Le 18:16 - Sơ̆p Hlabơar Nơ̆r 'Bok Kei-Dei

¹⁶ Tơdah lu sư đei tơdrong kiơ, lei lu sư năm tơ inh, wă kơ inh tơlang ăn kơ tơdrong lu sư păng bơtho tơblang ăn lu sư băt tơdrong juăt Kră Yang 'Bok Kei-Dei.

Le 18:16 Iomraidhean Croise

II Sam 15:3

Apsalôm juăt kơ pơma: “'Lơ̆ng dêh, tơdrong ih apinh trŏ păng lăp tơpă; mă-lei pơtao ưh kơ đei wơh bơngai bu wă mơ̆ng ih ôh.”

II Ho 19:10

Tơdah đei lu 'nhŏng oh kon pơlei pơla đơ̆ng lăm pơlei nai năm tơkan tơ iĕm đei tơdrong truh, pơlôch bơngai dah pơm glăi kơ khôi juăt, nơ̆r tơtă, tơdrong juăt, nơ̆r tơbăt lu iĕm athei bơtho khan kơ lu sư 'nĕ kơ pơm yoch hăm Kră Yang, kơnh Kră Yang hil mĭl phak lu iĕm păng lu 'nhŏng oh iĕm: Pơm thoi ei na lu iĕm huay kơ đei yoch.”

Jop 31:13

Tơdah inh đei pơdê tơdrong 'măn ăn kơ đĭch đam drŏ-nglo drŏ-kăn inh, Kơplah lu sư pơma jŏk kơ inh.

Le 18:17

Mă-lei tơnei sư khan dơ̆ng: Dôm tơdrong ih pơm noh ưh kơ trŏ ôh.

Le 2:13

Truh năr đơ̆ng rŏng, Môis năm tơ noh dơ̆ng, sư 'bôh 'bar 'nu bơngai Hêbrơ tơteh băl, sư khan hăm bơngai mă pơm yoch ei thoi âu: Liơ mă măr iĕm tơteh băl tơduă buăl kơdih?

Le 23:7

Ih 'nĕ kơ chu kiơ̆ dôm lu nơ̆r hơlĕnh pơdăr; 'nĕ kơ pơlôch bơngai ưh kơ pơm yoch păng bơngai 'lơ̆ng tơpăt, yua kơ inh ưh kơ đei achăng bơngai kơnê̆ ôh.

Le 24:14

Na sư khan hloi kơ lu kră wei-lăng: Athei gô tơ âu dĭng truh nhôn hơlơ̆k tơ lu iĕm dơ̆ng. 'Nâu Arôn păng Hur oei hơdai hăm lu iĕm, bu đei tơdrong kiơ athei apinh bre sư 'noh.

Lêwi 24:15

Păng khan bĕ kơ kon pơlei pơla Isơrael, bơngai hiap Kră Yang 'Bok Kei-Dei sư gô pŭ iŏk tơdrong phak đơ̆ng tơdrong yoch sư kơdih.

Jo 15:35

Kră Yang khan kơ Môis thoi âu: Bơngai 'nâu athei pơlôch, đĭ-đăng khŭl tơpôl akŭm athei klơ̆m tơmo kơ sư tơ đaih kơđông.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

I Kor 6:1

Tơduă bơngai lui đei tơdrong wă jâu băl, liơ iĕm chă kră ưh kơ lui sek tơlang kơ iĕm, kuă kơ kiơ kơ chă kră bơngai lui sek ăn?

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Both 6:1

'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.