Kôlôsê 4:2 - Sơ̆p Hlabơar Nơ̆r 'Bok Kei-Dei

² Iĕm athei adrin gah tơdrong krao khan. Kơplah iĕm oei krao khan, iĕm athei tơchĕng kơ tơdrong krao khan đĕch, 'nĕ kơ tơchĕng tơdrong nai. Păng ling-lang athei bơnê kơ 'Bok Kei-Dei.

Kôlôsê 4:2 Iomraidhean Croise

Jop 15:4

Tơpă ih pơm kơ bơngai tơhiong lê̆ tơdrong hli yom kơ Kră Yang 'Bok Kei-Dei, Lăng ưh kơ hiơ̆k tơdrong tơchĕng pơwao 'bơ̆t anăp Sư.

Horiso 109:4

Mă inh 'mêm kơ lu sư, lu sư oei ayăt kơ inh. Mă inh oei krao khan kơ lu sư.

Mathiơ 26:41

Inh wă kơ iĕm kral ngôi hơpong kơ Inh păng wă kơ iĕm krao khan kơdih wă kơ iĕm huay kơ lui kơ yang Satan pơhlŭ. Inh băt kơ jơhngơ̆m đon iĕm wă ră, mă-lei akâu iĕm ưh kơ kĕ.”

Markôs 13:33

Iĕm athei kơchăng tơdrong lui mă tơpă păng krao khan mă nŏng yua kơ iĕm ưh kơ băt tơdrong ei wă truh layơ.

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Jang 1:14

Lu đe âu krao khan ling-lang kơ Kră Yang 'Bok Kei-Dei. Kư̆m đei Mari mĕ Yêsu păng lu oh Yêsu drŏ-nglo păng lu drŏ-kăn nai dơ̆ng akŭm pôm đon krao khan păng lu sư mơ̆n.

Rom 12:12

Bơ̆n băt kơ ning-mônh 'Bok Kei-Dei wă ăn kơ bơ̆n oei hiôk jơnap tơpă, na dang ei bơ̆n kư̆m pơm hiôk thoi ning-mônh. Mă bơ̆n đei tơdrong gleh pơmat, mă đe hil areh kơ bơ̆n, bơ̆n kư̆ adrin jang khŏm khŏm đĕch, mă-lei 'nĕ hiơt tơdrong krao khan kơ 'Bok Kei-Dei.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Kôlôsê 1:9

Thoi noh boih na đơ̆ng năr nhôn kơtơ̆ng tơdrong iĕm lui kơjăp, na nhôn krao khan kơ 'Bok Kei-Dei ăn kơ iĕm gơnang kơ Yang Bơhngol 'Lơ̆ng wă kơ iĕm hlôh băt tôm tơdrong 'Bok Kei-Dei, kiơ̆ thoi Sư lăp đon.

Kôlôsê 2:7

Sư pơm tơm kơ bơ̆n na iĕm athei gơnang kơ Sư mă tơpă wă kơ lui kơjăp kiơ̆ thoi đe bơtho iĕm sơ̆, na tơdrong lui iĕm rai đunh rai wơ̆. Mă tôm tơdrong kiơ kiơ athei bơnê kơ 'Bok Kei-Dei ngăl.

Kôlôsê 3:15

Yêsu Krist ăn kơ bơ̆n hiôk hơiă dih băl, na bơ̆n athei adrin kiơ̆ thoi noh, yua kơ 'Bok Kei-Dei rơih iŏk bơ̆n wă kơ bơ̆n pôm đon. Păng ling-lang 'nĕ kơ hiơt pơma bơnê kơ 'Bok Kei-Dei.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

I Sam 1:12

Kơplah sư oei krao khan 'bơ̆t anăp Kră Yang, Hêli lăng 'bơ̆r sư.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.