Le 12:48 - Sơ̆p Hlabơar Nơ̆r 'Bok Kei-Dei

⁴⁸ Tơdah đei minh 'nu bơngai tơmoi ayơ oei hơdai lăm hnam iĕm, mă 'maih pơm 'blŏk hơdơ̆r giĕng Năm Brih Kră Yang, lei lu bơngai drŏ-nglo lu sư athei kăt tơdra akar; đơ̆ng noh na lu sư gơh năm pơm giĕng Năm Brih 'nâu păng gơh jô̆ thoi bơngai tơpŭ lăm char Isơrael. Mă-lei bơngai bu ưh kơ chu kăt tơdra akar, lei ưh kơ gơh sa ôh.

Le 12:48 Iomraidhean Croise

Bl 17:11

Lu iĕm athei kăt tơdra akar; tơdrong juăt noh wă tơdra kơ nơ̆r pơgơ̆p pơkă Inh hăm lu iĕm.

Bl 17:12

Lăm đĭ jơhnơr, rim 'nu kon drŏ-nglo lăm lu iĕm, mă hơiơch tơ hnam dah iĕm răt kon đe păng jên, ưh kơ trŏ adrĕch adrung iĕm, dah truh tơhngam năr boih, athei kăt tơdra akar.

Le 12:19

Lăm tơpơh năr 'nĕ ăn đei 'buih pông tơ hnam lu iĕm; yua kơ bơngai bu, bơngai dêh iĕm, tơdah bơngai tơmoi bu sa 'bĕng đei 'buih pông gô puh tơweh sư đơ̆ng bơngai Isơrael.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Êsêkiên 14:7

Khan kơ đĭ-đăng lu bơngai lăm adrĕch Isơrael păng đĭ-đăng tơmoi mă oei lăm Isơrael: Bơngai bu mă weh ataih đơ̆ng Inh, mă oei 'măn rup yang lăm jơhngơ̆m păng dan 'bơ̆t anăp lu sư tơdrong kơnê̆ yoch, wă pơm kơ đe kơtơih pơ̆k, na năm tơ'bơ̆p bơngai khan lê̆ adrol wă krao apinh Inh, Inh boih Kră Yang gô tơl tơwih kơ sư.

Êsêkiên 44:9

Kră Yang khan thoi âu: 'Nĕ kơ ăn bơngai tơmoi ưh kơ kăt tơdra lăm jơhngơ̆m păng sĕch akar kư̆m ưh kơ kăt tơdra, mơ̆t lăm anih 'lơ̆ng rơgoh Inh, mă lu bơngai oei hơdai hăm lu adrĕch adrung Isơrael kư̆m ưh kơ gơh mơ̆t tơ noh.

Êsêkiên 47:22

Lu iĕm athei hlang lăng klah asong teh âu wă jang sa, ăn kơ lu iĕm păng ăn kơ lu bơngai tơmoi mă oei hơdai lu iĕm păng pơjing lu kon sâu tơ lăm lu iĕm. Lu iĕm kư̆m lăng lu sư thoi adrĕch kon sâu Isơrael. Lu sư kư̆m dai gơh đei asong teh jang sa thoi lu iĕm mă oei hơdai lăm adrĕch bơngai Isơrael.

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Jo 9:14

Tơdah đei lu bơngai tơmoi oei hơdai hăm lu iĕm 'blŏk hơdơ̆r 'maih wă pơm giĕng Năm Brih Kră Yang, sư athei kiơ̆ tơdrong tơtă păng khôi juăt gah giĕng Năm Brih. Kŭm đei minh tơdrong juăt kơ lu iĕm bơngai tơmoi păng bơngai kơtă mă tơpŭ lăm dêh char âu.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.