Kôlôsê 4:3 - Sơ̆p Hlabơar Nơ̆r 'Bok Kei-Dei

³ Apinh iĕm krao khan kơ 'Bok Kei-Dei tơgŭm nhôn 'biơ̆ hŏ wă kơ Sư ăn kơ nhôn gơh bơtho nơ̆r Sư kơ lơ bơngai, tơdrong Kon Sư Yêsu Krist mă tam mă tơbăt kơ đe đơ̆ng sơ̆. Yua kơ inh bơtho tơdrong 'noh na đe oei phak inh dang ei.

Kôlôsê 4:3 Iomraidhean Croise

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Jang 14:27

Lăp truh tơ pơlei ei boih, bre sư krao akŭm bơngai lui. Bre sư roi đĭ tơdrong 'Bok Kei-Dei tơgŭm bre sư păng tơdrong 'Bok Kei-Dei ăn kơ lu bơngai tơmoi mă ưh kơ khŭl Juđê lui kiơ̆ kơ 'Bok Kei-Dei.

Rom 16:25

Bơnê kơ 'Bok Kei-Dei, Sư boih gơh tơgŭm iĕm lui kơjăp, inh bơtho iĕm tơdrong 'nao 'lơ̆ng Yêsu Krist wă kơ iĕm băt Sư gơh ăn kơ iĕm lui kơjăp. Tơdrong Yêsu Krist âu lu kră sơ̆ ưh tam kơtơ̆ng ôh.

I Kor 16:9

yua kơ tơ Êphêsô âu dang lĕ trong rơwơn pơchoh ăn kơ inh jang 'biơ̆, mă-lei kư̆m đei lơ bơngai wă ayăt kơ nhôn mơ̆n.

I Kor 4:1

Thoi noh nhôn wă kơ iĕm lăng nhôn thoi đĭch đam Yêsu Krist chă bơtho kơ đe tơdrong hrĕp 'Bok Kei-Dei tam mă tơbăt kơ đe.

II Kor 2:12

Đơ̆ng rŏng kơ inh chih kơ iĕm kơthơ noh ki, inh năm tơ Pơlei Trôs bơtho tơdrong 'nao 'lơ̆ng Yêsu Krist tơ noh. 'Bok Kei-Dei pơchoh trong kơ inh năm jang tơdrong Sư tơ noh.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Êphêsô 3:3

Sư tơbăt ăn kơ inh tơdrong mă đe ưh tam mă băt đơ̆ng sơ̆, tơdrong mă inh chih roi tơ kơpal 'noh hei.

Êphêsô 3:4

Iĕm đŏk lăng boih na iĕm băt hloi kơ inh hlôh tôm tơdrong Yêsu Krist.

Êphêsô 3:9

Dôm tơdrong Sư wă tơgŭm bơ̆n Sư tơbăt ăn kơ inh, wă kơ inh năm tơbăt ăn kơ đĭ-đăng bơngai. 'Bok Kei-Dei Yang mă pơjing tôm tơdrong Sư wă tơgŭm bơ̆n tơpă tơdrong noh, mă ưh tam mă tơbăt ăn kơ đe đơ̆ng sơ̆.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Philip 1:19

Mă đei tơdrong gleh truh kơ inh dang ei jơhngơ̆m inh oei hiôk ling-lang, yua kơ inh băt tơpă inh gô klaih yua kơ iĕm krao khan tơgŭm inh, na Yang Bơhngol 'Lơ̆ng Yêsu Krist gô tơgŭm inh tơpă.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Kôlôsê 1:26

Tơdrong noh sơ̆ 'Bok Kei-Dei ưh tam mă tơbăt ăn kơ đe ôh, dôm chăl boih mă 'nao tơbăt ăn kơ lu kon Sư dang ei.

Kôlôsê 4:18

Kơthơ âu nơ̆r inh Pôl pơma, buăl inh chih; lăp wă jê̆ tôch na ti inh chih kơdih. Iĕm 'nĕ hiơt kơ inh, đe oei chô̆ hăm tơlei glang mam ling-lang. Inh apinh 'Bok Kei-Dei wei-lăng iĕm tôm tơdrong.

I Tes 5:25

Ơ 'nhŏng oh păng iĕm kư̆m krao khan kơ 'Bok Kei-Dei tơgŭm lu nhôn mơ̆n hŏ.

II Tim 1:16

Inh krao khan kơ Kră Yang 'Bok Kei-Dei apinh Sư mơnat kơ hnam dơnŏ Ônêsip yua kơ lơ 'măng boih sư năm hơpong tơ inh, na jơhngơ̆m inh hiôk tơpă. Sư ưh kơ mơlâu kơ đe phak inh ôh.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Phil 1:22

Ih hơmet lê̆ kơ inh anih tep hŏ. Rŏ lăng 'Bok Kei-Dei ăn kơ inh lĕch đơ̆ng hnam phak âu thâu kơlih kơ iĕm krao khan kơ Sư ling-lang. Dah inh lĕch inh năm tơ iĕm.