Le 15:26 - Sơ̆p Hlabơar Nơ̆r 'Bok Kei-Dei

²⁶ Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Le 15:26 Iomraidhean Croise

I Pot 11:33

Inh pơm thoi noh yua kơ sư achăng lê̆ Inh năm kơkuh kơ Astoret yang drŏ-kăn lu bơngai Siđôn, Kêmôs yang lu bơngai Môap, Milkôm yang lu bơngai Ammôn, sư ưh pă năm kiơ̆ trong Inh, ưh pă pơm 'lơ̆ng 'bơ̆t anăp Inh, păng kư̆m ưh kơ wă răk tơdrong juăt Inh păng nơ̆r Inh tơtă thoi Đawit, 'bă sư đei pơm.

I Pot 11:38

Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

II Pot 2:21

Na Êlisê năm truh tơ tu đak, sư tuh 'boh ei lăm tu đak noh, na khan: “Kră Yang khan thoi âu: ‘Inh pơklaih bơih đak 'nâu, đơ̆ng âu tơ anăp đak âu ưh pă pơm kơ kon bơngai lôch bơih, kư̆m huay pă pơm kơ nge lăm klak rơngăt dơ̆ng.’ ”

II Pot 20:5

“Wơ̆t brŏk bĕ, khan kơ Hesekia, pơtao lu kon pơlei Inh, Kră Yang 'Bok kei-Dei Đawit 'bok kơdră ih khan: Inh kơtơ̆ng bơih nơ̆r ih krao khan, 'bôh ih nhơ̆m lĕch đak măt; 'nâu Inh gô pơklaih jĭ ih; truh tơ năr mă pêng ih gô năm tơ hnam Kră Yang.

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

Jop 5:18

Sư teh rơka, mă-lei Sư gô pơ̆n ming hơmet, Sư teh jĭ, mă-lei Sư gô pơklaih.

Horiso 103:3

Sư mơnat ăn dôm tơdrong yoch đêl ih pơm, Pơklaih dôm tơdrong jĭ jăn ih.

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Horiso 81:9

Lăm lu iĕm, 'nĕ kơ đei yang nai dơ̆ng; Kŭm 'nĕ chă kơkuh kơ yang lu bơngai tơmoi.

Le 12:29

Kơplah tŏk-bŏk măng Kră Yang pơlôch đĭ lu kon kơdră drŏ-nglo dêh Êyiptơ, iŏk đơ̆ng kon kơdră pơtao Pharaôn oei 'bơ̆t tang-dŏ truh tơ kon kơdră đe rôp pơm bơnă kon pơlei hmă păng đĭ-đăng lu kon sem dơrong tuh blŭng-a.

Le 19:5

Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Le 19:6

Gah lu iĕm jing teh đak 'bok soi păng adrĕch adrung kon pơlei 'lơ̆ng rơgoh Inh, noh boih nơ̆r ih gô pơma hăm kon pơlei Isơrael.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 23:25

Iĕm athei kơkuh kơ Kră Yang 'Bok Kei-Dei iĕm; sư Kră Yang gô tơgŭm iĕm tơmam sŏng sa, ăn kơ iĕm liĕm akâu păng huay kơ đei jĭ jăn.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 57:18

Inh 'bôh trong lu sư, mă-lei Inh gô pơklaih gô dui ba hăm nơ̆r pơlung,

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Je 17:24

Kră Yang khan: “Tơdah lu iĕm 'maih mơ̆ng Inh, tơdah iĕm ưh pă đei pŭ dah tung tơmam rok trong 'măng jang pơlei âu lăm năr Sa'bat, mă-lei lu iĕm 'măn lê̆ năr Sa'bat noh jing năr 'lơ̆ng rơgoh, ưh kơ jang tơdrong kiơ lăm năr noh,

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Êsêkiên 18:5

Pơtih gia bơngai bu tơpăt, pơm tơdrong 'lơ̆ng trŏ tơpăt,

Hôsia 11:3

Mă khan lei ră, Inh boih pơhrăm bơngai Êphraim gơh yak nơnăm, iŏk ti lu sư na tơiung păng pơklaih lu sư, mă-lei lu sư ưh kơ băt ôh.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Lêwi 26:13

Inh jing Kră Yang, 'Bok Kei-Dei lu iĕm, Tơ'ngla mă chông anhăk iĕm lĕch jăk đơ̆ng char Êyiptơ, wă kơ iĕm klaih đơ̆ng pơm đĭch đam đe; Inh hlôi gơ̆ lê̆ 'long ăt đơ̆ng lu iĕm păng ăn kơ lu iĕm yak ngơk tơpăt.

Lêwi 26:3

Tơdah iĕm yak rok kiơ̆ khôi juăt Inh, wei răk păng pơm kiơ̆ nơ̆r Inh tơtă,

Jo 12:13

Môis krao khan apinh Kră Yang thoi âu: Ơ, Kră Yang 'Bok Kei-Dei! Inh hơdrĭ hơpơi kơ Ih pơklaih ăn kơ mŏ inh.

Both 12:25

'Nĕ kơ sa pham, wă kơ iĕm păng kon sâu iĕm gơh đei pŭn hiôk, yua kơ pơm 'lơ̆ng trŏ thoi Kră Yang lăp đon.

Both 12:28

Athei bơwei păng mơ̆ng răk kiơ̆ dôm tơdrong 'nâu mă inh đei bơtho pơkă kơ iĕm 'nâu, wă kơ iĕm păng kon sâu iĕm gơh đei pŭn hiôk ling-lang, yua kơ pơm dôm tơdrong 'lơ̆ng trŏ thoi noh Kră Yang 'Bok Kei-Dei lăp đon.

Both 13:18

Yua kơ iĕm chu nơ̆r Kră Yang 'Bok Kei-Dei iĕm, wei răk đĭ dôm nơ̆r Sư tơtă, mă inh bơtho ăn kơ iĕm năr 'nâu păng pơm tơdrong trŏ 'blep mă Kră Yang lăp đon.

Both 28:27

Kră Yang gô ăn kơ iĕm jĭ pơtôch đuh đơ̆ng dêh Êyiptơ, pơ'ngeh đek, rơka tơlŏng, đơđik, lu iĕm hơmet ưh kơ klaih.

Both 28:58

Tơdah iĕm ưh kơ kơchăng pơm kiơ̆ dôm nơ̆r đơ̆ng khôi juăt 'nâu, chih boih lăm sơ̆p hla bơar 'nâu, ưh pă hli kơ anăn 'lơ̆ng rŏ Kră Yang 'Bok Kei-Dei iĕm anăn ư-ang trŏ kơ hli yom krưp,

Both 28:60

Sư gô ăn kơ iĕm đei tơdrong jĭ đơ̆ng dêh Êyiptơ, tơdrong jĭ noh mă đêl iĕm hli tơrơ boih, lu sư gô đom druh kiơ̆ iĕm.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Both 7:15

Kră Yang huay ăn kơ iĕm tơdrong jĭ jăn păng tơdrong jĭ apoh đơ̆ng dêh Êyiptơ mă-lei Sư gô ăn tơdrong jĭ noh truh kơ lu bơngai mă areh kơ ih.