Le 14:22 - Sơ̆p Hlabơar Nơ̆r 'Bok Kei-Dei

²² kon pơlei Isơrael jur lăm đak dơsĭ, yak năm thoi kơpal teh hrĕng; na đak pĕng thoi bơnơ̆ tơ 'bar pah gah 'ma păng gah 'ngiĕo kơ lu sư.

Le 14:22 Iomraidhean Croise

II Pot 2:14

Sư iŏk ao 'nguaih đơ̆ng sư dônh 'noh sư huăt tơ đak păng khan: “Kră Yang 'Bok Kei-Dei Êli tơ yơ?” Lăp sư huăt tơ đak bơih đak tơklah 'bar pah, đơ̆ng noh Êlisê tŏk hĭ.

II Pot 2:8

Êli thar iŏk ao đaih sư, lôm huăt tơ đak krong, na đak krong tơklah 'bar na bre sư tŏk, nơnăm kơpal teh hrĕng.

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Horiso 106:9

Sư chrih kơ đak dơsĭ 'brê, na đak hrơ̆ hloi. Sư chông ba Isơrael rok đak dơsĭ jrŭ, thoi yak rok char 'blach.

Horiso 136:13

Sư klah đak Dơsĭ 'Brê jing 'bar. Tơdrong 'mêm Sư oei oei ling-lang.

Horiso 136:14

Ăn kơ lu bơngai Isơrael yak tŏk rok đak dơsĭ noh. Tơdrong 'mêm Sư oei oei ling-lang.

Horiso 66:6

Sư tơplih đak dơsĭ jing teh hrĕng kro. Kon bơngai yak jơ̆ng tŏk kơ đak krong. Bĕ bơ̆n chơt hiôk lăm Sư.

Horiso 74:15

Ih boih pơih tu đak lĕch ăn kơ krong đei đak ro, păng pơhrơ̆ lê̆ lu đak krong tih.

Horiso 78:13

Kră Yang blă lê̆ đak dơsĭ ăn kơ lu sư tŏk rok, Pơm ăn kơ đak dơ̆ng minh 'bôt tơbơ̆ng thoi dur.

Le 14:29

Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo.

Le 15:19

Kơplah aseh Pharaôn, gre aseh sư, hăm lu bơngai chĕp gre aseh sư, đak dơsĭ klơ̆p lê̆ lu sư boih. Kră Yang iŏk đak dơsĭ klơ̆p tơ kơpal lu sư, Mă-lei gah kon pơlei Isơrael năm rok tŏk-bŏk đak dơsĭ thoi năm tơ kơpal teh hrĕng.

Le 15:8

Hơyuh đơ̆ng 'bơ̆r Ih tơthu bơ̆ lê̆ đak khơ̆t tŏk thoi bơnơ̆; Anih đak jrŭ jing arăng lăm đak dơsĭ.

Êsai 11:15

Kră Yang gô pơm kơ đak dơsĭ Êyiptơ hrơ̆ đĭ; Kră Yang yơ̆r ti sư kơpal đak krong Ơphrat hăm kial tŏ, Sư blah song krong noh jing tơpơh chơnglah, wă kơ đe yak năm lăm krong noh jơ̆ng ưh kơ hơiuh ôh.

Êsai 11:16

Gô đei minh pôm trong tih ăn kơ kon pơlei Kră Yang mă oei đei đơ̆ng dêh Asiri yak năm, kư̆m thoi đei bơih trong tih ăn kơ lu đe Isơrael yak năm, năr mă lu sư lĕch đơ̆ng dêh Êyiptơ noh.

Êsai 43:16

Kră Yang khan: “Sư boih Tơ'ngla pơih bơih trong lăm đak dơsĭ, păng pơm trong rok đak ro jăng.

Êsai 51:10

Hăm trŏ kơ Ih Tơ'ngla mă pơm kơ đak dơsĭ, păng đak sơlŭng jrŭ tih hrơ̆, pơm ăn kơ đak dơsĭ jrŭ jing trong, wă ăn kơ kon pơlei mă Ih dŏng pơklaih năm rok trong noh?

Êsai 63:12

Tơ'ngla mă pơm kơ kơkŏng ti ư-ang pran kơtang Kră Yang năm gah ti 'ma Môis. Mă pơm kơ đak dơsĭ tơklah 'bơ̆t anăp lu sư? Wă kơ anăn Kră Yang oei đei ling-lang ưh kơ đei tôch.

Êsai 63:13

Mă Tơ'ngla dui ba lu sư tŏk hlôi đơ̆ng lăm sơlŭng jrŭ? Nhen thoi aseh kơdâu tơ char glă, ưh kơ đei pơ̆k.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Jo 33:8

Kon pơlei lê̆ Pi Hahirôt, yak rok lăm đak dơsĭ truh tơ thŭng tơmăn glă, yak pêng năr kơ trong lăm char glă Êtham, đơ̆ng noh lu sư pơm pơlei pơdơh tơ Mara.

I Kor 10:1

Ơ 'nhŏng oh, gah tơdrong lu yă 'bok bơ̆n sơ̆, 'Bok Kei-Dei tơgŭm lu sư tơpă. 'Bok Kei-Dei ăn hơmơ̆l wei-lăng lu sư păng 'Bok Kei-Dei kư̆m tơgŭm lu sư tŏk găn đak dơsĭ huay kơ đei tơdrong kiơ.

Hêbrơ 11:29

Lu bơngai Isơrael đei đon lui, na kơplah lu sư găn đak dơsĭ 'brê sơ̆, lu sư yak thoi lĕ kơ yak kơpal teh hrĕng kro đĕch. Mă-lei lăp lu bơngai Êyiptơ găn kiơ̆, lu sư glơ̆k lôch đĭ hloi.

Jôsuê 3:16

Na đak đơ̆ng tu khơ̆t kơtĕch hloi, đak pơpôi minh 'bôt 'bĕnh tŏk truh tơ pơlei Ađam, pơlei noh jê̆ pơlei Sarêthan; na bơbah đak ro truh tơ đak dơsĭ Araba, ‘wă khan Dơsĭ 'Boh,’ hrơ̆ hrĕng, na lu kon pơlei jur yak tŏk rok tơklă pơlei Jêrikô,

Jôsuê 3:17

lu 'bok soi tung Hom Pơgơ̆p Kră Yang lu sư đơ̆ng kơjăp 'bơ̆t trong teh hrĕng lăm đak Krong Jôrđăn, kơplah lu kon pơlei Isơrael kư̆m yak năm rok teh hrĕng, gô dĭng truh đĭ kon pơlei yak hlôi boih kơ đak Krong Jôrđăn.

Jôsuê 4:22

Lu iĕm gô khan kơ lu kon sâu: “Lu bơngai Isơrael tŏk hlôi kơ đak Krong Jôrđăn rok teh hrĕng.

I Sam 25:16

Lu sư bơwei lu nhôn mă kơ'năr păng kơmăng lu sư nhen thoi dur pĕng lu nhôn, kơplah lu nhôn wei triu jê̆ tơ lăm tơring lu sư.