Kôlôsê 3:8 - Sơ̆p Hlabơar Nơ̆r 'Bok Kei-Dei

⁸ Mă-lei dang ei iĕm athei tŭk bĕ. 'Nĕ kơ hil areh kơ đe, 'nĕ pơm kơnê̆ kơ đe, 'nĕ kơ pơjăm đe blei hiap đe.

Kôlôsê 3:8 Iomraidhean Croise

Horiso 37:8

Ĕnh bĕ kơ hil păng lê̆ pă blĕk; Lê̆ kơ hiơ̆k tơdrong noh gô truh kơ tơdrong kơnê̆.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 19:19

Bơngai bu hil dêh gô pŭ đe phak. Tơdah ih dŏng sư, Ih athei dŏng pơklaih sư dơ̆ng.

Tơdrông Pơđơk 29:22

Bơngai juăt kơ hil khĕnh tĕnh kơ pơjah; Bơngai jơhngơ̆m tơtŏ pơm ưh kơ trŏ lơ hloh.

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Markôs 7:22

sư kơtrŏ păng akăn đe, sư 'nhĕng đe, sư pơm tôm tơdrong kơnê̆, sư pơma plơ̆ plĕch hơlĕnh pơdăr, sư pơma bâu roi đe, sư pơang akâu kơdih, sư pơm tôm tơdrong glăi răm.

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

I Kor 3:3

yua kơ iĕm oei kiơ̆ kơ sĕch akar thoi bơngai ala teh, iĕm oei tơklai băl, iĕm oei pơjah pơjăng tơhil băl. Iĕm pơm thoi noh dang lĕ oei lei-lăi kơ bơngai kiơ̆ kơ sĕch akar ala teh đĕch.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Galati 5:15

Thoi noh iĕm 'nĕ kơ pơrăm dih băl hli kơ hiong đĭ tơdrong lui iĕm. Dah iĕm pơm thoi noh dang lĕ kơ sem bri tơkăp dih băl jing lôch răm akâu kơdih.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Galati 5:26

Bơ̆n 'nĕ pơang akâu bơ̆n kơdih. Bơ̆n 'nĕ chă tơdrong wă tơhil dih băl păng 'nĕ kơ 'nhĕng dih băl.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Êphêsô 4:26

Dah iĕm đei tơdrong ơh, iĕm 'nĕ kơ pơm kơnê̆ kơ sư, 'nĕ tơhil băl đunh truh kơ măng,

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Êphêsô 5:4

Bơ̆n ưh pă gơh pơma tơdrong kơnê̆, tơdrong kư̆ kă, tơdrong chroih tơ nai. Bơ̆n athei pơma ling-lang gah tơdrong ư-ang kơ 'Bok Kei-Dei đĕch.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Kôlôsê 3:9

'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

I Tim 1:20

Thoi bre Himenaius hăm Aleksandrê hŭt tơdrong lui bre sư, na inh jao lê̆ bre sư kơ yang Satan wă kơ bre sư đei tơdrong gleh na wă kơ bre sư tơbral ưh pă pơma kơnê̆ kơ 'Bok Kei-Dei dơ̆ng.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.

Ya 2:7

Lu sư kư̆m pơma kơnê̆ kơ Yêsu Krist Kră Yang bơ̆n mă 'lơ̆ng tơpăt.

I Pet 2:1

Thoi noh na bơ̆n 'nĕ pă pơm dôm tơdrong kơnê̆, dôm tơdrong hơlĕnh pơdăr kơ đe, 'nĕ kơ 'nhĕng đe, 'nĕ kơ bâu roi pơjăm đe.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

II Pet 2:7

Pơlei noh 'Bok Kei-Dei pơklaih pôm 'bok Lot, yua kơ 'bok Lot bơngai 'lơ̆ng tơpăt; 'bok Lot 'bôh kon pơlei pơla pơm kơnê̆ kư̆ kă, sư sơ'ngon dêh.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Ju 1:8

Na lu bơngai mă pơhlŭ iĕm noh, lu sư khan lu sư apo 'bôh tơdrong sĭt tơdrong trŏ khan pơm kư̆ kă kư̆m bưh, ưh kơ chu yom kơ yŏng bơ̆n kư̆m bưh, pơma kơnê̆ kơ lu linh jang kư̆m bưh.

Tơdrông Tơ'bôh 16:9

Tŏ sa kon bơngai na kon bơngai blei hiap pơma kơnê̆ kơ 'Bok Kei-Dei, yua kơ 'Bok Kei-Dei phak pơmat lu sư tôm tơdrong thoi noh. Mă-lei lu sư ưh kơ chu tơbral tơdrong yoch 'mơ̆i hăm ưh kơ wă ư-ang kơ 'Bok Kei-Dei.