Le 12:15 - Sơ̆p Hlabơar Nơ̆r 'Bok Kei-Dei

¹⁵ Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Le 12:15 Iomraidhean Croise

Bl 17:14

Rim 'nu drŏ-nglo mă ưh kơ chu kăt tơdra sĕch akar sư kơdih, gô tơlĕch lê̆ sư đơ̆ng khŭl adrĕch sư; bơngai noh sư sơngah kơ nơ̆r Inh pơgơ̆p pơkă.”

II Ho 30:21

Lu bơngai Isơrael oei tơ lăm pơlei Jêrusalem chơt hiôk pơm giĕng sa 'bĕng ưh kơ đei 'Buih Pông lăm tơpơh năr. Lu bơngai Lêwi păng lu 'bok soi rim năr reh brŏ hat hơri bơnê ư-ang kơ Kră Yang.

Esơra 6:22

Lăm tơpơh năr lu sư 'blŏk pơm giĕng 'bĕng ưh kơ đei 'buih pông lu sư đei jơhngơ̆m hiôk chơt; yua kơ Kră Yang pơm ăn păng pơm ăn kơ jơhngơ̆m pơtao Asiri đei mơnat, tơgŭm lăm tơdrong pơjing pơm hnam akŭm Kră Yang 'Bok Kei-Dei đe Isơrael.

Le 12:8

Măng 'noh lu sư gô sa 'nhĕm kon triu 'buh phang hăm 'bĕng ưh kơ đei 'buih păng hla 'nhot tăng.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Le 30:38

Tơdah bơngai bu pơm nhen thoi noh wă yua kơdih akâu 'bâu phu, đe gô puh tơweh lê̆ sư đơ̆ng kon pơlei Isơrael.

Le 31:14

Thoi noh, lu iĕm athei bơwei năr Sa'bat yua kơ năr noh jing năr 'lơ̆ng rơgoh ăn kơ lu iĕm. Bơngai bu pơm pơ'mê̆ kơ năr noh, đe gô pơlôch sư; hăm bơngai bu jang minh tơdrong kiơ lăm năr noh, đe gô pơpuh tơweh lê̆ sư.

Le 34:18

Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Le 34:25

Ih 'nĕ kơ pơyơ̆r pham tơmam soi hơdai hăm 'bĕng đei 'buih pông, 'nhĕm tơmam soi giĕng Năm Brih noh ưh kơ gơh mơmăn truh tơ pơgê dơning.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 17:14

Yua kơ tơdrong arih đĭ-đăng lu kon sem brem lăm pham ngăl, yua kơ thoi noh na Inh khan boih kơ đĭ-đăng kon pơlei Isơrael, lu iĕm ưh kơ gơh sa pham dôm lu kon sem brem, yua kơ tơdrong arih lu sem brem noh jơ̆ lăm pham sư, bu sa đe gô puh tơweh lê̆ sư.

Malachi 2:12

Mă lu bơngai đei pơm tơdrong noh, mă lu bơngai oei hơđơ̆r, dah lu bơngai drơ̆ng nơ̆r, dah lu bơngai pơyơ̆r tơmam soi kơ Kră Yang Tih Hloh, Kră Yang gô chơ̆ng hŭt lê̆ lu sư đơ̆ng hnam Jakôp.

Jo 28:17

Truh năr mơjĭt-pơđăm lăm khei noh jing năr giĕng; sa 'bĕng ưh kơ đei 'buih pông lăm tơpơh năr.

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.

Mathiơ 16:12

Yêsu pơma thoi noh boih na lu sư băt kơ Yêsu ưh kơ athei sư kơchăng kơ 'buih 'bĕng mi pông tơpă ôh. Sư athei kơchăng weh ataih kơ 'bơ̆r đon đe Pharisi păng đe Sađusê bơtho, hli kơ apoh kơ lu sư.

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 2:43

Lăp đe pơm giĕng đang boih na mĕ 'bă Yêsu pơtơm brŏk tơ Pơlei Nasaret, mă-lei Yêsu oei ngôi tơ Pơlei Jêrusalem.

Jang 12:3

Hêrôt 'bôh đe 'bok tih Juđê lăp đon tơpă, na lăp đe Juđê pơm giĕng sa 'Bĕng Mi Ưh Kơ Đei 'Buih Pông, Hêrôt rôp Pêtrôs.

Galati 5:12

Lu sư juăt kơ pơlung iĕm đe kăt tơdra akar, lei lu sư kuă kơ kiơ kơ hlach akar sư kơdih mă tih wă kơ trŏ 'biơ̆?

Both 16:3

Năr giĕng Năm Brih 'nĕ kơ sa 'bĕng hrâu hăm 'buih pông; lăm tơpơh năr iĕm gô sa 'bĕng ưh kơ đei 'buih pông, wă khan 'bĕng pơmat-tat, wă kơ iĕm 'blŏk kơ năr iĕm lĕch hlôi đơ̆ng dêh Êyiptơ hăt hot.

Both 16:5

Iĕm ưh kơ gơh pơyơ̆r tơmam soi năr giĕng Năm Brih lăm minh anih ayơ lăm dêh mă Kră Yang iĕm gô ăn kơ iĕm,

Both 16:8

Lăm tơdrâu năr, iĕm athei sa 'bĕng ưh kơ đei 'buih pông, truh năr mă tơpơh, gô đei akŭm kơkuh tih ăn kơ Kră Yang 'Bok Kei-Dei iĕm, iĕm ưh kơ gơh jang minh tơdrong kiơ.