Le 15:3 - Sơ̆p Hlabơar Nơ̆r 'Bok Kei-Dei

³ Kră Yang thoi linh tơblah; Anăn Sư Kră Yang.

Le 15:3 Iomraidhean Croise

Horiso 24:8

Pơtao ư-ang ei bu? Sư boih Kră Yang mă pran kơtang păng mơsêh. Kră Yang nuih pran lăm anih tơblah.

Horiso 45:3

Ơ Kră Yang nuih pran, tơ̆n bĕ đao tơ kơiĕng Ihd Noh jơ̆ tơdrong ư-ang păng tơdrong tih rŏ Ih.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 14:14

Kră Yang gô tơblah tơgŭm iĕm, lu iĕm kư̆ oei mă hơđơ̆ng.

Le 14:25

Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.

Le 3:13

Môis tơl Kră Yang 'Bok Kei-Dei khan: Mưh inh năm truh tơ kon pơlei Isơrael, roi kơ lu sư: Kră Yang 'Bok Kei-Dei 'bok lu iĕm wơh inh năm truh tơ lu iĕm; mă-lei mưh lu sư jet: Anăn Sư bu? Lei inh tơl lu sư thoi yơ?

Le 3:14

Kră Yang 'Bok Kei-Dei khan: Inh boih Kră Yang Đei Kơdih Tơ'ngla Pơjing păng Tơ'ngla Arih Ling-Lang; Sư khan dơ̆ng: Khan kơ kon pơlei Isơrael thoi âu: Kră Yang Tơ'ngla Đei Kơdih Arih Ling-lang wơh inh năm tơ lu iĕm.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Êsai 42:13

Kră Yang năm tơ anăp thoi minh 'nu bơngai pran kơtang, Sư pơtrŭt jơhngơ̆m hưch hal nhen thoi linh tơblah, Sư ôr pơret re, Sư nuih tơblah hăm ayăt jei Sư.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Je 33:2

'Nâu Kră Yang khan, Sư boih Tơ'ngla pơjing teh đak păng pơm pơdơ̆ng tôm tơmam ăn kơ lu sư kơjăp; anăn Sư Kră Yang: