Le 1:16 - Sơ̆p Hlabơar Nơ̆r 'Bok Kei-Dei

¹⁶ Sư khan: Tơdah lu iĕm kơ'mĭna lu bơngai drŏ-kăn Hêbrơ tơpŭ, mưh tơpŭ kon drŏ-nglo, iĕm ket pơlôch lê̆ hŏ, mưh bơngai drŏ-kăn iĕm rong arih.

Le 1:16 Iomraidhean Croise

Horiso 105:25

Na Sư tơplih jơhngơ̆m bơngai Êyiptơ, areh kơ kon pơlei pơla Sư. Chă đon wă pơrăm lu đĭch đam Sư.

Le 1:15

Pơtao dêh Êyiptơ khan kơ lu yă kơ'mĭn bơngai Hêbrơ tơpŭ, minh 'nu anăn Sipra păng minh 'nu anăn Phuah.

Le 1:22

Pharaôn khan tơtă kơ đĭ-đăng kon pơlei sư kơdih thoi âu: Mưh iĕm 'bôh lu bơngai Hêbrơ 'nao tơpŭ kon drŏ-nglo iĕm klơ̆m lê̆ tơ đak krong Nil; kon drŏ-kăn iĕm rong sư arih.

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Jang 7:19

'Bok pơtao ei pơm kơnê̆ kơ lu 'bok kơdră bơ̆n sơ̆ păng sư pơgŏ lu sư athei hŭt pơơ̆t đĭ kon nge lu sư wă kơ lu kon nge jah lôch.

Hêbrơ 11:23

Mĕ 'bă Môis kư̆m đei đon lui, na lăp bre sư tơpŭ kơ nge Môis, na bre sư lăng nge 'noh 'bak 'lơ̆ng, na bre sư ôn nge 'noh truh tơ pêng khei, kơlih kơ kơplah noh 'bok pơtao chă pơlôch đĭ lu kon nge drŏ-nglo. Mă-lei mĕ 'bă Môis ưh kơ hli kơ 'bok pơtao ôh. Jơhngơ̆m bre sư oei hiôk đĕch.

Tơdrông Tơ'bôh 12:4

Kiĕng sư hor ba lu sơnglŏng đơ̆ng plĕnh huŏng tơ teh minh pah lăm pêng. Klaih kơ noh na sư năm 'bơ̆t anăp bơngai drŏ-kăn mă jĭ anăp wă tơpŭ noh, sư răp gô bơngai noh tơpŭ wă luŏn sa kon nge sư.