Le 12:22 - Sơ̆p Hlabơar Nơ̆r 'Bok Kei-Dei

²² Na athei iŏk minh hơchô̆ hla bơngăl, djrŭ lăm pham đe mong lăm kơthao, na pik tơ jrăng 'bar pah 'măng hnam păng jrăng găn kơpơ̆ng, na lăm lu iĕm 'nĕ ăn bơngai bu lĕch tơ 'nguaih kơ 'măng hnam truh tơ pơgê dơning.

Le 12:22 Iomraidhean Croise

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Le 12:7

Lu sư gô iŏk pham pik 'bar pah jrăng dơ̆ng 'măng păng 'long găn kơpal lăm hnam ayơ mă sa 'nhĕm triu kon 'noh.

Êsai 26:20

Ơ kon pơlei pơla Inh mơ̆t bĕ tơ anih ih păng tang bĕ 'măng gah rŏng ih, ôn bĕ akâu iĕm hơya tŏ sĕt năr, Dĭng truh kơ layơ tơdrong Kră Yang hil hlôi đĭ.

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Mathiơ 26:30

Đang Sư pơma thoi noh boih lu sư hơri minh tơdrong 'Bok Kei-Dei, đơ̆ng noh lĕch năm hloi tơ kông Ôliwơ.

Hêbrơ 11:28

Sư đei đon lui tơpă, na sư gơh pơjing giĕng mă đe anăn Giĕng Năm Brih kiơ̆ thoi 'Bok Kei-Dei pơkă. Sư athei lu bơngai Isơrael pik pham bơbe, pham triu tơ 'măng hnam lu sư wă kơ 'bok mă chă pơlôch kon kơdră lu bơngai Êyiptơ 'bôh, na huay pơlôch hơwơ̆l kon lu sư.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Hêbrơ 9:1

Tơdrong pơgơ̆p hơdrol sơ̆, đei tơdrong juăt pơkă gah tơdrong kơkuh kơ 'Bok Kei-Dei, đei hnam kơkuh kơ 'Bok Kei-Dei, mă kon bơngai pơm.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Hêbrơ 9:19

Kơplah Môis pơkă ăn kơ lu bơngai Isơrael tôm kơ tơdrong juăt boih, na sư phĕ iŏk tơ'mơ̆ng pơkao păng iŏk achô̆ sŏk bơbe, tong tơ lăm pham bơbe pham rơmo bơlŭ păng đak 'blăng na chruih kơ tơmo lat chih tơdrong juăt 'Bok Kei-Dei, klaih kơ noh sư tơtreh kơ lu bơngai Isơrael.

Jôsuê 2:19

tơdah đei bơngai bu lĕch tơ 'nguaih đơ̆ng 'măng hnam ih, na pham lu sư gô tuh kơpal kơ̆l lu sư kơdih, lei lu nhôn ưh kơ đei yoch ôh, mă-lei tơdah bơngai bu mă pơlôch bơngai oei lăm hnam ih, pham sư gô tuh tơ kơpal kơ̆l lu nhôn.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.