Le 1:12 - Sơ̆p Hlabơar Nơ̆r 'Bok Kei-Dei

¹² Mă tơpă lu bơngai Êyiptơ rai wă rôp pơgŏ pơmat lu sư, kon pơlei Isơrael rai lơ rai jơ̆p-jang kơ dêh char, lăm jơhngơ̆m lu bơngai Êyiptơ hli kơ kon pơlei Isơrael.

Le 1:12 Iomraidhean Croise

Bl 46:3

Kră Yang 'Bok Kei-Dei khan; Inh jơ̆ Kră Yang 'Bok Kei-Dei, Kră Yang 'Bok Kei-Dei 'bă ih. Jur bĕ tơ dêh Êyiptơ, hli kơ kiơ. Yua kơ tơ noh Inh gô ăn kơ ih jing minh adrĕch adrung tih.

Ne 9:23

Ih kư̆m thim ăn đei kon sâu hrôh ngôh lơ thoi lu sơnglŏng tơ kơpal plĕnh, ba lu sư mơ̆t tơ dêh mă Ih đei pơkă hăm 'bok lu sư sơ̆: Lu iĕm gô mơ̆t tơ noh na iŏk asong băl dêh noh.

Jop 5:2

Lu bơngai kơtul đei jơhngơ̆m blĕk pơlôch kơdih akâu, jơhngơ̆m gar pơlôch lu bơngai kơhlôh kơwao.

Horiso 105:24

Kră Yang ăn kơ kon pơlei pơla sư rai hrôh, ăn kơ lu sư pran hloh kơ lu đe mă pơjuă pơđep lu sư.

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Le 1:20

Kră Yang 'Bok Kei-Dei ăn tơdrong 'lơ̆ng kơ lu yă kơ'mĭn; kon pơlei rai tŏk păng jing rai lơ kơdrâ̆m.

Le 1:7

Mă-lei kon sâu Isơrael pơjing rai lơ, rai kơdrâ̆m hlĭch chrơp tơpă, rai đunh jing mơdrŏng pran kơtang, oei 'bĕnh-'bang jơ̆p-jang kơ dêh 'noh.

Le 1:9

Pơtao khan kơ kon pơlei sư: Kon pơlei adrĕch Isơrael rai lơ kơdrâ̆m păng pran hloh kơ lu bơ̆n.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Tơdrông Pơđơk 27:4

Tơdrong hil mĭl kơnê̆ tơpă, Tơdrong hil thoi đak lĕch ro blai lơ̆p, Bu kĕ dơ̆ng 'bơ̆t anăp tơdrong hil gar.

Jo 22:3

Lu bơngai Môap hli dêh kơ lu bơngai Isơrael yua kơ kon pơlei Isơrael lơ tơpă.

Yo 12:19

Thoi noh boih, na lu bơngai Pharisi ơh klai. Lu sư pơma khan dih băl: “Iĕm lăng, ưh pă jei bơ̆n tơpă boih; dang ei đĭ-đăng kon bơngai kiơ̆ Sư ngăl.”

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Both 26:5

Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.