Le 18:10 - Sơ̆p Hlabơar Nơ̆r 'Bok Kei-Dei

¹⁰ Na Jêthrô pơma khan: Trŏ bơnê ư-ang kơ Kră Yang tơpă! Tơ'ngla pơklaih boih lu iĕm lĕch hlôi đơ̆ng ti bơngai Êyiptơ păng đơ̆ng ti Pharaôn.

Le 18:10 Iomraidhean Croise

Bl 14:20

Trŏ kơ bơnê kơkuh tơpă kơ Kră Yang 'Bok Kei-Dei tih hloh đei jao boih lu ayăt tơ lăm ti ih. Đơ̆ng noh Abram iŏk minh lăm mơjĭt đơ̆ng dôm tơmam mă sư iŏk đơ̆ng lu ayăt na pơyơ̆r ăn kơ pơtao noh.c”

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

II Sam 18:28

Ahimaas krao hloi pơtao păng khan: “Kơkuh kơ pơtao dôm tơdrong hiôk-hian!” Na sư drap kơkuh 'bơ̆t anăp pơtao păng khan: “Bơnê ư-ang kơ Kră Yang 'Bok Kei-Dei pơtao, yua kơ Sư dŏng pơklaih boih pơtao đơ̆ng lu bơngai blah pơtao yŏng tơ'ngla inh!”

I Pot 8:15

Sư khan: “Bơnê ư-ang kơ Kră Yang; 'Bok Kei-Dei Isơrael pơkeh đơ̆ng Ih pơkă hăm 'bă inh Đawit, yua kơ đơ̆ng ti mơsêh Ih pơsĭt trŏ nơ̆r pơkă 'noh,” Ih kư̆m khan thoi âu dơ̆ng:

I Pot 8:56

“Bơnê kơkuh ư-ang kơ Kră Yang mă ăn tơdrong hiôk hơđơ̆ng kơ lu bơngai Isơrael, kiơ̆ thoi dôm nơ̆r ih pơkă! Nơ̆r 'lơ̆ng tơpăt, mă ih yua 'bơ̆r Môis đĭch đam Ih bơtho, Ih khan ưh kơ đei nơ̆r ayơ mă ưh kơ đei pơm pơkeh.

Horiso 41:13

Trŏ kơkuh bơnê kơ Kră Yang Kră Yang 'Bok Kei-Dei Isơrael Đơ̆ng âu truh tơ ning-mônh ling-lang A-men, A-men!

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

I Tes 3:9

Yua kơ iĕm na nhôn bơnê kơ 'Bok Kei-Dei tơpă. Nhôn bơnê kơ Sư yua kơ Sư ăn kơ iĕm lui kơjăp. Na nhôn chhơp kơ jơhngơ̆m 'nă hal dêh.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Sam 15:6

Sôl kư̆m wơh bơngai năm tơbăt ăn kơ kon pơlei Kênit: Lu iĕm athei weh bĕ, tơklah lĕch bĕ đơ̆ng kon pơlei Amalek, wă kơ lu nhôn huay kơ pơlôch iĕm hơdai hăm lu sư, yua kơ lu iĕm pơm 'lơ̆ng kơ kon pơlei Isơrael kơplah lu sư 'nao lĕch hlôi đơ̆ng dêh Êyiptơ. Thoi noh, na kon pơlei Kênit tơklah lĕch đơ̆ng kon pơlei Amalek.

I Sam 25:32

Đawit tơl nơ̆r Abigail: Inh kơkuh bơnê kơ Kră Yang 'Bok Kei-Dei lu bơngai Isơrael, đei wơh ih năm truh tơ'bơ̆p inh năr 'nâu!