Le 15:13 - Sơ̆p Hlabơar Nơ̆r 'Bok Kei-Dei

¹³ Hăm jơhngơ̆m Ih 'mêm mơnat sĭt dui anhăk kon pơlei 'nâu mă Ih đei huai iŏk boih; Ih yua tơdrong pran kơtang pơgơ̆r lu sư wih tơ anih 'lơ̆ng rơgoh mă Ih oei.

Le 15:13 Iomraidhean Croise

Bl 19:16

Mă-lei Lot pơngĭ. Yua kơ Kră Yang mơnat kơ Lot, na 'bar 'nu linh jang 'lơ̆ng rôp ti sư păng lu kon drŏ-kăn sư dui tơlĕch đơ̆ng pơlei ei.

II Sam 15:25

Pơtao khan dơ̆ng kơ Sadok 'bok soi: “Tung bĕ Hom pơgơ̆p Kră Yang 'Bok Kei-Dei wơ̆t tơ lăm pơlei tih. Tơdah inh đei tơdrong mơnat 'bơ̆t anăp Kră Yang sĭt Kră Yang ba inh wih, ăn kơ inh 'bôh dơ̆ng Hom Pơgơ̆p păng anih dan sư.

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Horiso 106:9

Sư chrih kơ đak dơsĭ 'brê, na đak hrơ̆ hloi. Sư chông ba Isơrael rok đak dơsĭ jrŭ, thoi yak rok char 'blach.

Horiso 74:2

Apinh Ih 'blŏk kơ kon pơlei mă Ih đei huai iŏk sơ̆, Adrĕch adrung mă ih đei dŏng pơklaih wă jing kon pơlei Ih. Apinh 'blŏk kơ Kông Siôn, mă anih Ih oei boih.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Horiso 78:35

Lu sư 'blŏk kơ Kră Yang 'Bok Kei-Dei jơ̆ tơmo tih lu sư. Kră Yang 'Bok Kei-Dei Tih Hloh jơ̆ Kră Yang dŏng pơklaih lu sư.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Le 15:16

Tơdrong hli tơrơ dêh truh tơ lu sư; Ơ Kră Yang! Kơkŏng ti pran kơtang Ih. Lu sư jing kơmlo nhen thoi tơmo, Tơ̆p mă truh layơ kon pơlei Ih yak hlôi; Tơ̆p mă truh kon pơlei mă Ih huai iŏk boih yak hlôi đĭ.

Le 15:17

Ơ Kră Yang! Ih gô ba lu sư mơ̆t păng pơtăm lu sư tơ kơpal kông Ih. Ơ Kră Yang; anih Ih đei hơmet boih, wă pơm anih Ih oei, Ơ Kră Yang! Anih 'lơ̆ng rơgoh mă ti Ih đei pơjing boih.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Êsai 51:10

Hăm trŏ kơ Ih Tơ'ngla mă pơm kơ đak dơsĭ, păng đak sơlŭng jrŭ tih hrơ̆, pơm ăn kơ đak dơsĭ jrŭ jing trong, wă ăn kơ kon pơlei mă Ih dŏng pơklaih năm rok trong noh?

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Êphêsô 2:4

Mă-lei 'Bok Kei-Dei Sư oei 'mêm mơnat kơ bơ̆n tơpă;

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.