Le 11:4 - Sơ̆p Hlabơar Nơ̆r 'Bok Kei-Dei

⁴ Môis khan: Kră Yang đei khan thoi âu; kơplah tŏk-bŏk măng kơnh inh gô năm jơ̆p tơ lăm dêh Êyiptơ.

Le 11:4 Iomraidhean Croise

II Sam 5:24

'Bơ̆t kơplah mă ih kơtơ̆ng jơ̆ng yak lăm kơdrơ̆ng 'long hơngo bri ih athei năm blah hloi, yua kơ 'bơ̆t kơplah noh Kră Yang năm adrol kơ ih blah lu linh Philistin.”

Jop 34:20

Ưh kơ tam băt tŏk-bŏk măng, lu sư lôch hloi. Lu sư pơpơ̆ na lôch. Lu bơngai yŏng pơgơ̆r kư̆m lôch, ưh kơ đei đơ̆ng ti kon bơngai ôh.

Horiso 60:10

Ơ Kră Yang 'Bok Kei-Dei, Ih hăm trŏ Kră Yang mă achăng lê̆ lu nhôn? Ơ Kră Yang 'Bok Kei-Dei, Ih ưh pă năm tơblah hơdai hăm linh lu nhôn boih hă?

Horiso 81:5

Sư pơjing tơdrong noh tơ'bôh ăn kơ adrĕch Jôsep. Kơplah Kră Yang blah dêh char Êyiptơ, anih inh kơtơ̆ng nơ̆r mă-lei ưh kơ hlôh.

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Le 12:29

Kơplah tŏk-bŏk măng Kră Yang pơlôch đĭ lu kon kơdră drŏ-nglo dêh Êyiptơ, iŏk đơ̆ng kon kơdră pơtao Pharaôn oei 'bơ̆t tang-dŏ truh tơ kon kơdră đe rôp pơm bơnă kon pơlei hmă păng đĭ-đăng lu kon sem dơrong tuh blŭng-a.

Êsai 42:13

Kră Yang năm tơ anăp thoi minh 'nu bơngai pran kơtang, Sư pơtrŭt jơhngơ̆m hưch hal nhen thoi linh tơblah, Sư ôr pơret re, Sư nuih tơblah hăm ayăt jei Sư.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Am 5:17

Tơ lăm pơgar hơmu gô kơtơ̆ng nơ̆r nhơ̆m hmoi yua kơ inh gô yak tŏk-bŏk iĕm, Kră Yang khan thoi noh.

Mi 2:13

Đei bơngai pơih trong adrol kơ lu sư, lu sư tơkan lĕch truh tơ 'măng jang pơlei, pơtao lu sư rok yak adrol kơ lu sư păng Kră Yang boih Tơ'ngla ba trong lu sư.

Mathiơ 25:6

“Truh tŏk-bŏk măng na đei nơ̆r krao 'bơ̆r re khan: ‘Bơngai mă 'nao iŏk akăn truh boih, năm jah kiơ̆ sư bĕ.’