Le 13:3 - Sơ̆p Hlabơar Nơ̆r 'Bok Kei-Dei

³ Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 13:3 Iomraidhean Croise

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

I Pot 8:42

lu bơngai teh đak 'nguaih lu sư kơtơ̆ng Anăn Ih ti mơsêh mơyang Ih, mưh lu sư krao khan lăm hnam âu.

I Ho 16:12

'Blŏk bĕ tơdrong jang hlĭch chrơp Sư đei pơm bơih. Tơdrong hlĭch chrơp Sư păng tơdrong Sư sek tơlang.

Ne 1:10

Đơ̆ng noh lu sư jing đĭch đam păng kon pơlei Ih mă Ih yua tơdrong mơsêh ti pran kơtang Ih dŏng pơklaih.

Ne 9:10

Pơm boih tơdrong mơsêh hlĭch păng tơdrong hlĭch chrơp wă blah Pharaôn, hăm lu đĭch đam sư păng kon pơlei pơla lăm teh đak sư; yua kơ Ih băt: Lu sư pơgŏ pơjuă pơđep 'bok lu nhôn kơnê̆ dêh, đe oei ang truh tơ dang ei.

Horiso 105:5

Athei 'blŏk bĕ dôm tơdrong jang hlĭch chrơp Sư đei pơm boih Tơdrong hlĭch chrơp păng tơdrong sek tơlang đơ̆ng 'bơ̆r sư đei khan.

Horiso 114:1

Kơplah Isơrael lĕch đơ̆ng char Êyiptơ, hnam Jakôp đơ̆ng khŭl pơma nơ̆r hlĭch.

Horiso 136:11

Sư ba Isơrael lĕch hlôi đơ̆ng lu sư. Tơdrong 'mêm Sư oei oei ling-lang.

Horiso 136:12

Sư yơ̆r kơkŏng păng tơpang ti mơsêh mơyang Sư. Tơdrong 'mêm Sư oei oei ling-lang.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Le 12:15

Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Le 12:17

Wă kơ lu iĕm athei wei pơm giĕng sa 'bĕng ưh kơ đei 'buih pông, yua kơ năr âu mơ̆n Inh chông lu iĕm lĕch đơ̆ng dêh Êyiptơ; yua kơ thoi noh na lu iĕm athei wei răk năr 'nâu truh rim jơhnơr thoi minh tơdrong tơtă ling-lang hlŏng hloi.

Le 12:19

Lăm tơpơh năr 'nĕ ăn đei 'buih pông tơ hnam lu iĕm; yua kơ bơngai bu, bơngai dêh iĕm, tơdah bơngai tơmoi bu sa 'bĕng đei 'buih pông gô puh tơweh sư đơ̆ng bơngai Isơrael.

Le 12:2

Khei 'nâu wă pơm khei blŭng-a kơ lu iĕm; wă khan khei mônh lăm sơnăm.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 12:42

Măng noh Kră Yang dui pơklaih kon pơlei Isơrael lĕch đơ̆ng dêh Êyiptơ; yua kơ thoi noh rim jơhnơr, đĭ-đăng kon pơlei Isơrael athei răk 'blŏk lăm măng noh, wă kơkuh pơyom kơ Kră Yang.

Le 12:8

Măng 'noh lu sư gô sa 'nhĕm kon triu 'buh phang hăm 'bĕng ưh kơ đei 'buih păng hla 'nhot tăng.

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:9

Tơdrong noh iĕm athei pơm tơ'bôh minh tơdra tơ ti iĕm, pơm minh tơdrong 'blŏk hơdơ̆r chih tơ klĕng, wă kơ tơ'blŏk tơdrong juăt Kră Yang oei tơ lăm 'bơ̆r iĕm, yua kơ hăm ti mơsêh mơyang Kră Yang pơklaih iĕm lĕch đơ̆ng dêh Êyiptơ.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 20:8

Athei 'blŏk kơ năr tơpơh wă pơm năr giĕng.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Le 3:20

Mă-lei inh gô chro ti pơm kơ dêh Êyiptơ hăm tơdrong mơsêh hlĭch tơ lăm dêh 'noh, đơ̆ng rŏng kơ 'noh sư gô ăn kơ iĕm năm.

Le 34:18

Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Le 6:1

Kră Yang pơma hăm Môis khan: Dang ei ih gô 'bôh dôm tơdrong Inh wă pơm kơ Pharaôn; yua đơ̆ng ti mơsêh mơyang Inh athei pơtao 'noh sư gô achăng kon pơlei păng puh tơlĕch hloi kon pơlei Isơrael đơ̆ng dêh sư.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Le 7:4

Mă-lei Pharaôn ưh kơ 'maih mơ̆ng ih ôh; Inh gô yơ̆r ti dan kơpal teh Êyiptơ, yua lơ tơdrong phak tih, wă iŏk tơlĕch lu khŭl linh Inh, lu kon drŏ-nglo Isơrael đơ̆ng char Êyiptơ.

Je 34:13

'Nâu Kră Yang 'Bok Kei-Dei bơngai Isơrael, khan: Inh đei nơ̆r pơgơ̆p hăm lu 'bok yă iĕm lăm năr mă Inh đei chông anhăk lu sư lĕch đơ̆ng dêh char Êyiptơ sơ̆, klaih rơngei đơ̆ng pơm đĭch, Inh khan:

Da 9:15

Dang ei, ơ Kră Yang jơ̆ Kră Yang 'Bok Kei-Dei lu nhôn, Ih boih yua tơpang ti pran kơtang Ih chông anhăk lu nhôn lĕch hlôi đơ̆ng dêh Êyiptơ, anăn Ih đei ư-ang thoi âu năr âu. Gah lu nhôn pơm yoch pơm tơdrong kơnê̆ boih.

Mathiơ 10:12

Lăp wă mơ̆t tơ hnam, iĕm khan: ‘'Bok Kei-Dei ăn kơ hnam iĕm chơt hiôk.’

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

I Kor 11:24

krao khan bơnê kơ 'Bok Kei-Dei na phĕ hloi 'bĕng mi 'noh păng khan: “'Bĕng âu boih akâu Inh. Akâu Inh âu boih wă pơchah yua kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

I Kor 5:8

Thoi noh bơ̆n athei 'blŏk hơdơ̆r kơ năr giĕng đe sŏng sa 'Bĕng Ưh Kơ Đei 'Buih Pông, 'nĕ pă pơm dôm tơdrong so, tơdrong kơnê̆ yoch thoi lĕ kơ 'bĕng mă đei 'buih pông 'noh, bơ̆n athei pơm 'lơ̆ng tơpăt thoi 'bĕng ưh kơ đei 'buih đĕch.

Êphêsô 1:19

Păng wă kơ iĕm băt kơ Sư Kră Yang mơsêh tăp pang mơyang tăp dăr gơh tơgŭm lu bơ̆n bơngai lui kơ Sư,

Both 13:10

Iĕm athei iŏk tơmo klơ̆m pơlôch sư, yua kơ sư chă đon pơhlŭ ih iĕm achăng lê̆ Kră Yang 'Bok Kei-Dei iĕm, Tơ'ngla chông iĕm lĕch đơ̆ng dêh Êyiptơ lĕch hlôi đơ̆ng pơm đĭch.

Both 13:11

Thoi noh, na đĭ-đăng bơngai Isơrael gô kơtơ̆ng băt dôm tơdrong noh păng hli tơrơ, lei na ưh pă đei pơ̆n pơm minh tơdrong kơnê̆ noh dơ̆ng.

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 15:15

Athei 'blŏk kơ iĕm đêl pơm đĭch boih lăm dêh Êyiptơ, Kră Yang 'Bok Kei-Dei dŏng pơklaih; thoi noh, năr 'nâu inh bơtho khan kơ iĕm nơ̆r tơtă 'nâu.

Both 16:1

Iĕm athei 'blŏk kơ khei 'ba huăt, pơm giĕng Năm Brih kơ Kră Yang 'Bok Kei-Dei iĕm; yua kơ lăm khei trŏ kơ 'ba huăt,a Kră Yang 'Bok Kei-Dei iĕm chông anhăk iĕm lĕch đơ̆ng dêh Êyiptơ kơmăng.

Both 16:12

Iĕm athei 'blŏk kơ đêl pơm đĭch tơ dêh Êyiptơ, na iĕm athei kơchăng pơm kiơ̆ nơ̆r tơtă 'nâu.

Both 16:3

Năr giĕng Năm Brih 'nĕ kơ sa 'bĕng hrâu hăm 'buih pông; lăm tơpơh năr iĕm gô sa 'bĕng ưh kơ đei 'buih pông, wă khan 'bĕng pơmat-tat, wă kơ iĕm 'blŏk kơ năr iĕm lĕch hlôi đơ̆ng dêh Êyiptơ hăt hot.

Both 24:18

Athei 'blŏk kơ lu iĕm đêl hlôi pơm đĭch tơ dêh Êyiptơ păng Kră Yang 'Bok Kei-Dei iĕm dŏng pơklaih iĕm lĕch đơ̆ng anih noh. Noh na inh bơtho pơkă tơtă ăn kơ lu iĕm.

Both 24:22

Iĕm athei 'blŏk kơ iĕm kư̆m đêl pơm đĭch lăm dêh Êyiptơ; yua kơ thoi ei na inh bơtho pơkă tơtă kơ iĕm.

Both 26:8

Kră Yang yua tơpang ti mơsêh pran kơtang, Kră Yang pơm mơsêh tih krưp hlĭch chrơp na chông lu nhôn lĕch đơ̆ng dêh Êyiptơ.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.

Both 5:6

Inh boih Kră Yang 'Bok Kei-Dei lu iĕm, Tơ'ngla tơlĕch lu iĕm đơ̆ng dêh Êyiptơ, lĕch đơ̆ng pơm đĭch.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Both 6:21

Na iĕm gô tơl, sơ̆ lu bơ̆n pơm đĭch kơ Pharaôn tơ dêh Êyiptơ na Kră Yang đei yua ti pran kơtang Sư chông ba lu bơ̆n lĕch đơ̆ng dêh Êyiptơ ei;

Both 7:8

Mă-lei yua kơ Kră Yang 'mêm kơ lu iĕm păng wei nơ̆r pơkă hăm lu 'bok iĕm sơ̆, Kră Yang yua tơpang ti pran kơtang Sư dui lu iĕm lĕch hlôi đơ̆ng pơm đĭch păng dŏng pơklaih đơ̆ng tơpang ti Pharaôn, pơtao dêh Êyiptơ.

Both 8:14

Athei kơchăng 'nĕ kơ pơang păng 'nĕ hiơt kơ Kră Yang 'Bok Kei-Dei iĕm, Tơ'ngla chông ba iĕm lĕch đơ̆ng dêh Êyiptơ, lĕch đơ̆ng pơm đĭch.

Both 9:12

Kră Yang khan kơ inh; iung bĕ iĕm, jur mă tĕnh tĕnh, yua kơ lu kon pơlei mă ih chông ba lu sư lĕch đơ̆ng dêh Êyiptơ pơm yoch răm boih; 'nao lăp 'biơ̆ đĕch weh achăng lê̆ trong đơ̆ng Inh bơtho tơtă kơ lu sư; lu sư tuh hling minh pôm rup yang!

Jôsuê 24:17

Yua kơ Kră Yang jing 'Bok Kei-Dei lu nhôn; Sư boih chông ba lu nhôn păng 'bok yă lu nhôn lĕch klaih rơngei đơ̆ng char Êyiptơ, klaih rơngei đơ̆ng pơm đĭch; Sư đei pơm mơsêh hlĭch 'bơ̆t anăp lu nhôn păng tơgŭm lu nhôn, mă tơ rok trong nhôn yak, mă hăm lăm kon pơlei nai huay kơ đei pơrăm lu nhôn.

Lu 2:12

Hŭt lê̆ Kră Yang 'Bok Kei-Dei 'bok yă lu sư, Tơ'ngla mă chông lu sư lĕch đơ̆ng dêh Êyiptơ. Lu sư lui kiơ̆ kơ yang nai đơ̆ng lu adrĕch adrung jum dăr kơ lu sư, drap kơkuh kơ lu yang noh păng pơm kơ Kră Yang hil blĕk kơ lu sư.

Lu 6:8

na Kră Yang wơh minh 'nu bơngai khan lê̆ adrol năm tơ kon pơlei Isơrael. Sư khan thoi âu. Kră Yang 'Bok Kei-Dei Isơrael khan: Inh dŏng pơklaih chông ba lu iĕm lĕch hlôi đơ̆ng dêh Êyiptơ boih, pơklaih iĕm đơ̆ng pơm đĭch.