơma jŏk kơ inh.

Horiso 15:1

Ơ Kră Yang, bu gô oei lăm Hnam Yang Ih? Bu gô oei tơ kông rơgoh Ih?

Horiso 15:5

Sư ăn kơ đe iŏk mưng jên mă-lei huay kơ chă lơi, Ưh kơ wă iŏk sa pơgâm, wă pơrăm lu bơngai tơpăt. Bơngai bu mă pơm thoi noh ưh kơ hli tơtơ̆.

Le 17:9

Môis khan kơ Jôsuê: Rơih iŏk bĕ lu bơngai nuih kơtang, năm tơblah hăm kon pơlei Amalek; năr dơning inh gô dơ̆ng tơ kơpal groi, chĕp 'long jra Kră Yang 'Bok Kei-Dei lăm ti.

Le 18:25

Na, Môis rơih hloi lu bơngai drŏ-nglo gơh hơgei đơ̆ng lăm kon pơlei Isơrael, pôk ăn pơm yŏng wei-lăng kon pơlei kơ minh-rơbâu 'nu, kơ minh-hrĕng 'nu, kơ pơđăm-jĭt 'nu, kơ mơjĭt 'nu bơngai;

Tơdrông Pơđơk 28:2

Dêh char pơm kơnê̆, na đei lơ lu bơngai pơgơ̆r; Mă-lei bơngai hlôh wao na pơgơ̆r dêh char gei oei kơjăp đunh.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Êsai 16:5

Na gô đei pơtao pơgơ̆r hăm tơdrong 'mêm mơnat, đơ̆ng adrĕch Đawit gô đei minh 'nu 'bok tŏk pơgơ̆r tơpăt, sư gô sek tơlang, chă tơdrong tơpăt hơnơ̆ng păng pơm hloi tơdrong 'lơ̆ng tơpăt.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Êsêkiên 18:8

Ăn kơ đe tŏk iŏk ưh kơ iŏk lơi adrol ưh kơ iŏk lơi lơ, ưh kơ mơ̆t hơdai lu bơngai pơm ưh kơ 'lơ̆ng tơpăt, sek tơlang tơpăt lăm tơduă kon bơngai.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Sa 7:9

“Kră Yang Tih Hloh khan thoi âu: ‘Pơm bĕ dôm tơdrong kiơ mă 'lơ̆ng tơpăt păng rim 'nu athei iơ̆m dim, 'mêm mơnat kơ 'nhŏng oh;

Sa 8:16

'Nâu tơdrong lu iĕm athei pơm: Athei pơma tơpăt dih băl, arih hiôk chơt hăm rông 'bôt, athei sek tơlang mă tơpăt hơnơ̆ng.

Jo 1:16

Lu đe âu đe rơih iŏk đơ̆ng lăm kon pơlei; lu sư âu boih lu kơdră pơgơ̆r adrĕch lu sư kơdih kiơ̆ kơ adrĕch 'bok lu sư păng jơ̆ yŏng pơgơ̆r linh bơngai Isơrael.

Jo 1:4

Bơngai kơdră pơgơ̆r lu adrĕch sư kơdih. Kư̆ lăm minh adrĕch athei đei minh 'nu bơ̆jang tơgŭm ih păng Arôn.

Jo 10:4

tơdah đe hlôm lăp minh pôm keng đĕch lei lu yŏng kơdră wă khan lu yŏng pơgơ̆r lu linh bơngai Isơrael gô năm akŭm tơ ih.

Luka 18:2

“Tơ minh pôm pơlei ei đei minh 'nu 'bok sek tơlang, sư ưh kơ chu yom kơ 'Bok Kei-Dei păng ưh kơ hli kơ đe.

Luka 18:4

Sư năm apinh 'bok sek tơlang 'nei ling-lang ră, mă-lei 'bok 'nei kuă kơ tơdŏng sư. Mă-lei khŏm khŏm 'bok 'nei tơchĕng lăm to thoi âu: ‘Inh ưh kơ chu yom kơ 'Bok Kei-Dei, kư̆m ưh kơ chu kơ đe mơ̆n.

Jang 20:33

Inh ưh kơ 'nhĕng jên đe dah hơbĕn ao đe ôh.

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

Both 22:18

Lu kră pơlei noh gô rôp bơngai drŏ-nglo noh, teh bơtho pơjĭ sư.

I Tim 3:3

Sư ưh kơ lah suai sik păng ưh kơ tôn teh đe. Sư bơngai dim khôn tơpă ưh kơ wă pơjah pơjăng păng đe. Sư ưh kơ hăt sa jên lơ ôh.

Jôsuê 22:14

đei mơjĭt 'nu kră kơdră kiơ̆, lăm minh adrĕch minh 'nu lăm adrĕch Isơrael.

I Sam 8:12

Sư gô ăn pơm yŏng kơ rơbâu 'nu linh păng pơm yŏng kơ pơđăm-jĭt 'nu, dah rôp lu sư choh chŭn sư, kĕch kơ sư 'ba, hơjơ̆m tơmam tơblah ăn kơ sư păng lu tơmam pơm gre aseh tơblah.

I Sam 8:3

Mă-lei 'bar 'nu kon drŏ-nglo sư ưh kơ rok kiơ̆ 'bă bre sư ôh, bre sư hưch ham kơ jên tơmam, pơgâm sa tơmam đe păng sek ưh kơ tơpăt.