Le 1:9 - Sơ̆p Hlabơar Nơ̆r 'Bok Kei-Dei

⁹ Pơtao khan kơ kon pơlei sư: Kon pơlei adrĕch Isơrael rai lơ kơdrâ̆m păng pran hloh kơ lu bơ̆n.

Le 1:9 Iomraidhean Croise

Bl 26:16

Abimêlek khan kơ Isăk thoi âu: “Weh bĕ đơ̆ng anih inh âu: Yua kơ ih mơdrŏng jơnap hloh kơ lu nhôn pă băt dang yơ.”

Bl 46:3

Kră Yang 'Bok Kei-Dei khan; Inh jơ̆ Kră Yang 'Bok Kei-Dei, Kră Yang 'Bok Kei-Dei 'bă ih. Jur bĕ tơ dêh Êyiptơ, hli kơ kiơ. Yua kơ tơ noh Inh gô ăn kơ ih jing minh adrĕch adrung tih.

Jop 5:2

Lu bơngai kơtul đei jơhngơ̆m blĕk pơlôch kơdih akâu, jơhngơ̆m gar pơlôch lu bơngai kơhlôh kơwao.

Le 5:5

Pharaôn khan: Kon pơlei lăm dêh char dang ei kơdrâ̆m lơ dêh, na măr iĕm pơgăn pơm kơ lu sư pơdơh kơ jang hă!

Tơdrông Pơđơk 14:28

Kon pơlei đei lơ noh jing ư-ang kơ pơtao. Bơngai kơtuei kon pơlei tŏ sĕt noh răm kơ bơngai pơgơ̆r.

Tơdrông Pơđơk 27:4

Tơdrong hil mĭl kơnê̆ tơpă, Tơdrong hil thoi đak lĕch ro blai lơ̆p, Bu kĕ dơ̆ng 'bơ̆t anăp tơdrong hil gar.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”