Kôlôsê 4:17 - Sơ̆p Hlabơar Nơ̆r 'Bok Kei-Dei

¹⁷ Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.

Kôlôsê 4:17 Iomraidhean Croise

II Ho 29:11

Ơ lu đe kon inh 'nĕ pă pơhiơ̆, yua kơ Kră Yang đei rơih iŏk boih lu iĕm jing đĭch đam Sư, wă kơ dơ̆ng 'bơ̆t anăp Sư, bơ̆jang kơ Sư soh tơmam 'bâu phu kơ Sư.”

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Jo 18:5

lu iĕm athei wei-lăng tôm tơdrong lăm bơsŭn 'lơ̆ng rơgoh păng chơnang soi, wă kơ huay pă đei tơdrong Kră Yang hil kơ bơngai Isơrael.

Mathiơ 25:17

Bơngai mă iŏk 'bar hlak jên maih yŏng sư noh, kư̆m pơm lei-lăi, đei lơi kơ sư 'bar hlak jên maih dơ̆ng.

Jang 1:17

Juđa sơ̆ oei păng bơ̆n, jang hơdai păng bơ̆n.

Jang 14:23

Tơ rim pơlei bre sư kư̆m rơih ăn kơ lu sư wă kơ đei lu kră wei-lăng bơngai lui. Na bre sư ơ̆t kơ por krao khan, na bre sư krao khan apinh Kră Yang tơgŭm đĭ-đăng lu bơngai kră ei yua kơ lu sư lui kơ Kră Yang.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

I Tim 4:14

Sơ̆ lăp lu kră pel kơ̆l ih na 'Bok Kei-Dei ăn kơ lu bơngai khan lê̆ hơdrol gah ih, 'Bok Kei-Dei ăn kơ ih jang tơdrong Sư pran hơgei. Na ih athei gơnang kơ 'Bok Kei-Dei tơgŭm ih ling-lang tơdrong ih hơgei 'noh.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

I Tim 6:20

Ơ Timôthê, ih athei wei dôm lu nơ̆r inh pơkă kơ ih âu hŏ păng ih 'nĕ ăn kơ đe tơplih nơ̆r pơma âu. Păng ih 'nĕ kơ năm mơ̆ng lu bơngai năm bơtho tơdrong 'Bok Kei-Dei mơ̆n mă ưh kơ trŏ yua kơ sư bơtho ưh kơ trŏ thoi bơ̆n ôh. Lu sư bơtho ưh kơ lei-lăi, sư bơtho kư̆ kă đĕch, mă-lei sư khan sư bơtho trŏ tơpă.

II Tim 1:6

Sơ̆ inh pel kơ̆l ih wă ăn kơ ih jang tơdrong 'Bok Kei-Dei. Đơ̆ng năr noh sơ̆ 'Bok Kei-Dei ăn kơ ih pran hơgei jang tơdrong Sư. Inh wă kơ ih oei 'blŏk hơdơ̆r kơ năr noh păng kư̆ gơnang kơ Sư na ih jang tơdrong Sư pran hơgei.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.

Phil 1:2

Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.