Le 17:7 - Sơ̆p Hlabơar Nơ̆r 'Bok Kei-Dei

⁷ Sư krao anăn anih noh Masaa păng Mêrib yua kơ kon pơlei Isơrael hil jŏk păng pơlong lăng Kră Yang, khan: Hăm đei Kră Yang oei hăm lu bơ̆n ưh?

Le 17:7 Iomraidhean Croise

Horiso 106:32

'Bok lu nhôn pơm kơ Kră Yang blĕk tơ đak Mêriba. Yua kơ đơ̆ng lu sư, na Môis đei tơdrong pơmat-tat.

Horiso 78:18

Lu sư pơrơ̆ng pơlong lăng Kră Yang 'Bok Kei-Dei, Na apinh tơmam sa kiơ̆ thoi lu sư wă.

Horiso 81:7

Lăm năr anat anot iĕm krao apinh, Inh dŏng pơklaih iĕm. Inh tơl tơwih kơ iĕm đơ̆ng anih hlơp lăm grơ̆m glaih, Păng pơlong lăng ih 'bơ̆t tu đak Mêri 'ba. Sêla

Horiso 81:8

Ơ kon pơlei Inh, mơ̆ng bĕ nơ̆r Inh mưh inh tơbăt kơ iĕm. Ơ Isơrael, rŏ kơ iĕm oei mơ̆ng Inh!

Horiso 95:8

Jơhngơ̆m iĕm 'nĕ pă arăng thoi tơ Mêriba. Thoi lăm năr tơ Masa lăm char 'blach.

Le 17:2

Thoi noh kon pơlei tơhil hăm Môis khan: Ăn kơ lu nhôn đak nhă bĕ. Môis tơl khan: Liơ mă lu iĕm wă tơhil hăm inh? Liơ lu iĕm wă pơlong lăng Kră Yang lĕ?

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Jo 14:22

lu iĕm 'bôh boih dôm tơdrong ư-ang, tơdrong hlĭch chrơp Inh đei pơm boih lăm char Êyiptơ păng lăm char glă, lu iĕm đei pơlong lăng Inh mơjĭt wơ̆t păng kuă pă mơ̆ng nơ̆r Inh,

Jo 20:13

'Nâu jing đak Mêriba, a wă khan anih mă kon pơlei Isơrael hil plơ̆ kơ Kră Yang; Kră Yang pơdah akâu sư kơdih 'lơ̆ng rơgoh 'bơ̆t anăp kon pơlei.

Jo 20:24

Arôn gô lôch brŏk tơ anih yă 'bok sư, yua kơ sư ưh kơ gơh kơ mơ̆t ôh tơ dêh char mă inh wă ăn kơ bơngai Isơrael yua kơ sư sơngah pơjah kơ nơ̆r Inh tơtă tơ anih đak Mêriba.

Jo 27:14

Yua kơ ih sơngah ưh kơ chu kiơ̆ kơ nơ̆r Inh tơtă tơ lăm char glă Yin sơ̆, kơplah lu kon pơlei iung blah. Yua kơ măr iĕm ưh pă pơyom boih kơ tơdrong 'lơ̆ng rơgoh Inh 'bơ̆t anăp lu sư kơ tơdrong đak Mêriba krao đak tơhil băl tơ dêh Kalđê, lăm char glă Yin,

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Both 33:8

Môis sơkat kơ Lêwi thoi âu: Thumim păng Urimb Ih ăn boih kơ bơngai băt hli yom wei răk. Bơngai mă Ih pơlong lăng boih tơ Masa, bơngai mă Ih đei pơjah pơjăng boih tơ đak Mêriba;

Both 6:16

'Nĕ kơ pơlong lăng Kră Yang 'Bok Kei-Dei iĕm, thoi iĕm đei pơlong lăng Sư tơ Masa.

Both 9:22

Lu iĕm kư̆m đei pơm tơblĕk Kră Yang tơ Tabêra, tơ Masa păng tơ Kirôt, Hatawa.

Jôsuê 22:31

Thoi noh Phinêhas, kon drŏ-nglo 'bok soi Êlêasar, pơma khan hăm lu bơngai Rubên, bơngai Gat păng lu bơngai Manase: Năr âu lu bơ̆n băt boih Kră Yang oei hơdai hăm lu bơ̆n, yua kơ lu tơdrong lu iĕm ưh kơ pơm yoch hăm Kră Yang; dang ei lu iĕm pơklaih kon pơlei Isơrael đơ̆ng tơpang ti Kră Yang.