Kôlôsê 3:2 - Sơ̆p Hlabơar Nơ̆r 'Bok Kei-Dei

² Iĕm athei tơchĕng ling-lang gah tơdrong tơ kơpal plĕnh ti, 'nĕ pă tơchĕng kơ tơdrong tơ ala teh âu,

Kôlôsê 3:2 Iomraidhean Croise

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Bôk Bơthô 7:14

Lăm năr hiôk athei chơt, lăm năr pơmat-tat, lăng bĕ. Pŭn hiôk dah pơmat-tat. 'Bar tơdrong noh đơ̆ng Kră Yang 'Bok Kei-Dei ăn.

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Mathiơ 6:19

“Iĕm 'nĕ chă mong mŭk tơmam dah jên tơ teh âu lơ, yua kơ tơ teh âu đei sang-sa, mua reh, hăm hli kơ đe iŏk tơtông mơ̆n.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Luka 16:11

Dah iĕm ưh kơ pơm tơpăt tơdrong wei-lăng mŭk tơmam ala teh âu, lei 'Bok Kei-Dei kư̆m ưh kơ wă ăn kơ iĕm wei-lăng mŭk tơmam tơ kơpal plĕnh ti mơ̆n.

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

Kôlôsê 3:1

'Bok Kei-Dei dang tơiung arih iĕm hơdai hăm Yêsu Krist boih, na iĕm athei adrin chă dôm tơdrong tơ kơpal plĕnh ti, anih mă Yêsu oei pơgơ̆r gah 'ma kơ 'Bă Sư 'Bok Kei-Dei.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.