Le 12:16 - Sơ̆p Hlabơar Nơ̆r 'Bok Kei-Dei

¹⁶ Năr blŭng-a, lu iĕm athei đei năr akŭm 'lơ̆ng rơgoh păng truh năr tơpơh lu iĕm gô akŭm lei-lăi mơ̆n. Lăm năr noh ưh gơh jang tơdrong kiơ, lăp gơh pai hơmet tơmam sa ăn kơ rim 'nu sa đĕch.

Le 12:16 Iomraidhean Croise

Le 16:23

Sư tơl khan: 'Noh nơ̆r Kră Yang tơtă boih: Dơning jing năr pơdơh, năr Sa'bat 'lơ̆ng rơgoh ăn kơ Kră Yang, phang bĕ tơmam kiơ lu iĕm wă phang, pai bĕ tơmam kiơ lu iĕm wă pai; oei wă 'măn lê̆ truh tơ pơgê dơning.

Le 16:29

Athei tơchĕng lăng, Kră Yang ăn boih kơ lu iĕm năr Sa'bat; na lei, truh năr tơdrâu Kră Yang ăn kơ lu iĕm 'bĕng sa mah kơ 'bar năr. Wă kơ rim 'nu bơngai athei oei kơtă anih kơdih, ưh kơ gơh bơngai bu lĕch tơ 'nguaih ôh lăm năr tơpơh.

Le 16:5

Truh năr mă tơdrâu, kon pơlei gô dônh lơ hloh 'bar wơ̆t kơ lu sư juăt kơ dônh rim năr.

Le 20:10

Mă-lei năr mă tơpơh wă khan năr pơdơh kơ Kră Yang 'Bok Kei-Dei iĕm: Lăm năr 'noh ih, kon drŏ-nglo, kon drŏ-kăn, đĭch đam sem dơrong ih, dah tơmoi oei lăm hnam ih, 'nĕ kơ jang minh tơdrong kiơ ôh;

Le 34:18

Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Êsai 1:13

'Nĕ pă pơyơ̆r tơmam soi phe 'ba ưh kơ yua kiơ kơ Inh dơ̆ng, Inh areh dêh tơmam 'bâu phu iĕm, năr khei 'nao, năr Sa'bat, lu năr iĕm akŭm sŏng sa tih. Inh ưh kơ lăp ôh tơdrong yoch tih iĕm lăm năr iĕm akŭm pơm giĕng tih.

Lêwi 23:21

Lu iĕm athei roi tơ'băt: Tơdrong akŭm tơm năr noh athei đei tơdrong akŭm rơgoh, ưh kơ gơh kơ bơ̆jang tơdrong sĕch akar. Noh jing tơdrong juăt pơkă ling-lang ăn kơ adrĕch adrung lu iĕm, mă tơ anih yơ yơ lu iĕm oei.

Lêwi 23:27

Năr mônh khei tơpơh âu jơ̆ năr pơm giĕng huai đơ̆ng yoch; lu iĕm gô đei tơdrong akŭm rơgoh, lu iĕm athei hơdrĭ lăm jơhngơ̆m pơmat akâu iĕm kơdihe păng pơyơ̆r tơmam soi yua 'buh hăm ŭnh kơ Kră Yang.

Lêwi 23:35

Năr mă blŭng-a đei tơdrong akŭm rơgoh; lu iĕm ưh kơ gơh bơ̆jang kơ sĕch akar minh tơdrong kiơ ôh.

Jo 28:18

Lăm năr mă mônh gô đei akŭm 'lơ̆ng rơgoh, lu iĕm ưh kơ gơh kơ jang dah pơm minh tơdrong kiơ gah sĕch akar ôh.

Jo 28:25

Năr mă tơpơh iĕm athei akŭm rơgoh 'lơ̆ng lu iĕm ưh kơ gơh jang kiơ gah sĕch akar ôh.

Jo 28:26

Lăm năr giĕng phĕ yuă blŭng-a, lăp iĕm đei plei blŭng-a kĕch yuă đei 'ba hle lăm bơyan, kơplah iĕm pơyơ̆r ăn kơ Kră Yang tơmam soi phe 'ba hle, iĕm athei akŭm 'lơ̆ng rơgoh; lăm năr noh lu iĕm ưh kơ gơh jang minh tơdrong kiơ gah sĕch akar.

Jo 29:1

Lăm năr mônh khei tơpơh, lu iĕm gô đei akŭm hơdai 'lơ̆ng rơgoh; ưh kơ gơh kơ jang minh tơdrong kiơ gah sĕch akar lu iĕm, năr noh năr giĕng hlôm keng.

Jo 29:12

Lăm năr mơjĭt-pơđăm khei tơpơh lu iĕm athei akŭm tih 'lơ̆ng rơgoh, 'nĕ kơ jang minh tơdrong jang kiơ gah sĕch akar, iĕm athei pơm giĕng bơsŭn kơ Kră Yang lăm tơpơh năr.

Yo 19:31

Lu bơngai Juđê năm apinh Pilat wă gơ̆ lê̆ jơ̆ng lu bơngai mă đêl pơ̆ng tơ 'long pơglang, wă kơ lu sư jah lôch na gơh tơjur 'bŭ atâu lu sư. Lu sư pơm thoi noh hơdrol kơ năr pơdơh Sa'bat, kơlih kơ năr Sa'bat lu sư kuă kơ lê̆ atâu tơ kơpal 'long pơglang, kơlih kơ năr Sa'bat 'noh năr lu sư khan năr kăl hloh tơpă, yua kơ trŏ năr pơm giĕng.

Both 16:8

Lăm tơdrâu năr, iĕm athei sa 'bĕng ưh kơ đei 'buih pông, truh năr mă tơpơh, gô đei akŭm kơkuh tih ăn kơ Kră Yang 'Bok Kei-Dei iĕm, iĕm ưh kơ gơh jang minh tơdrong kiơ.