Kôlôsê 3:24 - Sơ̆p Hlabơar Nơ̆r 'Bok Kei-Dei

²⁴ Tơdrong iĕm jang gô đei sa apah, ưh kơ sĭ iĕm jang hoh hoh đĕch ôh. Iĕm jang tơdrong Yŏng bơ̆n Yêsu Krist na Sư gô ăn kơ iĕm dôm tơdrong hiôk 'lơ̆ng mă Sư wă ăn kơ dôm lu kon 'Bok Kei-Dei.

Kôlôsê 3:24 Iomraidhean Croise

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Mathiơ 10:41

Bu sơng iŏk bơngai pơtruh nơ̆r 'Bok Kei-Dei, sư băt kơ bơngai noh pơtruh nơ̆r 'Bok Kei-Dei tơpă, bơngai 'noh gô đei tơdrong apah thoi 'Bok Kei-Dei apah bơngai mă pơtruh nơ̆r Sư noh. Bu sơng iŏk bơngai 'lơ̆ng tơpăt, sư băt kơ bơngai noh tơpăt tơpă, bơngai 'noh gô đei tơdrong apah thoi 'Bok Kei-Dei apah bơngai mă 'lơ̆ng tơpăt noh mơ̆n.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Mathiơ 5:46

Dah iĕm 'mêm pôm lu bơngai mă 'mêm kơ iĕm đĕch, lei 'Bok Kei-Dei ưh kơ bơnê kơ iĕm ôh. Bĭ lu bơngai pơgŏ iŏk jên thuê̆ kư̆m băt 'mêm kơ bôl sư.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:5

“Iĕm 'nĕ krao khan thoi lu bơngai pơang akâu, lu sư wă kơ đe ư-ang kơ sư na lu sư pơm iung dơ̆ng krao khan kơ 'Bok Kei-Dei 'bơ̆t anăp bôl tơ lăm hnam akŭm, phŏ tơ kơphô̆, phŏ tơ kơchơ, wă kơ đe 'bôh na ư-ang kơ sư khan sư bơngai 'lơ̆ng. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Luka 14:14

Na ih gô hiôk yua kơ lu sư ưh kơ gơh wơ̆n hơlơ̆k kơ ih dơ̆ng ôh. Na 'Bok Kei-Dei gô apah ih lăm năr lu bơngai 'lơ̆ng iung arih dơ̆ng ning-mônh.”

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

Rom 14:18

Bơngai mă lui yom kơ Yêsu thoi noh, bơngai noh 'Bok Kei-Dei lăp đon, mă tơduă kon bơngai kư̆m lăp đon mơ̆n.

I Kor 11:23

Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,

I Kor 3:8

Bre bơngai pơtăm păng pruih đak bre sư lei-lăi đĕch. 'Bok Kei-Dei apah bre sư kiơ̆ kơ tơdrong jang.

I Kor 7:22

Bơngai bu đĭch đe mă-lei Kră Yang krao sư lui, bơngai 'noh kư̆m dang rơngei mơ̆n, yua kơ sư lui kơ Kră Yang Yêsu Krist. Mă bơngai bu ưh kơ đĭch đe, Yêsu Krist krao sư lui, bơngai 'noh kư̆m dang đĭch Yêsu Krist mơ̆n.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

Êphêsô 6:6

Iĕm athei jang mă tơpă ngê̆ kiơ kơ yŏng iĕm gŏk gô na jang, iĕm kư̆ kơ jang mă 'lơ'lŏ jang mă tơpăt đĕch na 'Bok Kei-Dei bơnê. Mă khan iĕm jang kơ sư kư̆m dang jang kơ Yŏng bơ̆n Yêsu mơ̆n.

Êphêsô 6:8

Yua kơ Yŏng bơ̆n Yêsu Krist wă apah bơngai bu mă jang 'lơ̆ng jang tơpăt, mă khan sư bơngai đĭch đe, mă bơngai rơngei.

Kôlôsê 2:18

Lu bơngai 'noh, lu sư athei bơ̆n kiơ̆ sư iŏk đon ala kơ đe. Lu sư khan lu sư đei tơdrong apo tơ'bôh kơ lu sư đơ̆ng plĕnh wă kơ bơ̆n kiơ̆ lu sư kơkuh kơ linh jang kiơ̆ tơdrong giĕng lu sư, na mưh lu sư 'bôh bơ̆n ưh kơ kiơ̆ lu sư, lu sư khan bơ̆n yoch boih. Mă-lei iĕm 'nĕ kơ lui kơ tơdrong lu sư pơhlŭ noh hŏ. Lu sư pơm kiơ̆ kơ đon kon bơngai tơchĕng đĕch păng wă pơang akâu lu sư kơ đe.

Hêbrơ 10:35

Thoi noh na iĕm 'nĕ kơ lê̆ tơdrong lui. Yua kơ iĕm lui kơjăp boih, iĕm gô đei tơmam 'Bok Kei-Dei asong tơ plĕnh ti.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

I Pet 1:4

Tôm tơdrong noh Sư hơmet ăn kơ bơ̆n tơ plĕnh boih, na tôm tơdrong noh ưh kơ đei layơ hiong răm bŭk ôm ôh.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Ru 2:12

Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.