Le 15:1 - Sơ̆p Hlabơar Nơ̆r 'Bok Kei-Dei

¹ Đơ̆ng noh, Môis păng kon pơlei Isơrael hơri 'bai 'nâu kơ Kră Yang, khan: Inh gô hơri ư-ang kơ Kră Yang, yua kơ Sư mơsêh mơyang tih. Kră Yang klơ̆m lê̆ aseh păng bơngai hao aseh lăm đak dơsĭ.

Le 15:1 Iomraidhean Croise

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Jop 36:24

'Blŏk hơri bơnê bĕ dôm tơdrong jang Kră Yang, Mă kon bơngai juăt kơ đei hơri bơnê.

Horiso 105:43

Sư chông ba kon pơlei Sư lĕch năm hiôk-hian; lu bơngai Kră Yang rơih. Lu sư lĕch năm hăm nơ̆r hơri chơt hiôk.

Horiso 106:12

Na lu sư lui kơ nơ̆r Kră Yang. Păng hơri bơnê kơ Sư.

Horiso 107:15

Ăn kơ lu sư bơnê kơkuh kơ Kră Yang yua kơ tơdrong 'mêm Sư. Yua kơ tơdrong jang hlĭch chrơp Sư pơm boih kơ kon bơngai.

Horiso 107:8

Ăn kơ lu sư bơnê bĕ kơ Kră Yang yua kơ tơdrong 'mêm Sư. Yua kơ tơdrong hlĭch chrơp Sư pơm boih kơ kon bơngai.

Horiso 32:7

Ih bơih anih inh kơ'nơp, Ih tơgŭm inh lăm năr đei tơdrong truh, Ih wang tăp kơ inh hăm tơdrong hơrid dŏng pơklaih. Sêla

Horiso 76:6

Ơ Kră Yang 'Bok Kei-Dei Jakôp, mưh Ih hil chrih, Gre aseh păng lu aseh pơ̆k lôch đĭ

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Le 14:26

Kră Yang khan kơ Môis: Yơ̆r bĕ ti ih tơ đak dơsĭ, wă kơ đak dơsĭ lơ̆p lu bơngai Êyiptơ păng khŭl linh chĕp gre aseh lu sư.

Le 14:27

Thoi noh Môis yơ̆r ti sư hloi tơ đak dơsĭ, kiơ̆ pơgê oei hrôih, na đak dơsĭ hơlơ̆k klơ̆p thoi đêl, lu bơngai Êyiptơ kơdâu weh ră mă-lei Kră Yang tơlơ̆ pơlôch đĭ lu sư lăm đak dơsĭ.

Le 15:21

Miriam hơri tơl lu sư: Hơri ư-ang bĕ kơ Kră Yang, yua kơ Sư mơsêh mơyang tih hloh. Sư klơ̆m lê̆ aseh păng bơngai hao aseh lăm đak dơsĭ.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Tơdrông Pơđơk 29:6

Lu bơngai kơnê̆ 'leh hơđong đơ̆ng tơdrong yoch sư kơdih. Mă-lei bơngai tơpăt hat hơri chơt hiôk.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Je 51:21

Inh yua ih wă teh pơrăm lu linh hao aseh păng aseh, wă teh pơrăm gre aseh păng bơngai hao.

Hôsia 2:17

Yua kơ Inh gô iŏk lê̆ yang Baal đơ̆ng 'bơ̆r sư; wă kơ ưh pă đei bu 'blŏk krao anăn Baal dơ̆ng.

Habakuk 3:18

Inh kư̆m oei chơt hiôk lăm Kră Yang; Chhôk hal Kră Yang 'Bok Kei-Dei Tơ'ngla Dŏng Pơklaih inh.

Jo 21:17

Kơplah noh lu bơngai Isơrael hat hơri tơdrong âu: Ơ sơlŭng đak, bluh đak bĕ! Hat hơri kơ sư bĕ!

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.