Le 13:14 - Sơ̆p Hlabơar Nơ̆r 'Bok Kei-Dei

¹⁴ Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:14 Iomraidhean Croise

Bl 30:33

Na ih năm lăng lăng tơmam ih apah, jơhngơ̆m tơpăt inh gô pơm kơdranh 'bơ̆t anăp mih. Tơdah gah inh bơbe dah triu ayơ mă ưh kơ 'brông dah ưh kơ đei sŏk găm, gô jô̆ inh tơtông.

I Ho 16:12

'Blŏk bĕ tơdrong jang hlĭch chrơp Sư đei pơm bơih. Tơdrong hlĭch chrơp Sư păng tơdrong Sư sek tơlang.

Ne 1:10

Đơ̆ng noh lu sư jing đĭch đam păng kon pơlei Ih mă Ih yua tơdrong mơsêh ti pran kơtang Ih dŏng pơklaih.

Horiso 136:11

Sư ba Isơrael lĕch hlôi đơ̆ng lu sư. Tơdrong 'mêm Sư oei oei ling-lang.

Horiso 145:4

Adrĕch chăl âu gô roi ư-ang kơ tơdrong jang Ih kơ jơhnơr đơ̆ng rŏng păng roi tơbăt tơdrong mơsêh Ih.

Horiso 78:4

Lu bơ̆n kư̆m ưh kơ ôn dôm tơdrong noh kơ kon sâu lu bơ̆n. Bơ̆n gô roi kơ adrĕch adrung đơ̆ng rŏng dôm tơdrong trŏ hơri bơnê kơ Kră Yang, Tơdrong mơsêh păng tơdrong jang hlĭch chrơp mă Kră Yang đei pơm.

Le 10:2

wă kơ ih gô roi kơ kon sâu ih mơsêh tih-tin Inh pơm kơ kon pơlei Êyiptơ, dôm tơdrong mơsêh Inh pơm bơih lăm lu sư, wă kơ lu sư băt kơ Inh Kră Yang.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 13:8

Lăm năr noh athei roi ăn kơ kon drŏ-nglo iĕm, bơ̆n pơm tơdrong 'noh yua kơ Kră Yang pơm 'lơ̆ng kơ inh, kơplah inh lĕch đơ̆ng dêh Êyiptơ.

Le 13:9

Tơdrong noh iĕm athei pơm tơ'bôh minh tơdra tơ ti iĕm, pơm minh tơdrong 'blŏk hơdơ̆r chih tơ klĕng, wă kơ tơ'blŏk tơdrong juăt Kră Yang oei tơ lăm 'bơ̆r iĕm, yua kơ hăm ti mơsêh mơyang Kră Yang pơklaih iĕm lĕch đơ̆ng dêh Êyiptơ.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 6:1

Kră Yang pơma hăm Môis khan: Dang ei ih gô 'bôh dôm tơdrong Inh wă pơm kơ Pharaôn; yua đơ̆ng ti mơsêh mơyang Inh athei pơtao 'noh sư gô achăng kon pơlei păng puh tơlĕch hloi kon pơlei Isơrael đơ̆ng dêh sư.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Je 34:13

'Nâu Kră Yang 'Bok Kei-Dei bơngai Isơrael, khan: Inh đei nơ̆r pơgơ̆p hăm lu 'bok yă iĕm lăm năr mă Inh đei chông anhăk lu sư lĕch đơ̆ng dêh char Êyiptơ sơ̆, klaih rơngei đơ̆ng pơm đĭch, Inh khan:

Da 9:15

Dang ei, ơ Kră Yang jơ̆ Kră Yang 'Bok Kei-Dei lu nhôn, Ih boih yua tơpang ti pran kơtang Ih chông anhăk lu nhôn lĕch hlôi đơ̆ng dêh Êyiptơ, anăn Ih đei ư-ang thoi âu năr âu. Gah lu nhôn pơm yoch pơm tơdrong kơnê̆ boih.

Jang 13:17

Inh roi gah tơdrong lu bơngai Isơrael. Lu bơngai Isơrael kơkuh kơ 'Bok Kei-Dei. 'Bok Kei-Dei rơih lu 'bok kơdră bơ̆n sơ̆. Na hơtai lu sư oei tơ dêh Êyiptơ thoi lĕ kơ tơmoi đĕch, mă-lei 'Bok Kei-Dei ăn kơ lu sư rai đunh rai lơ tơpă. Yua kơ Kră Yang 'Bok Kei-Dei pơm hăm tơdrong mơsêh mơyang Sư kơdih na Sư tơlĕch lu sư đơ̆ng dêh char Êyiptơ.

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.

Both 5:6

Inh boih Kră Yang 'Bok Kei-Dei lu iĕm, Tơ'ngla tơlĕch lu iĕm đơ̆ng dêh Êyiptơ, lĕch đơ̆ng pơm đĭch.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Jôsuê 22:24

Ưh! Lu nhôn đei đon pơm thoi noh yua kơ lu nhôn hli kon sâu lu 'nhŏng oh ning-mônh pơma khan kơ lu kon sâu nhôn lu iĕm đei kiơ hăm Kră Yang 'Bok Kei-Dei Isơrael?

Jôsuê 24:17

Yua kơ Kră Yang jing 'Bok Kei-Dei lu nhôn; Sư boih chông ba lu nhôn păng 'bok yă lu nhôn lĕch klaih rơngei đơ̆ng char Êyiptơ, klaih rơngei đơ̆ng pơm đĭch; Sư đei pơm mơsêh hlĭch 'bơ̆t anăp lu nhôn păng tơgŭm lu nhôn, mă tơ rok trong nhôn yak, mă hăm lăm kon pơlei nai huay kơ đei pơrăm lu nhôn.

Jôsuê 4:6

Tơdrong noh wă pơm tơdra tŏk-bŏk lu iĕm. Ning-mônh, tơdah lu kon sâu iĕm đei jet: Lu tơmo âu wă khan kiơ?

Lu 2:12

Hŭt lê̆ Kră Yang 'Bok Kei-Dei 'bok yă lu sư, Tơ'ngla mă chông lu sư lĕch đơ̆ng dêh Êyiptơ. Lu sư lui kiơ̆ kơ yang nai đơ̆ng lu adrĕch adrung jum dăr kơ lu sư, drap kơkuh kơ lu yang noh păng pơm kơ Kră Yang hil blĕk kơ lu sư.

Lu 6:8

na Kră Yang wơh minh 'nu bơngai khan lê̆ adrol năm tơ kon pơlei Isơrael. Sư khan thoi âu. Kră Yang 'Bok Kei-Dei Isơrael khan: Inh dŏng pơklaih chông ba lu iĕm lĕch hlôi đơ̆ng dêh Êyiptơ boih, pơklaih iĕm đơ̆ng pơm đĭch.