Le 11:8 - Sơ̆p Hlabơar Nơ̆r 'Bok Kei-Dei

⁸ Đĭ-đăng lu đĭch đam ih gô năm truh tơ inh, kơkuh 'bơ̆t anăp inh khan: Năm bĕ, ih hăm đĭ-đăng kon pơlei kiơ̆ ih! Đơ̆ng noh inh gô năm. Môis lĕch hloi đơ̆ng Pharaôn lăm jơhngơ̆m sư ơh blĕk dêh tơpă.

Le 11:8 Iomraidhean Croise

I Pot 20:10

Ben Hadat wơh bơngai nai dơ̆ng tơ'bơ̆p Ahap khan: “Apinh lu yang phak inh mă trăp tơdah 'mui teh tơ Samari tôm mah kơ rim tơpang ti lu linh lăm minh 'nu minh chup.”

II Pot 3:9

Thoi noh, pơtao đe Isơrael, pơtao đe Juđa păng pơtao đe Eđôm wang năm đĭ-đăng, lu sư năm dăr trong char glă noh tơpơh năr kơ trong, na đak nhă ưh kơ đei wă ăn kơ lu khŭl linh păng khŭl sem dơrong kiơ̆ lu sư.

Ne 5:6

Kơplah inh kơtơ̆ng dôm lu nơ̆r âu păng nơ̆r krao ôr lu sư, na inh blĕk dêh.

Horiso 6:1

Ơ Kră Yang! 'Nĕ chrih kơ inh lăm năr Ih blĕk, 'Nĕ kơ bơtho pơjĭ inh lăm năr Ih hil!

Le 10:29

Môis khan: Ih pơma trŏ boih; inh ưh pă wă tơ'bơ̆p ih dơ̆ng ôh.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsêkiên 3:14

Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Da 3:19

Đơ̆ng noh pơtao Nebukatnessar rai blĕk muh măt sư đum rak hil kơ Sadrak, Mêsak, Abetnigo păng krao đe rŭk ŭnh mă dêh tŏ hloh dang tơpơh wơ̆t kơ adrol hei.

Jo 12:3

Môis boih mă iŏk đon ala iơ̆m dim hloh kơ đĭ-đăng bơngai kơpal teh âu.

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Both 29:24

Đĭ-đăng adrĕch adrung lu sư gô jet: Lơliơ mă Kră Yang pơm kơ dêh âu thoi noh liơ mă tơdrong Sư hil mĭl tih krưp dêh thoi noh?

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

Hêbrơ 11:27

Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

Lu 4:10

Barak krao akŭm pơpôi bơngai Sebulun păng bơngai Naptali năm tơ pơlei Kêđes, đe mơjĭt-rơbâu 'nu bơngai kiơ̆ sư păng Đêbôra năm hơdai sư.

Lu 8:5

Giđêôn khan kơ bơngai pơlei Sukôt: Inh apinh iĕm asong bĕ 'bĕng hơya tŏ sĕt ăn kơ lu kon pơlei kiơ̆ inh; yua kơ lu sư gleh lap dêh; inh oei druh 'moi Sêba păng Salmuna, 'bar 'nu pơtao Miđian.