Le 12:19 - Sơ̆p Hlabơar Nơ̆r 'Bok Kei-Dei

¹⁹ Lăm tơpơh năr 'nĕ ăn đei 'buih pông tơ hnam lu iĕm; yua kơ bơngai bu, bơngai dêh iĕm, tơdah bơngai tơmoi bu sa 'bĕng đei 'buih pông gô puh tơweh sư đơ̆ng bơngai Isơrael.

Le 12:19 Iomraidhean Croise

Le 12:15

Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Le 12:20

'Nĕ sa 'bĕng đei 'buih pông; jơ̆p kơ anih lu iĕm oei athei sa 'bĕng ưh kơ đei 'buih pông ngăl.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Le 12:48

Tơdah đei minh 'nu bơngai tơmoi ayơ oei hơdai lăm hnam iĕm, mă 'maih pơm 'blŏk hơdơ̆r giĕng Năm Brih Kră Yang, lei lu bơngai drŏ-nglo lu sư athei kăt tơdra akar; đơ̆ng noh na lu sư gơh năm pơm giĕng Năm Brih 'nâu păng gơh jô̆ thoi bơngai tơpŭ lăm char Isơrael. Mă-lei bơngai bu ưh kơ chu kăt tơdra akar, lei ưh kơ gơh sa ôh.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 13:7

Athei sa 'bĕng ưh kơ đei 'buih pông lăm tơpơh năr, lăm tơring iĕm 'nĕ ăn kơ đei 'bôh 'buih pông.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Le 34:18

Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Lêwi 23:5

Truh năr mơjĭt-puăn khei mônh, kơplah til kơsơ̆ măng noh năr giĕng Năm Brih Kră Yang.a

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.

Both 16:3

Năr giĕng Năm Brih 'nĕ kơ sa 'bĕng hrâu hăm 'buih pông; lăm tơpơh năr iĕm gô sa 'bĕng ưh kơ đei 'buih pông, wă khan 'bĕng pơmat-tat, wă kơ iĕm 'blŏk kơ năr iĕm lĕch hlôi đơ̆ng dêh Êyiptơ hăt hot.