Le 10:7 - Sơ̆p Hlabơar Nơ̆r 'Bok Kei-Dei

⁷ Lu bơngai bơ̆jang kơ Pharaôn khan kơ sư. Truh dĭng dang yơ bơngai âu mă lê̆ hơ'năk hơđong kơ lu bơ̆n? Jah achăng lê̆ lu kon pơlei noh năm bĕ, wă kơ lu sư kơkuh kơ Kră Yang 'Bok Kei-Dei lu sư! Pơtao ưh tam băt hă dêh Êyiptơ đei tơdrong răm đĭ boih.

Le 10:7 Iomraidhean Croise

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Le 12:33

Bơngai Êyiptơ pơpuh kon pơlei Isơrael lĕch đơ̆ng dêh sư mă tĕnh tĕnh, yua kơ lu sư khan: Lu nhôn gô lôch đĭ. Tơdah lu iĕm ưh kơ năm.

Le 23:33

'Nĕ ăn lu sư oei lăm char iĕm ôh, hli kơ lu sư pơhlŭ iĕm pơm yoch hăm Inh na kơkuh kơ yang lu sư; tơdrong noh gô pơm hơđong đăk kơ iĕm.

Le 7:5

Layơ mă Inh pơm kơ dêh Êyiptơ păng dui iŏk kon pơlei Isơrael lĕch đơ̆ng lăm kon pơlei Êyiptơ, lei lu sư gô băt kơ Inh boih Kră Yang.

Le 8:19

Lu bơngai pơjâu khan kơ Pharaôn, 'Nâu boih hơnglâu ti Kră Yang 'Bok Kei-Dei; mă-lei Pharaôn oei arăng kơ̆l ưh kơ chu, ưh kơ mơ̆ng Môis păng Arôn thoi nơ̆r Kră Yang khan boih.

Tơdrông Pơđơk 29:6

Lu bơngai kơnê̆ 'leh hơđong đơ̆ng tơdrong yoch sư kơdih. Mă-lei bơngai tơpăt hat hơri chơt hiôk.

Bôk Bơthô 7:26

Inh 'bôh drŏ-kăn 'bĕnh tơdrong pơhlŭ sơ'ngon trăp hloh kơ tơdrong lôch. Tơdrong hưch sư thoi hơnhuăl, ti sư thoi tơlei glang. Bơngai bu băt hli yom kơ Kră Yang 'Bok Kei-Dei gơh klaih đơ̆ng ti sư. Mă-lei bơngai bu pơm yoch, sư 'leh lăm hơnhuăl noh.

Êsai 14:20

Ih ưh kơ gơh 'bŭ hơdai lăm bơsat hăm lu pơtao, yua kơ ih pơrăm teh đak ih păng pơlôch kon pơlei ih, adrĕch adrung ih bơngai kơnê̆ đe gô ưh pă đei tơ'blŏk dơ̆ng

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Je 48:4

Char Môap đe gô pơrăm. Đe kơtơ̆ng nơ̆r hmoi ôr tơ pơlei Soar!

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

I Kor 7:35

Inh bơtho iĕm thoi noh yua kơ inh wă tơgŭm iĕm, ưh kơ sĭ inh wă khă iĕm tơdrong tơoei băl klo kăn ôh. Inh wă kơ iĕm băt kơdih pơm tơdrong 'lơ̆ng tơdrong trŏ, wă kơ iĕm adrin jang tơdrong Kră Yang hăm đĭ jơhngơ̆m klơm klak iĕm.

Jôsuê 23:13

lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

I Sam 18:21

Sư tơchĕng khan: Inh gô ăn sư oei kơ Đawit, pơm thoi hơđong wă kơ Đawit 'leh lăm ti bơngai Philistin. Thoi noh Sôl pơma dơnuh 'măng mă 'bar hăm Đawit: Ih gô pơm ŏng inh.

I Sam 5:11

Lu sư wơh krao akŭm lu yŏng pơgơ̆r đe Philistin, na khan: Athei tung ba Hom Pơgơ̆p Kră Yang 'Bok Kei-Dei đe Isơrael, wih ba sư tơ anih sư so lê̆ tơ âu kơnh hli kơ nhôn păng kon pơlei nhôn lôch. Yua kơ kon pơlei krưp; tơ noh Kră Yang kư̆m ăn tơdrong gleh phak tih dêh.