Le 10:3 - Sơ̆p Hlabơar Nơ̆r 'Bok Kei-Dei

³ Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 10:3 Iomraidhean Croise

I Pot 18:21

Đơ̆ng noh Êli năm dơ̆ng 'bơ̆t anăp lu kon pơlei pơla păng khan: Lu iĕm năm ting bơring kiơ̆ 'bar pah trong 'nâu dĭng dang yơ? Tơdah Kră Yang 'Bok Kei-Dei lei iĕm athei kiơ̆ Kră Yang, tơdah Baal jơ̆ Kră Yang 'Bok Kei-Dei lei iĕm athei kiơ̆ Sư. Mă-lei lu kon pơlei pơla ưh kơ đei tơl sư minh nơ̆r.

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

II Ho 33:12

Kơplah sư đei tơdrong gleh truh pơmat-tat, na sư krao apinh Kră Yang 'Bok Kei-Dei sư păng tơjur akâu tơbral tơpă 'bơ̆t anăp Kră Yang 'Bok Kei-Dei lu 'bok sư.

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

II Ho 34:27

‘Yua kơ ih đei jơhngơ̆m rơmuăn tơjur akâu kơdih 'bơ̆t anăp Kră Yang 'Bok Kei-Dei wă ih kơtơ̆ng nơ̆r Sư khan wă hil phak anih 'nâu păng kơ kon pơlei oei lăm âu, ih tơjur boih akâu 'bơ̆t anăp Inh, hek ao păng nhơ̆m hmoi 'bơ̆t anăp Inh, Inh kư̆m kơtơ̆ng boih nơ̆r ih,’ Kră Yang khan.

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Le 10:4

Tơdah ih ưh kơ chu ăn kon pơlei inh năm, lei dơning inh gô ăn lep truh tơ jơ̆p-jang lăm char ih;

Le 16:28

Kră Yang khan kơ Môis: Lu iĕm ưh kơ chu yom wei răk nơ̆r tơtă păng khôi juăt Inh dĭng truh dang yơ dơ̆ng?

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 9:17

Tơdah ih oei pơang wă pơgăn, ưh kơ ăn kon pơlei inh năm,

Tơdrông Pơđơk 1:22

Ơ lu bơngai kơtul kơwao, Lu iĕm 'mêm kơ tơdrong kơtul kơwao dĭng dang yơ? Lu bơngai pơjăm pơjuă chơt hiôk pơjăm pơjuă dĭng dang yơ? Lu bơngai kơtul areh kơ tơdrong hơgei dĭng dang yơ?

Tơdrông Pơđơk 1:24

Yua kơ Inh krao, mă-lei lu iĕm sơngah, Inh yơ̆r ti, kư̆m ưh kơ đei bơngai bu wă lăng;

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Je 13:10

Kon pơlei kơnê̆ âu sơngah boih kuă kơ mơ̆ng nơ̆r Inh athei, arih pơm kiơ̆ kơ jơhngơ̆m arăng lu sư kơdih wă, kơkuh awih awăn kơ yang nai; na lu sư jing thoi che tơ̆n kơiĕng âu, ưh pă gơh wă yua pơm kiơ dơ̆ng.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Êsêkiên 5:6

Isơrael ưh kơ chu blah plơ̆ khôi juăt păng nơ̆r Inh tơtă pơm kơnê̆ hloh kơ lu bơngai nai păng lu dêh char jum dăr kơ sư. Sư sơngah kơ khôi juăt Inh păng ưh kơ pơm kiơ̆ nơ̆r Inh tơtă.”

Da 5:22

Ơ Pơtao Belsatsar, kon pơtao Nebukatnessar ih kư̆m lei-lăi, mă ih băt boih dôm tơdrong noh ră, jơhngơ̆m ih kư̆m ưh kơ đei chu iŏk tŏ sĕt.

Jo 14:27

Oei pă dang yơ dơ̆ng Inh gô mơ̆ng lu tơpôl bơngai kơnê̆ âu jŏk? Inh đei kơtơ̆ng boih lu tơpôl kon pơlei Isơrael jŏk chrih kơ Inh.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.