Le 15:2 - Sơ̆p Hlabơar Nơ̆r 'Bok Kei-Dei

² Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Le 15:2 Iomraidhean Croise

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Bl 49:18

Ơ Kră Yang! Inh chang tơdrong dŏng pơklaih đơ̆ng Ih!

II Sam 22:3

Kră Yang 'Bok Kei-Dei jơ̆ kông tơmo anih inh gơnang jơ̆ khêl pĕng inh, hơke dŏng pơklaih inh, hnam Thôt kơjung kơjăp anih inh kơ'nơp; Tơ'ngla dŏng pơklaih! Ih boih dŏng inh đơ̆ng bơngai pơm kơnê̆.

II Sam 22:47

Kră Yang mă arih ling-lang! Inh hơri ư-ang kơ ih jơ̆ tơmo tih anih mă inh kơ'nơp! Inh ư-ang kơ Kră Yang 'Bok Kei-Dei, Ih boih tơmo tih pĕng inh, Ih dŏng pơklaih inh đơ̆ng tơdrong hli krưp!

II Sam 22:51

Kră Yang ăn tơdrong kĕ jei jơnei tih kơ pơtao mă Ih đei rơih iŏk. Kră Yang 'mêm kơ bơngai mă Kră Yang ăn kơ đe tuh đak pơgang 'bâu phu noh tơdrong 'mêm kơjăp, ưh kơ đei tơplih. Kră Yang 'mêm kơ Đawit păng adrĕch adrung sư, ling-lang ưh kơ đei layơ tôch.”

II Sam 7:24

Ih đei pơjing kơjăp bơngai Isơrael pơm kon pơlei pơla Ih kơdih ling-lang hlŏng hloi. Ơ Kră Yang, Ih boih Kră Yang 'Bok Kei-Dei lu sư.

II Sam 7:5

“Athei năm khan kơ Đawit, đĭch đam Inh Kră Yang khan thoi âu” Ih wă pơm kơ Inh hnam oei hă?

I Pot 8:13

Dang ei inh pơm Hnam akŭm 'lơ̆ng rŏ keh bơih; anih wă kơ Ih oei ling-lang.”

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Ho 16:14

Sư boih Kră Yang 'Bok Kei-Dei bơ̆n; Sư sek tơlang jơ̆p-jang kơ teh đak.

Horiso 109:1

Ơ Kră Yang 'Bok Kei-Dei Tơ'ngla inh bơnê, apinh lê̆ kơ ngăn ôh,

Horiso 118:14

Kră Yang boih ăn kơ jơhngơ̆m inh pran păng nơ̆r inh hơri; Sư Tơ'ngla dŏng pơklaih inh.

Horiso 118:21

Inh bơnê kơ Ih, yua kơ Ih tơl tơwih nơ̆r inh apinh. Ih boih Tơ'ngla dŏng pơklaih inh.

Horiso 118:28

Ih boih Kră Yang 'Bok Kei-Dei inh, inh gô bơnê kơ Ih; Ih boih Kră Yang 'Bok Kei-Dei inh, inh gô yom kơkuh kơ Ih.

Horiso 132:5

Dĭng truh tơ inh mă chă đei anih ăn kơ Kră Yang. Minh anih oei ăn kơ Kră Yang mơsêh mơyang Jakôp!”

Horiso 140:7

Ơ Kră Yang inh, pran kơtang dŏng pơklaih inh, Kră Yang gom pĕng kơ̆l inh lăm năr tơblah.

Horiso 145:1

Ơ Kră Yang 'Bok Kei-Dei inh, pơtao inh. Inh gô pôk ư-ang kơ Ih. Păng hơri bơnê kơ anăn Ih ling-lang hlŏng hloi.

Horiso 18:46

Kră Yang oei arih ling-lang, thoi tơmo pĕng, trŏ kơ bơ̆n kơkuh tơpă Kră Yang 'Bok Kei-Dei Tơ'ngla pơklaih inh trŏ kơkuh pơyom

Horiso 22:10

Đơ̆ng inh oei lăm klak, jao inh kơ Kră Yang boih; Ih boih Kră Yang 'Bok Kei-Dei inh, đơ̆ng năr mĕ inh 'nao tơpŭ kơ inh.

Horiso 22:3

Mă-lei gah Kră Yang Ih Tơ'ngla 'lơ̆ng rơgoh, Ih jơ̆ Yang oei tŏk-bŏk tơdrong bơnê lu bơngai Isơrael.b

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 28:8

Kră Yang jơ̆ tơdrong pran kơtang kơ kon pơlei pơla Sư, Kơđông kơjăp dŏng pơklaih bơngai mă sư hling boih đak rơmă 'bâu phu.

Horiso 30:1

Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

Horiso 34:3

Ơ kơkuh bơnê bĕ kơ Kră Yang hơdai inh. Bĕ lu bơ̆n pơư pơang anăn Kră Yang.

Horiso 48:14

Sư boih Kră Yang 'Bok Kei-Dei, 'nâu jơ̆ Kră Yang 'Bok Kei-Dei lu nhôn ling-lang hlŏng hloi. Sư gô chông anhăk nhôn ling-lang hlŏng hloi.d

Horiso 59:17

Ơ tơdrong pran kơtang inh, inh gô hơri bơnê kơ Ih. Ơ Kră Yang 'Bok Kei-Dei Ih anih kơjăp inh kơ'nơp, Kră Yang 'Bok Kei-Dei mă 'mêm kơ inh.

Horiso 68:20

Kră Yang 'Bok Kei-Dei jơ̆ Kră Yang 'Bok Kei-Dei mă huai iŏk lu bơ̆n; Noh đơ̆ng Kră Yang na mă bơ̆n gơh klaih đơ̆ng lôch

Horiso 99:5

Athei pôk pơư Kră Yang 'Bok Kei-Dei lu bơ̆n Păng drap kơkuh 'bơ̆t jơ̆ng Sư; Sư boih 'lơ̆ng rơgoh!

Horiso 99:9

Athei pôk pơư bĕ kơ Kră Yang 'Bok Kei-Dei lu bơ̆n, Păng drap kơkuh tơ kơpal kông rơgoh Sư. Yua kơ Kră Yang 'Bok Kei-Dei bơ̆n 'lơ̆ng rơgoh!

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 4:22

Lei ih roi tơbăt kơ Pharaôn: Kră Yang khan thoi âu: Isơrael jơ̆ kon drŏ-nglo Inh wă khan kon kơdră Inh,

Le 40:34

Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 3:23

Tơpă tơdrong dŏng pơklaih đơ̆ng groi lăp chă hơlĕnh, ôr krao dơ̆ng kông chă pơhlŭ đĕch; sĭt tơpă tơdrong dŏng pơklaih bơngai Isơrael đơ̆ng Kră Yang, 'Bok Kei-Dei lu nhôn.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Je 32:38

Lu sư gô jing kon pơlei pơla Inh păng Inh boih Kră Yang 'Bok Kei-Dei lu sư.

Habakuk 3:13

Ih iung lĕch pơklaih kon pơlei Ih kơdih, Ih lĕch dŏng pơklaih bơngai mă Ih đei tuh đak rơmă. Ih teh pơrăm kơ̆l bơngai kơnê̆, pơrăm lê̆ hnam sư, Pơm kơ sư akâu hoh đơ̆ng jơ̆ng truh tơ kơ̆l. Sêla

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Luka 1:77

Na ih gô bơtho lu bơngai mă 'Bok Kei-Dei wei-lăng wă kơ lu sư gơh klaih đơ̆ng tơdrong yoch, wă oei hiôk păng 'Bok Kei-Dei.

Luka 2:30

na dang ei inh 'bôh boih bơngai mă Ih wơh wă dŏng pơklaih đĭ-đăng kơ khŭl kon bơngai nhôn.

Yo 4:22

Lu iĕm bơngai Samari, iĕm khan kơkuh kơ 'Bok Kei-Dei mơ̆n mă-lei lu iĕm ưh kơ hlôh tơdrong 'Bok Kei-Dei thoi yơ. Pôm lu nhôn bơngai Juđê đĕch hlôh tơpă gah tơdrong 'Bok Kei-Dei. Thoi noh yơh na lu bơngai Juđê tơpă đei bơngai wă pơklaih kon bơngai.

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Êphêsô 2:22

Lu iĕm kư̆m dang 'long hnam pơ̆ng pơlăp tơ jrăng mum noh mơ̆n. Đĭ-đăng kơ iĕm hăm lu 'nhŏng oh lu bơngai lui nai dang pơm keh minh pôm hnam 'Bok Kei-Dei ăn kơ Yang Bơhngol 'Lơ̆ng oei.

Both 10:21

Sư boih mă Tơ'ngla lu iĕm hơri ư-ang păng Sư boih Kră Yang 'Bok Kei-Dei iĕm Tơ'ngla hlôi pơm dôm tơdrong pran kơtang tih păng krưp, mă măt lu iĕm 'bôh boih.

Philip 2:11

Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

Tơdrông Tơ'bôh 19:1

Đơ̆ng noh inh kơtơ̆ng tơ plĕnh ti thoi lĕ kơ 'bơ̆r bơngai tơpôl lơ pơma 'bơ̆r re khan: “Halêluya, ư-ang kơ 'Bok Kei-Dei dŏng pơklaih kon bơngai. Sư mơsêh mơyang tih-tin tơpă.

Lu 5:21

Tơ đak krong Kisôn lu sư hoch đĭ, Đak krong Kisôn ro lơ̆p pơhoch lê̆ đĭ lu sư. Ơ bơhngol inh, mă nuih pran kơtang bĕ năm tơ anăp!