Le 12:14 - Sơ̆p Hlabơar Nơ̆r 'Bok Kei-Dei

¹⁴ Lu iĕm athei chih răk năr âu wă kơ iĕm 'blŏk ling-lang; truh tơ rim jơhnơr athei wei pơm giĕng ăn kơ Kră Yang, wă khan minh tơdrong giĕng pơjing tơtă ling-lang.

Le 12:14 Iomraidhean Croise

II Pot 23:21

Na pơtao Jôsia tơtă athei đĭ-đăng lu kon pơlei: “Iĕm athei 'blŏk hơdơ̆r kơ năr giĕng Năm Brih kơ Kră Yang lu iĕm, kiơ̆ thoi dôm nơ̆r đei chih lăm sơ̆p hla bơar Kră Yang pơgơ̆p pơkă 'nâu.”

Horiso 111:4

Sư tơ'blŏk tơdrong jang hlĭch chrơp Sư đei pơm boih. Kră Yang 'mêm păng mơnat.

Horiso 135:13

Ơ Kră Yang, anăn Ih oei oei ling-lang; Tơdrong 'blŏk kơ anăn Ih đơ̆ng jơhnơr âu truh tơ jơhnơr nai.

Le 12:17

Wă kơ lu iĕm athei wei pơm giĕng sa 'bĕng ưh kơ đei 'buih pông, yua kơ năr âu mơ̆n Inh chông lu iĕm lĕch đơ̆ng dêh Êyiptơ; yua kơ thoi noh na lu iĕm athei wei răk năr 'nâu truh rim jơhnơr thoi minh tơdrong tơtă ling-lang hlŏng hloi.

Le 12:24

Iĕm athei bơwei tơdrong giĕng 'nâu thoi lĕ tơdrong juăt tơtă ling-lang ăn kơ lu iĕm păng kon sâu lu iĕm.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Le 12:6

Đơ̆ng noh lu iĕm rong lê̆ truh năr mơjĭt-puăn khei 'nâu; na đĭ-đăng lu bơngai Isơrael athei rôp ba 'bet pơlôch til kơsơ̆ măng.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Êsêkiên 46:14

Rim pơgê ih athei pơyơ̆r tơmam soi phe ‘ba hơdai hăm tơmam soi noh, minh lăm tơdrâu êpha hăm minh lăm pêng hin đak rơmă wă bơlŭ hăm tơmam soi phe 'ba, wă pơm tơmam soi pơyơ̆r kơ Kră Yang rim năr noh tơdrong juăt ling-lang hlong hloi.

Lêwi 23:6

Na truh năr mơjĭt-pơđăm khei noh đe pơm giĕng 'Bĕng Ưh Kơ Đei 'Buih Pông. Wă kơkuh pơyom kơ Kră Yang, na lu iĕm gô sa 'bĕng ưh kơ đei 'buih noh lăm tơpơh năr.

Sa 6:14

Môk pơtao gô oei lăm Hnam Kră Yang jing tơmam wă kơ 'blŏk hơdơ̆r kơ Helđai, Tôbia, Jêđaia păng Hen kon dăm Sêphania.”

Jo 10:8

lu kon drŏ-nglo Arôn, lu bơngai mă pơm 'bok soi, lu sư gô hlôm keng noh. Đơ̆ng chăl arih âu dĭng truh tơ chăl nai, noh boih tơdrong juăt ăn kơ lu iĕm ling-lang.

Jo 15:15

Đĭ-đăng lăm tơpôl akŭm đei lăp minh khôi juăt 'nâu đĕch ăn kơ lu iĕm păng lu bơngai tơmoi mă oei hơdai iĕm. 'Nâu boih minh tơdrong juăt pơkă ling-lang kơ adrĕch adrung lu iĕm 'bơ̆t anăp Kră Yang; bơngai tơmoi kư̆m lei-lăi thoi lu iĕm mơ̆n.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 18:8

Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.

Mathiơ 26:13

Inh khan kơ iĕm tơpă, jơ̆p-jang kơ teh đak, lu bơngai bơtho tơdrong 'nao 'lơ̆ng, lu sư gô roi tơdrong duch noh pơm kơ Inh, wă kơ đe ư-ang kơ tơdrong sư pơm.”

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Both 16:1

Iĕm athei 'blŏk kơ khei 'ba huăt, pơm giĕng Năm Brih kơ Kră Yang 'Bok Kei-Dei iĕm; yua kơ lăm khei trŏ kơ 'ba huăt,a Kră Yang 'Bok Kei-Dei iĕm chông anhăk iĕm lĕch đơ̆ng dêh Êyiptơ kơmăng.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 6:8

Ih athei chô̆ nơ̆r âu tơ kơkŏng ih, pơ̆n pơm tơdra 'bơ̆t klĕng ih wă kơ 'blŏk.

Jôsuê 4:7

Lei lu iĕm tơl: Noh wă khan đak Krong Jôrđăn tơklah kơplah Hom Pơgơ̆p Kră Yang năm rok đak krong, na đak krong khơ̆t kơtĕch tŏk-bŏk, tơmo âu wă pơm kơ kon pơlei Isơrael 'blŏk hơdơ̆r ling-lang.

I Sam 30:25

Đơ̆ng năr noh, Đawit pơjing dôm tơdrong noh, pơm tơdrong juăt lăm lu bơngai Isơrael kư̆m oei đei truh tơ dang ei.