Le 15:15 - Sơ̆p Hlabơar Nơ̆r 'Bok Kei-Dei

¹⁵ Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Le 15:15 Iomraidhean Croise

Bl 36:15

'Nâu lu yŏng kơdră lăm lu kon sâu Êsâu, lu kon drŏ-nglo Êliphas kon kơdră Êsâu, yŏng kơdră Têman, Ôma, Kêna, Jêphô.

Bl 36:16

Yŏng kơdră Kôra, Gatam păng Amalek, Noh jơ̆ lu yŏng kơdră đơ̆ng Êliphas pơjing lăm char Eđôm, lu sư noh sâu Adah.

Bl 36:40

'Nâu boih lu yŏng kơdră đơ̆ng Êsâu pơjing jô̆ kiơ̆ kơ adrĕch, tơring păng akăn kơdih: Yŏng kơdră Thimna, Alwah, Jêthet.

II Sam 17:10

Kơplah noh, lu bơngai nuih kơtang đei jơhngơ̆m thoi Dăm-brang kư̆m hli tơrơ tơtơ̆; yua kơ đĭ-đăng bơngai Isơrael băt kơ pơtao 'bă ih jơ̆ minh 'nu bơngai tơblah hơgei păng lu bơngai kiơ̆ sư tă kơ đei jơhngơ̆m nuih pran ngăl.

Horiso 48:5

Lu sư truh, 'bôh pơlei Siôn lăng chrêu kơ đon hli, na hăt hot kơdâu ôn.

Horiso 68:2

'Nhui đông hach thoi yơ, Kră Yang gô pơm kơ lu sư hach thoi noh mơ̆n; Kŭm thoi jrĕnh lek kơ ŭnh thoi yơ, Dôm lu bơngai kơnê̆ gô lôch 'bơ̆t anăp Kră Yang 'Bok Kei-Dei thoi noh mơ̆n.

Êsai 13:7

Yua kơ thoi noh bơih na jơ̆ng ti đĭ rơdu, jơhngơ̆m rim 'nu kon bơngai đĭ hơwơ̆l hơwang.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Je 49:23

Khan lê̆ adrol gah pơlei Đamas: Pơlei Hamat păng pơlei Arpat hli tơrơ; yua kơ lu sư 'nao kơtơ̆ng tơdrong kơnê̆; lu sư tơtăm hơwơ̆l hơwang, thoi đak dơsĭ poh-yă.

Êsêkiên 21:7

Tơdah lu sư jet ih: Yua kơ kiơ ih ôr krao? Ih tơl tơwih khan: Noh yua kơ đei kơtơ̆ng tơdrong 'nao truh, pơm kơ rim jơhngơ̆m gô pơchah hach, lu ti gô rơdu, jơhngơ̆m đon tơchĕng gô hơngơ̆t; gô rơdu. Tơdrong noh gô truh, nơ̆r noh gô đei tơpă, Kră Yang khan thoi noh!

Na 2:10

Lu sư đe pơrăm lê̆ boih, pă đei kiơ păng pơrăm iŏk tơgar đĭ; jơhngơ̆m lu sư ơh sơ'ngon; kŭl-tăng lu sư pơpơ̆ hơtŭt băl kơiĕng lu sư jĭ ngăl, đĭ-đăng muh măt lu sư dreng hơ'blă.

Habakuk 3:6

Sư iung pơtŏ teh; Sư lăng đĕch pơm kơ lu kon pơlei tơklah tơklang; Lu kông mă oei oei kư̆m hĕch đĭ. Rim lu groi kông oei ling-lang gô drap kơkuh. Dôm lu trong Sư oei oei ling-lang thoi so.

Habakuk 3:7

Inh 'bôh anih oei char Kusan đei tơdrong pơmat-tat. Anih hnam char Midian tơdrŏ pơpơ̆.

Both 2:4

Roi bĕ kơ kon pơlei băt: Lu iĕm năm brih wă jê̆ teh đak lu 'nhŏng oh iĕm, kon sâu Êsâu, lu bơngai oei lăm char Seir, lu sư gô hli kơ lu iĕm na lu iĕm athei kơchăng bĕ.

Both 20:8

Lu yŏng pơgơ̆r linh khan dơ̆ng hăm lu linh: Bơngai bu hli tơrơ? Brŏk bĕ tơ hnam sư, kơnh jơhngơ̆m 'nhŏng oh wang hơdai hli thoi sư mơ̆n,

Jôsuê 14:8

Mă-lei lu 'nhŏng oh tŏk năm kiơ̆ hơdai inh pơm kơ jơhngơ̆m kon pơlei hli jing rơdu, lei ră inh kiơ̆ boih Kră Yang 'Bok Kei-Dei inh đĭ jơhngơ̆m.

Jôsuê 2:11

Lu nhôn kư̆m hlôi băt tơdrong noh, jơhngơ̆m hli mah hach hiong thoi đak ro, ưh kơ đei bu lăm lu nhôn wă nuih blah lu iĕm dơ̆ng, yua kơ Kră Yang 'Bok Kei-Dei lu iĕm boih Kră Yang 'Bok Kei-Dei tih hloh, mă oei tơ kơpal plĕnh ti păng ala teh âu.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

I Sam 14:16

Lu linh gak pơtao Sôl tơ pơlei Gibêah lăm dêh Bênjamin, dai 'bôh kon pơlei Philistin kơdâu tơklah tơklang bơsuơ̆t bơsuăt.