Le 18:12 - Sơ̆p Hlabơar Nơ̆r 'Bok Kei-Dei

¹² Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Le 18:12 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 26:25

Isăk pơm minh pôm chơnang soi kơkuh, krao khan kơ Kră Yang păng pơm pơlei oei tơ noh. Đơ̆ng noh; lu đĭch đam sư sir minh pôm sơlŭng đak tơ anih noh.

Bl 26:30

Isăk pôk hiŏng tơmam sŏng sa chơt hiôk hơdai; đĭ kơ lu sư sŏng sa hơdai.

Bl 31:54

Đơ̆ng noh, lu sư pơyơ̆r tơmam soi kơpal kông păng pơtơm lu 'nhŏng oh sư sŏng sa. Thoi noh lu sư sŏng sa păng tep hloi kơpal kông noh minh măng.

Bl 4:4

Abel kư̆m pơyơ̆r kon triu tuh blŭng-a hăm rơmăa sư kơ Kră Yang 'Bok Kei-Dei, Kră Yang lăng gah Abel păng iŏk tơmam soi sư.

Bl 43:25

Lu 'nhŏng oh sư hơmet lê̆ tơmam gô Jôsep brŏk 'năr dơ̆ng yua kơ lu sư đei kơtơ̆ng khan wă sŏng sa hơdai tơ noh.

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

II Sam 9:7

Đawit khan kơ sư: Mon 'nĕ kơ hli, inh wă tơgŭm ih yua kơ đơ̆ng Jônathan 'bă ih, inh gô pơdrâu kơ ih dôm mă bri seh teh choh đơ̆ng 'bok Sôl ih, păng ih gô oei sŏng sa hơdai inh minh pôm gơ'bang ling-lang hlŏng hloi.

II Ho 30:22

Hesekia pơma pơhiôk jơhngơ̆m lu bơngai Lêwi đei đon hlôh wao bơ̆jang kơ Kră Yang. Lu sư sŏng sa lăm tơpơh năr păng pơyơ̆r tơmam soi 'blŏk bơnê kơ Kră Yang 'Bok Kei-Dei lu 'bok lu sư.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Jop 42:11

Đĭ-đăng lu 'nhŏng, mŏ oh sư păng lu bơngai juăt băt kơ Jop đơ̆ng adrol sơ̆, năm ngôi hơpong păng sŏng sa hăm sư tơ lăm hnam sư. Lu sư ngôi hơpong păng pơlung sư gah lu tơdrong truh pơmat mă Kră Yang pơm kơ sư. Rim 'nu kơ lu sư ăn kơ Jop minh kơtuăl jên hub păng minh pôm tơkhiĕn maih.

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Le 18:13

Truh pơgê năr đơ̆ng rŏng, Môis hơ-oei sek tơlang kơ kon pơlei; kon pơlei dơ̆ng 'bơ̆t anăp sư đơ̆ng pơgê truh tơ kơsơ̆.

Le 2:16

Kơplah noh, đei tơpơh 'nu kon adruh 'bok soi dêh Mađian; năm tơ đak sơlŭng noh sŏ đak tuh tơ bơng wă ăn khŭl kon triu 'bă sư nhă.

Le 2:20

'Bă lu sư dơ̆ng: Bơngai noh dang ei sư tơ yơ? Liơ mă lu iĕm achăng lê̆ sư? Krao pơtơm sư sŏng sa hăm bơ̆n.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 24:11

Kră Yang ưh kơ đei hiŏng ti pơrăm lu kră wei-lăng bơngai Isơrael; lu sư 'bôh ră mă-lei oei sŏng sa hiôk đĕch.

Le 24:5

Sư wơh lu tơdăm Isơrael năm pơyơ̆r tơmam soi 'buh păng tơmam soi 'blŏk bơnê kơ Kră Yang hăm rơmo dăm.

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Le 33:7

Kơplah noh Môis chĕp ba bơsŭn năm pơdơ̆ng tơ 'nguaih ataih 'biơ̆ đơ̆ng anih kon pơlei oei, sư anăn bơsŭn 'noh “Bơsŭn Krao Apinh.” Dah bơngai bu 'maih wă krao apinh chă Kră Yang sư năm tơ bơsŭn noh tơ 'nguaih kơ anih kon pơlei oei.

Da 10:3

Inh ưh kơ sa tơmam 'lơ̆ng păng sik hơmu 'nhĕm kư̆m ưh kơ đei tah lăm 'bơ̆r inh păng inh kư̆m ưh kơ pik đak pơgang 'bâu phu dĭng đĭ pêng 'măng giĕng.

Jo 10:29

Môis khan kơ Hôbap kon drŏ-nglo Rêuel, bơngai Madian, Hêbap 'nhŏng akăn sư, thoi âu: Lu nhôn năm truh tơ dêh char mă Kră Yang đei pơkă khan: Inh gô ăn kơ lu iĕm dêh char noh. Apinh ih năm hơdai nhôn, lu nhôn gô pơm 'lơ̆ng hăm ih; yua kơ Kră Yang pơkă wă ăn pŭn hiôk kơ kon pơlei adrĕch Isơrael.

Luka 14:1

Năr pơdơh Sa'bat ei Yêsu năm sŏng sa tơ hnam minh 'nu bơngai pơm kră kơ lu bơngai khŭl Pharisi. Na đe lăng Yêsu hnhong.

Luka 14:15

Lăm minh 'nu mă oei sŏng sa hơdai Yêsu kơtơ̆ng thoi noh na khan kơ Yêsu: “Dôm lu bơ̆n mă sŏng sa tơ dêh char 'Bok Kei-Dei ning-mônh, hiôk dêh yơh.”

I Kor 10:18

Lu bơngai Isơrael kư̆m lei-lăi thoi bơ̆n mơ̆n, lu mă trŏ kơ sa et tơmam sơmah kơ 'Bok Kei-Dei, bơ̆n 'bôh lu sư pơm tơdrong 'noh bơ̆n băt lu sư pôm đon hăm 'Bok Kei-Dei.

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 27:7

Kŭm athei pơyơ̆r tơmam soi bơnê, sa kơtă hloi tơ anih noh hiôk chơt 'bơ̆t anăp Kră Yang 'Bok Kei-Dei iĕm.