Kôlôsê 4:6 - Sơ̆p Hlabơar Nơ̆r 'Bok Kei-Dei

⁶ Bơ̆n athei pơma pơhiôk lu sư ling-lang, wă kơ bơ̆n gơh drơ̆ng lu sư mă trŏ.

Kôlôsê 4:6 Iomraidhean Croise

I Ho 16:24

Roi pơdah bĕ tơdrong ư-ang Sư tơ lăm lu adrĕch adrung bơngai. Tơdrong hlĭch Sư pơm bơih tơ lăm đĭ-đăng kon pơlei.

Horiso 105:2

Hơri bĕ kơ Sư, hơri bơnê bĕ kơ Sư. Ră roi bĕ tơdrong jang hlĭch chrơp sư.

Horiso 119:13

'Bơ̆r inh gô ră roi, dôm lu nơ̆r đơ̆ng 'bơ̆r Ih tơtă.

Horiso 119:46

Inh gô ră roi tơdrong Ih tơtă 'bơ̆t anăp lu pơtao. Ưh kơ đei mơlâu.

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Horiso 66:16

Ơ lu bơngai mă băt hli yom kơ Kră Yang 'Bok Kei-Dei, mơ̆ng bĕ. Inh gô roi dôm tơdrong mă Kră Yang đei pơm kơ bơhngol inh;

Tơdrông Pơđơk 10:21

Nơ̆r 'bơ̆r lu bơngai tơpăt rong arih lơ bơngai; Mă-lei lu bơngai kơwao lôch, yua kơ ưh kơ hlôh.

Tơdrông Pơđơk 15:4

Hơpiĕt pơma rơngơp noh thoi tơm 'long arih; Mă-lei đei hơpiĕt lu bơngai kơnê̆ tuĕnh jĭ pơrăm lăm jơhngơ̆m.

Tơdrông Pơđơk 15:7

Nơ̆r 'bơ̆r bơngai hơgei rei tơdrong hlôh wao; Mă-lei jơhngơ̆m lu kơwao ưh kơ thoi noh.

Bôk Bơthô 10:12

Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Êsêkiên 43:24

Ih athei năm ba 'bơ̆t anăp Kră Yang, lu 'bok soi prôi 'boh tơ kơpal păng pơyơ̆r pơm tơmam soi 'buh ăn kơ Kră Yang.

Lêwi 2:13

Ih athei tah 'boh lăm dôm tơmam pơyơ̆r tơpŭng; 'nĕ ăn tơmam tơpŭng pơyơ̆r mă ưh kơ đei 'boh ôh. Yua kơ 'boh wă tơ'bôh kơ tơdrong pơgơ̆p hăm Kră Yang 'Bok Kei-Dei ih lăm dôm lu tơmam ih pơyơ̆r athei đei 'boh.

Mathiơ 5:13

“Iĕm thoi lĕ kơ 'boh bơ̆n tah kơ tơmam sa 'băt 'lơ̆ng, wă kơ lu bơngai ala teh âu 'lơ̆ng 'biơ̆. Mă-lei dah 'boh jing sap, bơ̆n ưh kơ đei kiơ wă pơm kơ 'boh 'băt dơ̆ng. Thoi noh 'boh jing ưh pă yua boih, bơ̆n tuh hŭt lê̆ tơ teh, đe gô juă bơhlơ̆r đĕch.

Markôs 9:50

“'Boh tah kơ tơmam sa bơ̆n 'băt 'lơ̆ng păng săt ling-lang. Mă-lei dah 'boh jing sap bơ̆n ưh kơ đei kiơ wă pơm kơ 'boh 'băt dơ̆ng. Bơ̆n băt kơ 'boh tah kơ tơmam sa bơ̆n 'băt 'lơ̆ng, na iĕm athei pơm jơhngơ̆m đon dim hiôk hơiă dih băl ling-lang kư̆m thoi tơmam sa tah 'boh oei săt khŏm khŏm.”

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Both 11:19

Athei bơtho dơ̆ng kơ lu kon sâu iĕm, tơ'blŏk mă lu sư oei ngôi lăm hnam dah yak rok trong, kơplah oei tep dah iung đơ̆ng tep.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.