Le 14:19 - Sơ̆p Hlabơar Nơ̆r 'Bok Kei-Dei

¹⁹ Linh jang 'lơ̆ng Kră Yang 'Bok Kei-Dei oei năm adrol kơ lu kon pơlei Isơrael kơplah noh păng hơlơ̆k yak kiơ̆ đơ̆ng rŏng lu sư; na jrăng hơmơ̆l kư̆m năm đơ̆ng rŏng kơ kon pơlei;

Le 14:19 Iomraidhean Croise

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Horiso 78:53

Sư chông anhăk lu sư hiôk rơnŭk. Ưh pă đei hli kơ kiơ; Mă-lei đak dơsĭ kơlơ̆p lê̆, lu bơngai ayăt kơ lu sư.

Le 14:20

Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Êsai 58:8

Na tơdrong ih pơm gô rang hơdah thoi pơgê hrôih; rơka ih gơh klaih 'bônh. Tơdrong 'lơ̆ng tơpăt ih gô năm adrol kơ ih tơdrong ư-ang Kră Yang gô wei-lăng đơ̆ng rŏng ih.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Hôsia 12:13

Kră Yang yua minh 'nu 'bok khan lê̆ adrol chông anhăk Isơrael lĕch boih đơ̆ng char Êyiptơ, păng yua minh 'nu 'bok khan lê̆ adrol wei-lăng sư.

Mi 2:13

Đei bơngai pơih trong adrol kơ lu sư, lu sư tơkan lĕch truh tơ 'măng jang pơlei, pơtao lu sư rok yak adrol kơ lu sư păng Kră Yang boih Tơ'ngla ba trong lu sư.

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Jo 20:16

Lu nhôn đei krao apinh Kră Yang; sư kơtơ̆ng boih nơ̆r lu nhôn krao khan, na ăn hloi đei minh 'nu linh jang chông tơlĕch nhôn đơ̆ng dêh char Êyiptơ. 'Nâu, dang ei lu nhôn oei lăm pơlei Kades, noh jĭ minh pôm pơlei oei jih sơlam char iĕm.