Kôlôsê 3:9 - Sơ̆p Hlabơar Nơ̆r 'Bok Kei-Dei

⁹ 'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.

Kôlôsê 3:9 Iomraidhean Croise

Tơdrông Pơđơk 13:5

Bơngai tơpăt băt areh kơ nơ̆r hơlĕnh; Bơngai kơnê̆ pơm trŏ kơ mơlâu hlơ̆l lĕm.

Êsai 63:8

Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Sa 8:16

'Nâu tơdrong lu iĕm athei pơm: Athei pơma tơpăt dih băl, arih hiôk chơt hăm rông 'bôt, athei sek tơlang mă tơpăt hơnơ̆ng.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Rom 6:6

Sơ̆ bơ̆n akâu so, mă-lei dang ei dang đe pơ̆ng pơlôch bơ̆n hơdai hăm Yêsu tơ 'long pơglang boih, wă tơhiong đĭ dôm tơdrong so na mă bơ̆n gơh rơngei đơ̆ng tơdrong yoch.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Kôlôsê 3:8

Mă-lei dang ei iĕm athei tŭk bĕ. 'Nĕ kơ hil areh kơ đe, 'nĕ pơm kơnê̆ kơ đe, 'nĕ kơ pơjăm đe blei hiap đe.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.