Le 12:12 - Sơ̆p Hlabơar Nơ̆r 'Bok Kei-Dei

¹² Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Le 12:12 Iomraidhean Croise

I Ho 14:12

Bơngai Philistin achăng hŭt lê̆ lu rup yang lu sư tơ anih 'noh; na Đawit athei soh pơđĭ lê̆ lăm ŭnh.

Horiso 135:8

Sư pơlôch lu kon kơdră bơngai Êyiptơ, Đơ̆ng kon kơdră kon bơngai truh tơ kon sem dơrong.

Horiso 82:1

Kră Yang 'Bok Kei-Dei oei lăm khŭl akŭm tơ plĕnh ti. Sư sek tơlang kơ lu yang.

Horiso 82:6

Inh khan boih: “Lu iĕm jơ̆ yang đĭ-đăng iĕm jing kon Kră Yang Tih Hloh.

Horiso 91:7

Gô đei rơbâu bơngai pơ̆k cheng ih păng hơngan bơngai pơ̆k lôch gah 'ma ih. Mă-lei tơdrong răm noh huay kơ truh tơ ih.

Horiso 95:3

Yua kơ Kră Yang jơ̆ 'Bok Kei-Dei Tih Hloh. Sư pơtao Tih Hloh kơ đĭ-đăng yang

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Le 21:6

lei yŏng tơ'ngla sư gô chông ba sư năm 'bơ̆t anăp 'bok sek tơlang đơ̆ng Kră Yang 'Bok Kei-Dei, na athei sư năm jê̆ tơ 'măng dah năm jê̆ jrăng 'măng, đơ̆ng noh tơ'ngla sư athei iŏk kơnho tôt đon sư; na sư gô bơ̆jang kơ tơ'ngla sư dĭng đĭ chăl arih.

Le 22:28

Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Le 6:2

Kră Yang 'Bok Kei-Dei pơma dơ̆ng hăm Môis khan: Inh boih Kră Yang iĕm.

Le 9:6

Lăp truh năr dơning, na Kră Yang pơm tơdrong 'noh; đĭ-đăng sem dơrong lu bơngai Êyiptơ lôch ngăl; mă-lei lu sem dơrong lu bơngai Isơrael ưh kơ đei lôch minh pôm.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Je 43:12

Nebukatnessar gô soh hnam kơkuh kơ lu rup yang Êyiptơ; sư gô soh pơrăm lu rup yang păng chĕp ba tơ nai. Sư iŏk pơgoh char Êyiptơ thoi lu bơngai wei triu dônh pơgoh hrŏk đơ̆ng ao lu sư, pơtao noh sư lĕch brŏk hiôk-hian.”

Je 43:13

Sư gô teh pơchah lê̆ jrăng gơ̆ng đe man kơkuh kơ yang măt 'năr tơ Bet Semes lăm char Êyiptơ; klaih kơ noh sư gô soh pơđĭ hnam lu rup yang lăm dêh char Êyiptơ.

Je 46:25

Kră Yang Tih Hloh, 'Bok Kei-Dei Isơrael khan: “'Nâu Inh gô phak yang Ammôn, tơ pơlei Thêbes, pơtao Pharaôn, dêh char Êyiptơ păng lu rup yang, lu pơtao sư păng lu bơngai mă gơnang kơ Pharaôn.

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Am 5:17

Tơ lăm pơgar hơmu gô kơtơ̆ng nơ̆r nhơ̆m hmoi yua kơ inh gô yak tŏk-bŏk iĕm, Kră Yang khan thoi noh.

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Jo 33:4

Bơngai Êyiptơ oei 'bŭ kon lu sư mă đơ̆ng Kră Yang pơlôch, đĭ-đăng kon kơdră: Kră Yang phak lu yang lu sư.

I Sam 5:3

Pơgê đơ̆ng rŏng kon pơlei Asdôt lu sư iung đơ̆ng hrôih 'bôh đơ̆ng rup yang Đagơn păk kơmŭ brum 'bơ̆t anăp Hom Pơgơ̆p Kră Yang, Pơgê đơ̆ng rŏng dơ̆ng, lu sư iung đơ̆ng hrôih kư̆m 'bôh rup yang Dagôn păk kơmŭ brum tơ teh 'bơ̆t anăp Hom Pơgơ̆p Kră Yang, mă-lei pơgê noh lăp oei 'bôh pă akâu, kơ̆l păng 'bar pah ti kơtĕch 'bôh tă tơ 'măng.

I Sam 6:5

Pơm bĕ lu rup pơtôch păng lu rup kơne mă oei pơrăm phe 'ba, na lu iĕm pơyơ̆r ư-ang kơ Kră Yang 'Bok Kei-Dei đe Isơrael; Rŏ lăng sư huay pă ăn tơdrong truh phak lu iĕm, lu yang iĕm păng mir 'ba dêh char iĕm.