Le 14:10 - Sơ̆p Hlabơar Nơ̆r 'Bok Kei-Dei

¹⁰ Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang.

Le 14:10 Iomraidhean Croise

II Ho 18:31

Wă lu yŏng linh hao gre aseh 'bôh Jêhôsaphat, na khan: “Noh boih pơtao Isơrael.” Na lu sư dăr wă blah sư. Jêhôsaphat krao ôr, Kră Yang dŏng pơklaih sư păng Kră Yang ăn kơ lu đe noh weh ataih đơ̆ng sư.

Ne 9:9

Ih 'bôh boih tơdrong pơmat-tat lu 'bok nhôn lăm dêh Êyiptơ, đei kơtơ̆ng boih nơ̆r lu sư krao ôr 'bơ̆t đak dơsĭ 'brê.

Horiso 106:44

Mă-lei ră, mưh kơtơ̆ng nơ̆r lu sư krao apinh, Sư kư̆m lăng ba lu sư lăm năr pơmat-tat.

Horiso 107:13

Lăm năr pơmat-tat lu sư krao apinh Kră Yang na Kră Yang dŏng pơklaih lu sư đơ̆ng tơdrong pơmat-tat,

Horiso 107:19

Lăm năr pơmat-tat lu sư krao apinh Kră Yang, Kră Yang dŏng pơklaih lu sư đơ̆ng tơdrong pơmat-tat.

Horiso 107:28

Lăm năr pơmat-tat lu sư krao apinh Kră Yang. Kră Yang dŏng pơklaih lu sư đơ̆ng tơdrong pơmat-tat.

Horiso 107:6

Kơplah đei tơdrong pơmat-tat lu sư krao apinh Kră Yang. Na Kră Yang pơklaih hloi lu sư đơ̆ng tơdrong pơmat-tat,

Horiso 34:17

Lu bơngai 'lơ̆ng tơpăt Krao apinh, Kră Yang mơ̆ng hloi. Păng pơklaih lu sư đơ̆ng tơdrong pơmat-tat.

Horiso 53:5

To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

Horiso 81:7

Lăm năr anat anot iĕm krao apinh, Inh dŏng pơklaih iĕm. Inh tơl tơwih kơ iĕm đơ̆ng anih hlơp lăm grơ̆m glaih, Păng pơlong lăng ih 'bơ̆t tu đak Mêri 'ba. Sêla

Le 13:17

Kơplah Pharaôn achăng kon pơlei Isơrael năm, Kră Yang 'Bok Kei-Dei ưh kơ đei chông ba kon pơlei noh năm rok trong gah dêh Philistin, noh trong jăl jê̆ hloh; yua kơ Kră Yang khan: Hli kơ kon pơlei tơ'bơ̆p tơdrong tơblah wang, lu sư wih brŏk hơlơ̆k đơ̆ng tơ dêh Êyiptơ.

Le 15:25

Môis krao apinh Kră Yang; Kră Yang tơ'bôh ăn kơ sư minh pôm dơng 'long, sư iŏk klơ̆m lăm đak, na đak jing 'lơ̆ng. Na tơ noh, Kră Yang ăn tơdrong juăt hăm tơdrong tơtă ăn kơ kon pơlei păng tơ noh sư pơlong lăng lu sư.

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Êsai 7:2

Đei bơngai năm roi ăn kơ hnam Đawit khan: “Siri pơgơ̆p hăm Êphraim.” Na kơplah noh Ahas păng kon pơlei Juđa hli tơrơ hyĭng hyơ̆ng dang lĕ kial tơthu 'long lăm bri.

Je 22:23

Ơ lu bơngai oei lăm char Liban, pơm anih oei lăm kơdrơ̆ng 'long hơngo, ih gô tơngưih dêh kơplah đei tơdrong jĭ tuĕnh truh kơ ih, thoi lu bơngai drŏ-kăn jĭ wă hơiơch!

Both 9:7

Iĕm athei 'blŏk, 'nĕ kơ hiơt lu iĕm hlôi tơblĕk Kră Yang 'Bok Kei-Dei tơ lăm char glă, đơ̆ng năr iĕm lĕch hlôi kơ dêh Êyiptơ truh tơ năr 'nâu, iĕm ling-lang blah pơm plơ̆ kơ Kră Yang.

Jôsuê 24:6

Kơplah Inh chông ba tơlĕch lu 'bok yă lu iĕm đơ̆ng char Êyiptơ, lu sư năm truh tơ đak dơsĭ lu bơngai Êyiptơ druh 'moi 'bok yă lu iĕm hăm lu linh gre aseh, lu linh jơ̆ng hoh truh tơ đak Dơsĭ 'Brê.

Jôsuê 24:7

Mă-lei, 'bok yă lu iĕm krao apinh Kră Yang dŏng, Kră Yang ăn đei măng mu lăm lu kon pơlei Êyiptơ hăm lu iĕm, Kră Yang ăn đak dơsĭ lơ̆p bơngai Êyiptơ păng măt lu iĕm 'bôh boih Inh pơm kơ lu bơngai Êyiptơ. Păng lu iĕm mă oei arih đunh tơ lăm char glă.

I Yo 4:18

Bơngai bu 'mêm kơ 'Bok Kei-Dei tơpă, bơngai 'noh huay kơ hli kơ 'Bok Kei-Dei ôh. Thoi noh na bơngai bu oei hli, bơngai 'noh tam mă 'mêm kơ 'Bok Kei-Dei mă tơpă, yua kơ bơngai 'noh sư hli kơ 'Bok Kei-Dei wă phak sư ning-mônh.