Kôlôsê 4:8 - Sơ̆p Hlabơar Nơ̆r 'Bok Kei-Dei

⁸ Inh wơh sư năm tơ iĕm wă kơ iĕm băt kơ nhôn oei 'lơ̆ng akâu, hăm wă kơ sư pơma pơlung iĕm, wă kơ iĕm hiôk kơ jơhngơ̆m 'biơ̆.

Kôlôsê 4:8 Iomraidhean Croise

Êsai 40:1

Kră Yang 'Bok Kei-Dei lu iĕm khan: Pơlung bĕ, pơlung bĕ kon pơlei Inh.

I Kor 4:17

Yua kơ tơdrong 'noh na inh wơh Timôthê năm tơ iĕm, sư kon inh mă 'mêm kơeng đơ̆ng inh bơtho sư tơdrong Kră Yang. Sư chu kơ nơ̆r inh ling-lang na sư gô tơ'blŏk ăn kơ iĕm dôm tơdrong inh kiơ̆ Yêsu Krist thoi yơ. Dôm tơdrong inh bơtho tơ rim hnam akŭm kư̆m lei-lăi thoi noh mơ̆n.

II Kor 1:4

Sư pơlung bơ̆n pơmat-tat wă kơ bơ̆n gơh pơlung lu bôl bơ̆n mă đei tơdrong pơmat-tat. 'Bok Kei-Dei pơlung bơ̆n thoi yơ, bơ̆n pơlung bôl thoi noh.

II Kor 12:18

Inh wơh Tĭt hăm minh 'nu 'nhŏng oh bơ̆n năm tơ iĕm ki, Tĭt hăm đei pơhlŭ iŏk tơmam iĕm? Ưh ôh, yua kơ nhi bơ̆jang minh jơhngơ̆m minh đon hơdai.

II Kor 2:7

Thoi noh dang ei bơ̆n 'nĕ pă jô̆ yo kơ sư, iĕm athei dah pơlung sư đĕch hli kơ sư sơ'ngon rai dêh.

Êphêsô 6:22

Thoi noh na inh wơh sư năm tơ iĕm wă kơ iĕm băt kơ nhôn oei 'lơ̆ng akâu păng wă kơ sư pơlung iĕm hiôk kơ jơhngơ̆m kơtơ̆ng tơdrong nhôn thoi yơ.

Philip 2:28

Thoi noh na inh wă kơ sư jah brŏk tơ iĕm, wă kơ iĕm hiôk 'bôh sư, mă inh kư̆m hiôk mơ̆n.

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

I Tes 2:11

Nhôn mơnat đĭ-đăng kơ lu iĕm kư̆m dang 'bă bơ̆n kơdih mơnat kơ bơ̆n mơ̆n.

I Tes 3:5

Yua kơ iĕm đei tơdrong đe areh kơ iĕm tơpă, na inh pă kĕ ĕnh, na wơh Timôthê năm tơ iĕm ki, wă kơ sư jet iĕm, wă kơ băt iĕm oei lui kơjăp kơ Kră Yang Yêsu dah ưh. Inh hli dêh kơ yang Satan pơhlŭ iĕm achăng lê̆ tơdrong lui bơ̆n. Yua kơ đêl nhôn mah bơtho gleh tơpă tă ưh kơ yua kiơ, inh 'mêm dêh.

I Tes 4:18

Kơlih kơ thoi noh tơdrong âu gô đei tơpă, na dang ei dôm lu bơ̆n oei arih iŏk dôm lu nơ̆r âu tơguăt kơdih lăm đon bĕ păng pơlung dih băl wă kơ chơt hiôk.

I Tes 5:11

Thoi noh tơdrong âu gô sĭt tơpă, na iĕm kư̆ adrin bơtho pơlung dih băl, kư̆m thoi iĕm adrin bơtho dih băl dang ei, wă kơ iĕm lui rai pran kơjăp.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

II Tes 2:17

Nhôn krao khan apinh Sư ăn kơ jơhngơ̆m iĕm hiôk chơt ling-lang păng ăn kơ iĕm nuih pran gơh pơm tôm tơdrong 'lơ̆ng tơpăt, nơ̆r pơma kư̆m athei pơma ling-lang mă tơpăt.