Kôlôsê 3:19 - Sơ̆p Hlabơar Nơ̆r 'Bok Kei-Dei

¹⁹ Ơ lu bơngai drŏ-nglo, iĕm athei băt 'mêm kơ akăn iĕm, 'nĕ kơ hơwĕng kơ sư.

Kôlôsê 3:19 Iomraidhean Croise

Bl 24:67

Isăk chông hloi Rê'bêka mơ̆t tơ lăm bơsŭn Sara, mĕ sư. Iŏk pơm akăn păng 'mêm kơeng kơ sư. Thoi noh Isăk klaih kơ sơ'ngon đơ̆ng rŏng kơ mĕ sư lôch.

Bôk Bơthô 9:9

Dôm lu năr lăm chăl arih ih mă ưh kơ yua Kră Yang 'Bok Kei-Dei ăn boih kơ ih lăm ala teh 'nâu, ih athei oei sa mă hiôk chơt bĕ hăm kon akăn ih mă ih 'mêm kơeng; yua kơ noh jơ̆ tơdrong apah kơ ih đơ̆ng tơdrong gleh hrat.

Luka 14:26

“Bơngai bu wă kiơ̆ Inh, mă-lei sư 'mêm kơ mĕ 'bă sư, kon akăn sư, 'nhŏng oh sư hloh kơ sư 'mêm kơ Inh păng sư 'mêm kơ akâu sư kơdih, lei sư ưh kơ gơh jing bơngai kiơ̆ Inh ôh.

Rom 3:14

'Bơ̆r băt kơ hiap areh kơ đe.

Êphêsô 4:31

Iĕm athei lê̆ đĭ dôm tơdrong tơhil pơma ôr pơret, tơdrong ơh lăm jơhngơ̆m pơma kơnê̆ kơ đe, hăm đĭ dôm tơdrong khĕnh hơwĕng.

Êphêsô 5:25

Lu bơngai pơm klo kư̆m lei-lăi athei băt 'mêm kơ akăn sư kơdih thoi Yêsu 'mêm kơ bơ̆n bơngai lui kơ Sư năm ăn akâu Sư kơdih lôch tang bơ̆n,

Êphêsô 5:33

Thoi noh na lu bơngai pơm klo athei 'mêm kơ akăn sư thoi noh tơpă, thoi sư 'mêm kơ akâu sư kơdih. Na lu bơngai pơm akăn kư̆m lei-lăi athei băt 'mêm mơnat hăm chu yom kơ klo sư pơgơ̆r sư lăm tôm tơdrong.

Kôlôsê 3:21

Ơ lu bơngai đei kon hơ'lơ̆p, iĕm 'nĕ kơ hil hơwĕng kơ lu kon iĕm, hli kơ lu sư rai ơh sơ'ngon rai dêh.

Ya 3:14

Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.

I Pet 3:7

Lu bơngai drŏ-nglo kư̆m lei-lăi, iĕm athei pơm 'lơ̆ng kơ akăn iĕm, iĕm athei mơnat kơ sư 'biơ̆ yua kơ sư bơngai drŏ-kăn tơrăn hloh kơ iĕm; yua kơ tơdrong arih 'Bok Kei-Dei ăn tôm biĕm arih, ưh kơ sĭ ăn pôm drŏ-nglo đĕch ôh. Dah iĕm ưh kơ chu thoi noh tơdrong iĕm krao khan kơ 'Bok Kei-Dei ưh kơ yua kiơ boih.